زجاج اللوجان شكله كدا في الباي باي الحقوني يا رجاله

**alfa_we** · 06-07-2009 04:06 PM

يا جماعة الدكتور خالد دا مش بيغير الزجاج ولا حاجة
بس هوا بيعمل حقن للزجاج وبيرجعوا زى الاصل
عشان كدة قال هايفك التابلوا من مكانه عشان يعرف على الاقل يشتغل فيه
لكن لو هاتغير مش هاتحتاج فك للتابلوا ولا حاجة

**ramy_gamal** · 06-07-2009 11:13 PM

معلش انا كنت فاكر تغيير موش تصليح بس لو التصليح هيخليك تفك التابلوة لا طبعا انا عندى اغير الازاز لكن فك التابلوة دا موش سهل وفعلا ممكن مايرجعش زي الاول وربنا معاك

**mostafabakry** · 07-07-2009 12:49 AM

المشاركة الأصلية كتبت بواسطة ahmed a.maksoud

يا جماعة أنت مش واخدين بالكو......

اللى قال لأستاذ مصطفى لازم فك التابلوه ده بتاع حقن الأزاز عشان الشرخ ميكبرش..........مش عشان يغيره

+11111111111

مظبوط كلامك يا احمد باشا

الكلام دا كان من بيتوع د/خالد في التصليح و انا محبتش اكمل معاهم عشان الفك و تقريبا هما كانوا مكسلين يعملوها و قالوللي ما تقلقش منها بسيطة و مش هتزيد !!!!!!!!!!

اما التركيب فانا ما كنتش اعرف انه بيركب بدون فك التابلوه و الحمدلله ان اطمنت كدا

متشكر لكم يا جماعة علي اهتمامكم

جزاكم الله خيرا

و الحمدلله الذي لا يحمد علي مكروه سواه "قضا اخف من قضا"

**hesham_tawfiq** · 31-08-2009 10:36 AM

السلام عليكم ياشباب وانت يا استاذ مصطفى

كنت حابب اعرف الموضوع بتاع الازاز خلص على ايه علشان للاسف حصللى امبارح وللاسف مش عارف دا بسبب حاجه جت فالازاز ولا مطب جامد شويه

هل غيرت الازاز كلله ولا حقنته والتكلفه كانت كام
شكرا

**mostafabakry** · 31-08-2009 01:19 PM

المشاركة الأصلية كتبت بواسطة hesham_tawfiq

السلام عليكم ياشباب وانت يا استاذ مصطفى

كنت حابب اعرف الموضوع بتاع الازاز خلص على ايه علشان للاسف حصللى امبارح وللاسف مش عارف دا بسبب حاجه جت فالازاز ولا مطب جامد شويه

هل غيرت الازاز كلله ولا حقنته والتكلفه كانت كام
شكرا

وعليكم السلام ا/هشام

بصراحة الموضوع زي ما هو انا ما غيرتش و لا صلحتش اي حاجة
الشرخ في اخر الزجاج من تحت في الطرف الشمال قمت انا مغطية ببلاستر اسود عريض و مش باين و كانه نفس اللون في البربريز بتاع الزجاج عشان اخوانا البعدا ما يشوفهوش و يعملولي موال
و انا بصراحة قلت اسيبة شوية كدا عشان الحسد و القر و كل اللي بيشوف العربية و يتفرج عليها بوريهوله عشان يرتاح حبيتين
و ان شاء الله انا ناوي اغير في الغردقة عشان شركة التأمين اللي بتعامل معاها هناك
بس انا سألت الناس في توكيل رينو الغردقة علي سعره و تقريبا عامل 1300 جنيه و بصراحة هما نصحوني بواحد بيركب زجاج لرينو بنص التمن برا
بس انا لو غيرت ان شاء الله هغير الأصلي طالما معايا تأمين عالعربية

بس انا متأكد ان الزجاج جت عليه طوبة صغيرة و انا ماشي في الطريق لأني سمعت صوتها وكان جامد جدا جدا

اما موضوع مطب دي فبصراحة لا ااعتقد حدوثها

عموما قدر الله و ما شاء فعل
كله يهون يا هشام بيه اهم حاجة الصحة

**hesham_tawfiq** · 31-08-2009 03:22 PM

الحمد لله قدر الله وماشاء فعل

انا هحاول اوديها لواحد يعالج الشرخ عشان ما يوسعش والا هسيبه لحد مايجيب اخره انا غالبا اكلت حفره جامد شويتين لانى كنت سايق ومش مركز