الموضوع: التكييف جننى

لما اكون ماشى بالعربية بيكون معقول . اول ما اقف فى اشارة أو زحمة الاقيه بيطلع هواء بس و البرودة ضعيفة قوى

أغسل السربنتينه بتاعة المكثف كويس من بره بخرطوم ميه ضغطه شديد والعربيه واقفه ولسه بارده .........وجرب

و ساعات الاقى صوت طالع من فتحات التكييف .

وبالنسبه للجزئيه دى ............ياترى أيه أخبار حرارة المكنه ............والميه فى القربه كويسه ولا بتفور شويه كده على بسيط

اخى سمير بالنسبة للحرارة هى كويسة و مافيش مشكلة

طيب الحمد لله

و بالنسبة للقربة هى فيها تقليب و حركة و انا فاكر كده كويس لأن الطلمبة بتقلب المية

طبعا ده شىء طبيعى مع غليان الميه الى حد ما .....بس ده شىء نسبى ....وحسب شدة الفوران والغليان ......وأنا سألتك على الحراره ....لأن الصوت اللى بتسمعه من فتحات التكييف زى الزنه كده ......بيكون فى الغالب بسبب هواء موجود داخل الميه بتاعة المكنه اللى رايحه للسربنتينه السخنه (اللى جوه الصالون بتاعة التكييف )

لكن ازاى افرق بين التقليب و البقللة دى و عملية الفوران ؟؟؟؟

لا دى صعبه أوى يا أبو حميد .....وبتتعرف من خلال متابعة التغييرلت لشكل فوران وغليان الميه فى القربه ( عملية التعايش مع المتغيرات ......فصعب أوى أيضاحها على النت ) عموما لو الحراره تمام والميه مستواها كويس ....يبقى مفيش مشاكل والحمد لله ......بس حاول أنك تخرج أى هواء فى دورة تبريد المكنه ...........

و الله انا كان عندي التكييف مجنني انا كمان و كان عندي نفس الشكوي بتاعتك و في الاخر المشكلة كانت بسبب ثقب بسيط في السربنتينة بتاعة الفريون اللي بيسموها الثلاجة و كل الصنايعية ما بيحبوش يكشفوا عليها لانها تحت التابلوه و بتاخد وقت كبير و بتحتاج صنايعي شاطر فلو لسه المشكلة موجودة مش هتخسر حاجة انك تكشف عليها علي الاقل تعرف تنظفها كويس لانها لو عليها اتساخ شديد هتكتم الهوا اللي داخل و تحس ان التكييف مبيطلعش هوا بقوة و متنساش لما تتحل المشكلة باذن الله تبقي تقولنا ايه كان سبب المشكلة

طيب هما عرفوا أزاى أن الكمبروسور ضغطه ضعيف ......على الرغم أن شحن الفريون كويس .....يعنى الضغط فى الدايره كويس