التكييف جننى

**ahmedfra** · 09-07-2009 01:58 PM

عزيزى م / سمير شاكر اهتمامك جدا . و عاجبنى قوى الصور الإيضاحية الى دايما جاهزة معاك دى .
شوف يا سمير هو ركب الأمبيرات دى على فتحة ماسورة من بتوع التكييف الى فى حوض العربية و دورت العربية و بعد دقايق قالى لى ان الكمبرسور ضعيف لأن فى السلانسية الأمبير واقف تحت و لما شد سلك الأكسراتير بدأ الأمبير يعلى و بكده يكون الكمبرسور ضعيف و عاوز يتغير ؟؟؟؟؟؟
فقلت له يعنى مش ناقص فريون قال لى لأ .
و هو كشف بناءاً على شكوتى و كانت ان التكييف بيكون كويس و انا ماشى ( كويس حوالى 70% مقارنة بالعهد السابق ) و لكن عند الوقوف فى زحمة أو اشارة و تطول يبدأ يطل الهواء مش بارد قوى زى المروحة كدة .
يا ريت يا سمير تقولى اعمل ايه بالظبط . و ممكن يكون العيب من ايه .

**samirayad** · 09-07-2009 02:16 PM

شوف الصوره دى كده يا أحمد باشا : دى عباره عن شكل الكمبروسور بتاعنا من جواه .......ونزول الضغط عندك .....وأرتفاعه مع السرعه ليه أحد أحتمالين .....أما تهريب من السيل اللى على عمود الضاغط بعد الكلاتش .....أو بسبب أخفاق فى عمل بلف الكنترول مثلا ........والكنترول موجود قدامك على الرسم من تحت ( القطعه رقم 18).....فيجب أن تتأكد جيدا من صدق كلامه .......فمثلا ......دور شويه على واحد تانى بتاع تكييفات وأسأله وخد رأيه بدون ماتقوله على رأى الفنى بتاع التكيفات الحالى .......لأن الكمبروسور الجديد برضه غالى ........وحرام أنك ترمى الحالى على عيب بسيط مثلا .....يمكن علاجه بمبلغ بسيط .......دا غير أن ممكن يكون كلامه مش مظبوط .....لأن طريقة أختبار التهريب من الكمبروسور ( فى الصوره الأولى ) دى الطريقه العلميه الصح ..............وقد يكون العيب عندك خلل فى حاجه تانيه ( زى بلف الأكسنشن اللى جنب المبخر ) لو مسدود فبيقلل كفاءة التبريد برضه .........يعنى من الآخر .......مش عاوزك تاخد كلام الراجل ده ......على أنه أنزل وخلاص .......ومع سؤالك مره وأثنين وأتفاق أكثر من رأى من جهة الفنين يبقى خلصت وكلام الأولانى صح ........ويمكن ربنا يكرمك بواحد كويس ويكون تحليله للسبب غير كده وأوفر بكتير .............
.....