على خلفية مقتل السيدة مروة الشربينى-دعوة لحملة للمقاطعة والمطالبة بعقاب الجانى

**sab3aawy** · 05-07-2009 11:05 AM

اقل شئ نفعله من أجل اختنا التى لقيت حتفها على يد انسان عنصرى وهمجى ، ومن اجل انفسنا حتى نعلن امام العالم كله اننا لسنا شعب بلا كرامة

هو ان نطلق حملة للضغط على الحكومة الألمانية حتى يتم اتخاذ عقاب رادع ضد الجانى الذى قتل اختنا عمدا مع سبق الاصرار بسلاح تم اعداده مسبقا لارتكاب هذا الغرض ، يعنى جريمة تقتضى اقصى العقوبة فى قانون اى دولة

ولتكن وسيلتنا فى هذا هى الوسيلة التى لا نملك غيرها والتى اثبتت فعالية لا بأس بها فى مواقف عديدة ، وهى المقاطعة ، دعونا نعلن مقاطعة جميع المنتجات والخدمات الألمانية، ليس كراهية فى الشعب الألمانى ، وليس كراهية فى الحكومة الألمانية التى لم نر منها ما يسوء، لكن فقط كنوع من المطالبة بحقنا باعتبارنا كلنا اهل لهذة السيدة
وليتذكر كل مصرى يعتز بمصريته انه تم قتل اخت مصرية بدم بارد
وليتذكر كل مسلم يعتز باسلامه انه تم قتل اخت مسلمة بسبب انها مسلمة تمارس حقها فى ارتداء الحجاب
وليتذكر كل كاره للعنصرية ايا كان دينه انه قد تم قتل انسانة بريئة على يد عنصرى قذر لا يستحق الحياه اصلا

نريد من السلطة الألمانية ان تعيد لنا حقنا فى شكل حكم رادع

وحتى ذلك الحين انا لن اشترى منتجا المانيا او منتج لأيه شركة المانية يصنع فى اى مكان فى العالم
لا قطع غيار المانية
لا مشروبات المانية حتى لو كانت مصنعة فى مصر (شويبس)
لا منظفات المانية (هنكل) حتى لو كانت مصنعة فى مصر
لا اداوت مكتبية المانية ولا كيماويات المانية ولا معدات كهربائية المانية

سأقاطع كل منتج المانى او يصنع تحت اسم شركة المانية حتى يعود لى حقى كمصرى ومسلم وكاره للعنصرية فى دم اختى

ومن كان يريد حقه فى دم اختنا فليتبعنى

**Ahmed Sharaf** · 05-07-2009 11:15 AM

وجهت النيابة العامة الالمانية تهمة القتل العمد للالمانى قاتل المصرية السيدة / مروة الشربينى , وطالبت بمعاقبتة بالسجن مدى الحياة دون أى إمكان للعفو.
وفى تصريحات خاصة لمندوب الأهرام , قال السفير المصرى فى المانيا رمزى عز الدين , ان السلطات الالمانية وصفت الحادث بانة عمل اجرامى , مشيرا الى انة تم تكليف محامى المانى بمتابعة التحقيقات استعدادا لرفع قضيتين , إحداهما جنائية و الاخرى مدنية. ( الاهرام الصفحة الاولى )

**elassar2010** · 05-07-2009 11:27 AM

انا خايف الى احنا بنعملوا فى الناس يتعمل فينا ويطلع تصريح فى الصحف غدا ان القاتل مختل عقليا!!!!!!!!

**sab3aawy** · 05-07-2009 11:38 AM

المشاركة الأصلية كتبت بواسطة elassar2010

انا خايف الى احنا بنعملوا فى الناس يتعمل فينا ويطلع تصريح فى الصحف غدا ان القاتل مختل عقليا!!!!!!!!

مهو لو طلع مختل عقليا وقتل السيدة المصرية، نطلع احنا كمان مختلين عقليا ونكف عن شراء افضل منتجات العالم التى تحمل شعار صنع فى ألمانيا

يبقى الأفضل انه لا هو يطلع مختل عقليا-وبكدة ينال عقابه الرادع-ولا احنا كمان نبقى مختلين عقليا وبكدة نحافظ على العلاقات التجارية مع الشعب الألمانى

**mido777** · 05-07-2009 11:46 AM

لو حد بيعرف المانى ياريت يترجم الكلام اللى كتبه سبعاوى ونبعته على الميل بتاع سفارة المانيا بأسم اعضاء نايل موتورز

او ممكن نكتبه بالأنجليزى لو صعب نلاقى حد بيكت المانى

**jisso82** · 05-07-2009 11:48 AM

المشاركة الأصلية كتبت بواسطة sab3aawy

مهو لو طلع مختل عقليا وقتل السيدة المصرية، نطلع احنا كمان مختلين عقليا ونكف عن شراء افضل منتجات العالم التى تحمل شعار صنع فى ألمانيا

يبقى الأفضل انه لا هو يطلع مختل عقليا-وبكدة ينال عقابه الرادع-ولا احنا كمان نبقى مختلين عقليا وبكدة نحافظ على العلاقات التجارية مع الشعب الألمانى

+1000000000000000

معاك فى الحملة إن شاء الله و دى أقل حاجة نبقدر نعبر بيها عن رأينا

**elassar2010** · 05-07-2009 11:50 AM

المشاركة الأصلية كتبت بواسطة sab3aawy

مهو لو طلع مختل عقليا وقتل السيدة المصرية، نطلع احنا كمان مختلين عقليا ونكف عن شراء افضل منتجات العالم التى تحمل شعار صنع فى ألمانيا

يبقى الأفضل انه لا هو يطلع مختل عقليا-وبكدة ينال عقابه الرادع-ولا احنا كمان نبقى مختلين عقليا وبكدة نحافظ على العلاقات التجارية مع الشعب الألمانى

ياريت يتحاكم بجد علشان يكون عبرة
والمهم ان السفارة المصرية تتابع معاهم وتضغط عليهم مش تتابع شوية وتنام زى ماعملت مع الطبيب المصرى المحجوز فى السعودية وعلية حكم بالجلد 1500 جلدة والله اعم بية عايش ولا مات

**jisso82** · 05-07-2009 11:51 AM

المشاركة الأصلية كتبت بواسطة mido777

لو حد بيعرف المانى ياريت يترجم الكلام اللى كتبه سبعاوى ونبعته على الميل بتاع سفارة المانيا بأسم اعضاء نايل موتورز

او ممكن نكتبه بالأنجليزى لو صعب نلاقى حد بيكت المانى

أنا ابن خالتى دكتور فى الحضارة الألمانية ممكن أطلب منه يترجمهولكم بس حد معاه الميل بتاع السفارة ده و بعدين إذا كنا هنبعته فلازم تتعاد صياغته مرة تانية بدون أى لفظ جارح حتى لو كان للمتهم هو ده رأيى و مستنى ردكم.

**muslimah_dentist** · 05-07-2009 12:07 PM

أنا معاك أستاذ سبعاوى فى كل ما تقول

**Mohamed.Raafat** · 05-07-2009 12:12 PM

انا معاك يا أستاذ سبعاوي

و ياريت كمان نقاطع ماركات السيارات الالمانية
و التوكيلات الرياضية puma و adidas
و حاجات تانية كتيير بس الذاكرة مش بتسعفني دلوقتي

الموضوع: على خلفية مقتل السيدة مروة الشربينى-دعوة لحملة للمقاطعة والمطالبة بعقاب الجانى

LinkBack

أدوات الموضوع

عرض

على خلفية مقتل السيدة مروة الشربينى-دعوة لحملة للمقاطعة والمطالبة بعقاب الجانى - انشر الموضوع فى :

-

-

-

-

-

-

المواضيع المتشابهه

دعوة للمقاطعة ...لكل اعدائنا الحقيقيين ..اعداء الدين......

بيان السفارة الالمانية فى حادث مقتل السيدة مروة الشربينى

نسألكم قراءة الفاتحة على روح شهيدة الإسلام السيدة مروة الشربيني

دعوة للمقاطعة لمدة شهر واحد وهاتشوفوا النتيجة (ادخل وشوف)

الكلمات الدلالية لهذا الموضوع

المفضلات

المفضلات

ضوابط المشاركة