2 مرفق
زجاج اللوجان شكله كدا في الباي باي الحقوني يا رجاله
طبعا و كامعتاد لازم اي عربية جديدة تحصلها حاجة كدا علي ما قسم :fdsa:
انا مشكلتي حصلت من بدري و الحمدلله علي كل حال
المشكلة عندي في الزجاج الأمامي للعربية ( لوجان mcv(
هي بصراحة حصلت عندي من بدري شوية ايام ما كنت لسه شاري العربية جديد بقا
ماشي في امان الله لا بيا و لا عليا و ما حدش معايا عالطريق لا قدامي و لا ورايا و الدنيا كانت ميه ميه و انا مشغل الكاسيت و سايق عادي و اذا بيا اسمع صوت تااااااااااااااااااااك ك ك ك اتخضيت منه و قعدت ابص علي الزجاج الأمامي ما فيش حاجة علي الزجاج الخلفي من المرايا بردك سليم المهم يمين شمال فوق تحت ما فيش اي اثر لأي حاجة فقلت الحمدلله يمكن زلطة كانت في الكاوتش و مع السرعة طلعت من مكانها و جت في جسم العربية من تحت و لا حاجة و عمات الصوت الجامد دا و كملت عادي و نسيت الموضوع
يوم و التاني و التالت و انا بكشف العربية و بشيل من عليها الغطاء و اخويا بيقولي ايه دا اللي في الزجاج فقلتله ايه و قمت بصيت و كاااااااااااااااااااااااا ااااانت الصدمة نقرة في الزجاج من تحت خالص في البربيريز بتاعة من تحت و طبعا كانت لسه بسيطة و ما انتشرتش و كانت شروخة صغيرة و مش ماشية في الزجاج كتير
المهم انا اول ما شفت المصيبة دي و اخدت صدمة البداية و سرحت شوية افتكرت الخبطة اللي انا سمعتها من كام يوم
سلمت امري لله و قلت الحمدلله انها جت علي كدا بسيطة و كله يتصلح
رحت لمحل بتاع الزجاج في الأقصر اسمه د/خالد مش عارف ان كان فرع من محلات د/خالد المشهورة و لا تشابه اسماء
المهم رحت دخلت المحل و الناس شافوا الشرخ دا و قالولي دا تحت التابلوه من جوا العربية و مش هنقدر نعمله إلا لو اتفك التابلوه سيبة و هو ما هيعملش حاجة ان شاء الله
انا قلت خلاص و ما حبيتش الح معاهم و خفت من حكاية فك التابلوه دي احسن تعمل مشكلة و الواحد مش ناقي
اصلح حاجة و ابوظ حاجات تاني و خصوصا انا عندي عقدة نفسية حرجة جدا من اي حاجة ممكن تطقطق او تعمل اي صوت في العربية ببقا مش مرتاح و اعصابي بتبوظ و خصوصا التابلوه لأني كنت بعاني جدا من الحكاية دي مع عربيتي البيجو القديمة الله يفتكرها بالخير مطرح ماهي قاعده
و قلت خليه زي ماهو كدا لغاية ما اشوف هعمله ايه بعدبن
في الأول ماكنش ظاهر لأنه تحت و كان صغير
حاليا الشرخ زاد وبدأ يبان و خصوصا لو الشمس جايه عليه بيبقي ملعلع و منور:36_1_2[1]: كمان زي اللي قاصد يبان للناس:fdsa:
و طبعا حضراتكم عارفين ان المرور شادد حيله جامد اليومين دول خصوصا و البلد متنيله بستين نيله و فيه عجز في الموازنة و بدأو ياخدو فلوس المودعين اللي في البنوك عشان يسدوا العجز يعني الحكومة بتسرق فلوس الناس و المرور سيد من يعمل كدا في البلد الجميلة دي الله يخرب بيوتهم
انا مش عارف هل اغير الزجاج علي حساب التأمين و لا اشوف له حل تاني و لا اعمل ايه
انا دلوقتي بفكر الزق اي حاجة لونها اسود علي الشرخ دا عشاب ما يبانش للجماعة البعدا بتوع المرور :ask:
لغاية ما اشوف لي حل في الورطة دي
انا عارف ان الكل هيقول غير علي حساب التأمين بس انا بصراحة مش عارف ليه فاقد الثقة في مركز الخدمة اللي عندي و حاسس انهم مش هيركبوه زي الأصلي و هيبقي فيه سوء تقفيل و المشكلة الكبيره لو احتاج فك التابلوه و دي اللي انا عاملها الف حساب لأني متأكد انه مش هيرجع زي ماكن
انا عاوز حد يفكر معايا و ينصحني اعمل ايه
انا رعت صورتين للشرح اللي حصل
مستني ردودكم
