السخان الهربائي الفوري !!!..مش العادي

كان نفسي أشارك من زمان علي الموضوع ده .. لأني كنت في الحيرة اللي كان فيها أحد الزملا دي الي أن وقع قراري علي الكهربائي الفوري !!!!!!
و ده للي مش عارفه نفس فكرة الغاز بس كهربا .. افهمكو
كويل رايح جاي ملفوف تدخل الميه تخرج من الناحية التانية فوري
بس بدل ما الكويل العادي من 1500 ل 2000 وات ..ده بقي من 5000 الي 24000 وات !!!!!!!!!!
طبعا حتقولو ايه خراب البيوت ده .. أبدا .. ده أوفر يجي 50 % من الكهربا العادي لأنه بيشتغل وقت فتح الميه فقط
و بصراحه أأمن من الغاز ( بسترخمه جدا ) و صوته مش مرعب زيه طبعا
نيجي بقي للسعر .. هو كان غالي جدا من 1500 ل 2500 جنيه ( وات عالي و صناعة المانية ) سيمنز و اشباهه .. الي أن وصلت مصر العظيمة بالماركة الجبارة أوليمبيك و تمنه 700 جنيه

إيه رأيكو ؟؟

يوجد منة نوع تايوانى بـ 900 جنية و حجمة 25 سم فى 30 سم و السمك 15 سم , انا جايبة من سنتين وكويس جداً بس لازم يكون عندك الكهرباء 3 فاز

عن تجربه مع التركى مش حلو لو الميه شديده مش حتحس بالسخونه وخصوصا فى الشتا

5000 واات يااااه ده هيسحب الكهربا من الشارع كله

ابدا يا دوك..هو زي مكيف 3 حصان بالظبط .. بس بحسبة بسيطة لا يمكن يشتغل أكتر من ساعة و كسر يوميا
و العادي بيشتغل حوالي 6 ساعات يوميا ( بما يساوي ساعتين و كسر من الفوري )

لازم يكون عندك عداد يستحمل الحمل ده (40 امبير على الأقل) ولو 40 امبير متشغلش معاه لا تكييف ولا غسالة ولا مكواه ولا مكنسة لأن العداد هيكن يدوبك على قده ولازم له وصلة مخصوص من العداد متقلش عن 6 مم

اما بالنسبة لماركة اوليمبيك وشقيقتها ايديال فاعتقد ان البعد عنهم غنيمة فى الوقت الحالى، تجاربى معهم سيئة

عندي واحد امريكاني 30 سم * 20 سم 3000 وات بس مش عملي لأغراض الاستحمام لأنه ( reduction flow ) يعني بيعمل تقليل لضغط المياه ليتيح تسخينها , بس الصراحه المياه بتنزل منه علي درجه الغليان. انصحك بسخان كهرباء عادي احسن بس يكون ماركه محترمه .

5000 وات يا جماعة يحتاج 22 وات ( احسبوها) و تكييف 1.5 حصان مش حيكمل 15 وات و العداد ده بيستحمل لفوق ال 50 وات

عندي 2 في البيت واحد 6 كيلو و الثاني 8 كيلو , مكونات انجليزي تقفيل تركي speed heat و سعره حوالي 760 جنيه يعني تقريبا نفس سعر المصري و عليه ضمان سنة و ضمان مدي الحياة علي الخزان و لو فيه مشكلة أو عيب هما بيتصلوا من نفسهم و يغيروا الخزان , بصراحة توكيل محترم و سخان ممتاز

في رأيي الغاز لا يعلى عليه وفي منه بيتشغل اوتوماتيك مع فتح المية بس

اقتباس:

---

المشاركة الأصلية كتبت بواسطة hegazio

5000 وات يا جماعة يحتاج 22 وات ( احسبوها) و تكييف 1.5 حصان مش حيكمل 15 وات و العداد ده بيستحمل لفوق ال 50 وات

---

5000 وات هيحتاج 5000/220= حوالى 22 امبير تقريبا (مع ملاحظة ان ده اقل نوع)
ضيف عليهم احمال البيت العادية لأنك مش معقول طبعا انك علشان هتشغل السخان هتطفى التليفزيون واللمبات والمراوح والكومبيوتر والتلاجة وتعلن حالة الطوارئ فى البيت علشان تستحمى، يعنى بنتكلم فى كمان 10 امبير تقريبا، يبقى كدة الحسبة 32 امبير

التكييف ال 1.5 حصان يعنى حوالى 1200 وات تقريبا ، يعنى 6 امبير، (مضافا اليهم 1 امبير تقريبا لمراوح التكييف )لكن لحظة بدء دوران محرك الكباس بيعلى فيها التيار لحوالى 3 اضعاف الحمل العادى لعدة ثوانى، يعنى حوالى 18 امبير لمده 3-5 ثوانى، مضاف ايها 1 امبير للمروحة، يبقى عندنا 19 امبير+ مجموع احمال السخان والاحمال المنزلية =32 امبير+19 امبير=51 امبير، وده ممكن جدا يتسبب فى اتلاف العداد ال 40 امبير، ونفس الكلام ينطبق على محرك الغسالة فى لحظة العصير، ومثله محرك المكنسة فى لحظة بدء حركته ، مع ملاحظة اننا اخترنا اصغر سخان ، وبالتالى العداد ال 40 امبير يعتبر يادوبك على قد السخان بدون احمال اخرى، لكن لكى يكون الامر مستقر لازم عداد 80 امبير

اقتباس:

---

المشاركة الأصلية كتبت بواسطة أبومريم

في رأيي الغاز لا يعلى عليه وفي منه بيتشغل اوتوماتيك مع فتح المية بس

---

كلام تماااااام

ايوه أنا قصدي 22 امبي مش وات .. و حضرتك حسبتها صح
بس انا قصدي العداد لو علي قومة التكييف أو حتي قومة السخان ( ماهو مش شغال علي طول ) يستحمل فوق ال 50 امبير
ده احنا فضلنا بالقديم ( كان 10 او 15 امبير مش فاكر ) لمده 3 شهور بعد ماشترينا تكييف 3 حصان و كان مستحمل عادي

اقتباس:

---

المشاركة الأصلية كتبت بواسطة أبومريم

في رأيي الغاز لا يعلى عليه وفي منه بيتشغل اوتوماتيك مع فتح المية بس

---

والله كان هيموتني البتاع ده ابعد عنه

و الله بقي انا متعقد من الغاز ده مووووت
و تسبب في وفاة اخت أعز أصحابي و زوجها في شهر العسل

بس بدل ما الكويل العادي من 1500 ل 2000 وات ..ده بقي من 5000 الي 24000 وات !!!!!!!!!!
إنت كدة بتتكلم في قدرة من 6 حصان إلى 30 حصان تقريباً :whtauwant:

اقتباس:

---

المشاركة الأصلية كتبت بواسطة zanativich

بس بدل ما الكويل العادي من 1500 ل 2000 وات ..ده بقي من 5000 الي 24000 وات !!!!!!!!!!
إنت كدة بتتكلم في قدرة من 6 حصان إلى 30 حصان تقريباً :whtauwant:

---

و لو 6 حصان ( هي مابتتحسبش كده قوي ) ماهو بيشتغل حوالي 25 % من وقت اللي بيشتغله ال 2000 واط
و بعدين ال 24000 واط لعمارة كاملة أو مصنع مش بيت عادي
قصدك ايه ؟

أنا مع كامل احترامي
كنت عاوز أقول إن اسوا أشكال إستهلاك الكهربا عندما تحول إلى طاقة حرارية

اقتباس:

---

المشاركة الأصلية كتبت بواسطة zanativich

أنا مع كامل احترامي
كنت عاوز أقول إن اسوا أشكال إستهلاك الكهربا عندما تحول إلى طاقة حرارية

---

متفق معاك ملين فى المي لان ده هو الاهدار بعينه لأن انتاج الكهرباء من حرارة احراق الغاز الطبيعى تضمن ضياع 66% من طاقة الغاز فى صورة فواقد فى محطة انتاج الكهرباء وما يصلنا منها لايزيد عن 27% بعد حساب فواقد النقل وخفض الجهد ،وبالتالى حرام جدا اعادة هذه النسبة الى حرارة مرة اخرى لذلك انا من اول ما دخل الغاز عندنا اوقفت عمل السخان الكهربائى نهائيا وجبت سخان غاز، لكن السخان الكهربائى موجود كاحتياطى، لكن لم مايكونش فيه غاز طبيعى ربنا ما يوريك ذل الانبوبة وبتاع الانبوبة والبحث عن الانبوبة وبلطجة بتاع الانبوبة اللى عايز يبيع لك ام 2.5 ب 10 جنيه ، لذلك فالواحد بيحول الكهرباء اللى متكلفة فلوس قد كدة الى حرارة وهو قلبه بيتقطع ، لكن كل ما الواحد بيفتكر ذل الأنبوبة فبيحرق الكهرباء بقلب جامد، علشان كدة فاتجاه نشر الغاز الطبيعى هو اتجاه صائب جدا

السخان الفوري الكهربائي شتيبل اولا: صناعة الماني او تايلاندي مكوناتة كلها نحاس وليست بروبلين او باغ وهو من اصحاب الاعمار الطويلة .
ثانيا :يوجد انواع تحتاج واحد فاز وسلك 4 ملي فقط يعني لا يحتاج لاي تجهيزات اضافية . وهو السخان رقم واحد في المانيا .. بدون منافس اكيد علشان كدة اسعارة غالية
ثالثاً: 50% من استهلاك الكهرباء تبدأ من 8 كيلو وات
.. ولو في سؤال يخص شتيبل انا في الخدمة .01208555859. متابع باهتمام

الموضوع من 2009 يااا MOGA_EG