كل حاجه مشيه بلوسطه فى البلدى

السلام عليكم ورحمه الله وبركاته
البدايه انا طالب رايح ان شاء الله 3 هندسه قسم قوى والات كهربيه:36_7_4[1]:
زى زى اى حد بعد بدايه الترم التانى يبداء مشوار البحث عن التدريب الصيفى
بداء المشوار فى نصف 3 تقريبا للبحث عن تدريب
زهبت الى شركه القاهره لتكرير البترول ملحقتش ادخل حتى الشركه قى لا انت تيجى تسال اول اربعه قلت وماله ميضرش:36_1_34[1]:
رحتلهم فى اول اربعه قلولى لا تعالى نص 6
وماله
رحت بعد مخلصت امتحنات على 17 / 6 قلى لا داحنا خلصنا تقديم الطلبات وحسيت منه انه عايز فلوس وياخد الطلب منى ويقبل التدريب :3mla:
بس انا عملت فيها عندى مبادء ومعبرتوش ومشيت
واثناء هذه الرحله
قدمت فى شركه بدر الدين للبترول
رحت الشركه لقيت استقبال كويس
بس اول ماستلم منى طلب التدريب قلى انت ليك حد فى الشركه
طبعا قلتله لا
قلى ااااااه طيب
وادانى نمره قلى ابقى اصل بقى اعرف انت اتقبلت ولا لا
المفجاه انه ادانى نمره محدش بيرض عليا :rfds:
قلت مش مهم

رحت الشركه تانى اسال فى بدايه الاجازه
قلى انت موجد عندى على الكمبيوتر ولاكن انت موجود فى الواتنج لست :colsmil:
يعنى من الاخر كبر دماغك

طب ده كله حصل وانا بدور على تدريب
امال لو دورت على شغل بعد ماتخرج ان شاء الله هيحصل ايه
انا خلاص اتخنقت من البلد ده والى بيحصل فيها
حسبنا الله ونعم الوكيل:ask:

حسبنا الله ونعم الوكيل

مرحبا بيك فى بلدك مصر

ويقلك البلدى احسن من غرها
نفسى اعرف بقى احسن من غرها فى ايه

يا فندم التدريب ما بقاش بالسهولة دى ده بقى أصعب من الشغل دلوقتى حاول تلجأ لشركات التوظيف أو زى ما قاللك بتاع شركة بدر شوف فى معارفك حد يعرف أى موظف داخل شركة بترول

بقولك ايه شوف غاز مصــــر

طب غاز مصر بب التقديم لسه مفتوح لحد دلوقتى

ياباشمهندس امال لما تتخرج وتشوف الواقع الاليم هتعمل ايه؟!!!!!!!!!! انا خريج نفس القسم بتاعك ومليش جيش ومش لاقى حاجه لحد دلوقتى مع انى مسيبتش حاجه مبعتش فيها والله ربنا يسهلها لكل الناس يارب

لا حول ولا قوة الا بالله
حاجة تزعل وللاسف كل حاجة ماشية
بالوسطة والمحسوبية
حسبى الله ونعم الوكيل

يا عم متزعلش نفسك قوي أنا خريج قسم كهرباء 2007 ولسة لغاية دلوقتي مش لاقي شغل وعملت كل اللي ربنا قدرني عليه بس اكتشفت إنه الواسطة هي الحل

اقتباس:

---

المشاركة الأصلية كتبت بواسطة moustafapolo

يا عم متزعلش نفسك قوي أنا خريج قسم كهرباء 2007 ولسة لغاية دلوقتي مش لاقي شغل وعملت كل اللي ربنا قدرني عليه بس اكتشفت إنه الواسطة هي الحل

---

كل دة ومش عايزه يزعل والله ليه حق يتقهر

اقتباس:

---

المشاركة الأصلية كتبت بواسطة moustafapolo

يا عم متزعلش نفسك قوي أنا خريج قسم كهرباء 2007 ولسة لغاية دلوقتي مش لاقي شغل وعملت كل اللي ربنا قدرني عليه بس اكتشفت إنه الواسطة هي الحل

---

ربنا يطمن قلبك . انا خريج 2009 وكان عندى امل فى الحياة بس كده تلاشى تماما

الله يكون فى عونك ويكرمك بشغلانة حلوة

فعلا الشغل بقى صعب حاليا دلوقتى وفرصه قلت

بس لو استمرينا ان شاء الله حنلاقى

وبالنسبة للكوسة فدى منها كتير
كفاية انى لفيت على اغلب مصانع اكتوبر عشان اشتغل وكله يطلب الكوسة
مكنتش اعرف حتى اسلم السى فى بتاعى جوه حتى عند شؤن العاملين كان الامن بيمنعنى من انى اهوب ناحية الباب
ولما رحت عشان اطلب انى اتدرب فى مستشفى 57 ( تدريب بس مش شغل ) وقلتلهم انى مستعد اتحمل تكاليف اى شئ اتسبب فيها واى ضمانات هما عاوزينها
بس كان هوه شلوت واحد بكل ذوق لقيت نفسى بره

وروحت معهد الاورام لقيته بيطلب منى الف جنيه عشان يدربنى ولمدة اسبوع بس كمان

ولسه فى مرحلة البحث وان شاء الله ربنا يكرم

انا شوفت ناس كتيرة كده برضه زينا ومرة واحدة جاتلهم فرصة الشغل بدون ادنى حساب

ساعات الواحد بيحس ان دا اختبار من عند ربنا وابتلاء وبيكون لفترة محددة عشان يشوفنا حنعدى من الابتلاء دا ازاى

يعنى انا عارف انه حييجى اليوم اللى حشتغل فيه الشغلانة اللى انا عاوزها بس اليوم دا امامه ايام لازم الواحد يصبرها (فترة الابتلاء) عشان ربنا يشوفنى هل انا راضى وبحمده ولا حتذمر

وربنا يساعدنا جميعا ويقصر فترة المحنة دى ان شاء الله

حسبنا الله ونعم الوكيل

الاخ مهندس الكهرباء من الاخر رايح نفسك واجر محل واشحن بطارايات عربيات اهو تسلى نفسك شوية وممكن تشترى منفاخ كهرباء او تخش تنام لحد ما البلد تتعدل :36_1_50[1]: بجد ربنا يكرم الجميع

اقتباس:

---

المشاركة الأصلية كتبت بواسطة islamislam

الاخ مهندس الكهرباء من الاخر رايح نفسك واجر محل واشحن بطارايات عربيات اهو تسلى نفسك شوية وممكن تشترى منفاخ كهرباء او تخش تنام لحد ما البلد تتعدل :36_1_50[1]: بجد ربنا يكرم الجميع

---

يا عم انت بتقلب علينا المواجع ليه :fdsa:

الواحد مصدق نسى موضوع الشغل ومقضيها من البيت للقهوة و من القهوة للبيت فى هدوء وصمت

انت زعلان اوي كده ليه!!!!!!!!
في انيل منك 100 مره..
انا مثلا واحد كان في دماغه بلاوي الدنيا نفسي اعملها..
و لكن الظروف المهببه المنيله بنيله خلتني مش عارف اعمل ايه...
انا دخلت لحد دلوقتي كليتين واحده سبتها من ثالث سنه لأنها كانت خلاص هتجبلي شلل رعاش ...و التانيه داخلها كده اي كلام و خلاص ..اهي شهاده و السلام ده لو عرفت اخدها من اساسه ...و سقط فيها اول سنه علشان درجه واحده بس.......

غير بقي مضووع الشغل كلمت طوب الارض أني ادرب حاجه تكون دماغي احاول اكبر فيها....دي حتا الواسطه و المعارف مش نافعه
غير فكره المشاريع اللي انا اصلا هي ديه هدفي كلمت برضوا طزب الارض..
لأما تلاقي عيال كلمنجيه مش بتاعت حاجه لأما تدخل في حاجه و تكتشف ان الاداره ذي الزفت...

اخوك سنه تانيه عنده 22 سنه و يا ربنا يعلم هنشتغل ازاي حاجه بنحبها من غير الشهاده
و ربنا يعلم برضوا هتخرج ازاي من المخروبه اللي مش طابقها ديه امتي

اقتباس:

---

المشاركة الأصلية كتبت بواسطة 3mr farrag

انت زعلان اوي كده ليه!!!!!!!!

و مزعلش ليه و انا شايف الوقت بيجرى من حواليا وانا واقف محلك سر حاجات كتيير اوى كنت مرتبها فى

دماغى لسه مش اقدر اعمل منها ولا حاجة و بشفتها يوم وراء التانى علشان نقطة البداية مش عاوزة تيجى

و يا عالم هتيجى امتى

الناس لما بتسالنى لسه مشتغلتش طريقة كلامهم ونظرتهم بتحسسنى انى عامل زى العانس اللى مستنية الفرج

وشغلاتك فى البلد دى على مقاس واسطتك وليس تعبك وتقديرك


في انيل منك 100 مره..
انا مثلا واحد كان في دماغه بلاوي الدنيا نفسي اعملها..
و لكن الظروف المهببه المنيله بنيله خلتني مش عارف اعمل ايه...
انا دخلت لحد دلوقتي كليتين واحده سبتها من ثالث سنه لأنها كانت خلاص هتجبلي شلل رعاش ...و التانيه داخلها كده اي كلام و خلاص ..اهي شهاده و السلام ده لو عرفت اخدها من اساسه ...و سقط فيها اول سنه علشان درجه واحده بس.......

غير بقي مضووع الشغل كلمت طوب الارض أني ادرب حاجه تكون دماغي احاول اكبر فيها....دي حتا الواسطه و المعارف مش نافعه
غير فكره المشاريع اللي انا اصلا هي ديه هدفي كلمت برضوا طزب الارض..
لأما تلاقي عيال كلمنجيه مش بتاعت حاجه لأما تدخل في حاجه و تكتشف ان الاداره ذي الزفت...

اخوك سنه تانيه عنده 22 سنه و يا ربنا يعلم هنشتغل ازاي حاجه بنحبها من غير الشهاده
و ربنا يعلم برضوا هتخرج ازاي من المخروبه اللي مش طابقها ديه امتي

---

ربنا يكون فى عونك ويقويك

وفيه مثل بيقول حب ما تعمل حتى تعمل ما تحب :: يعنى حاول تخلص دراستك باسرع وقت وباى تمن وبعد كده دور

على انسب شغلانة ليك

وباذن الله ربنا يرزقك بالشغلانة اللى بتحبها

ربنا يوفقك ان شاء الله
كل مرحله وليها تحدياتها ومشاكلها
كن متفائل

انتم بتقولوا لازم واسطة علشان اشتغل

طيب خلينى اسال السؤال من ناحية تانية

هل كل الناس اللى شغالين فى اماكن محترمة شغالين بواسطة؟

اقتباس:

---

المشاركة الأصلية كتبت بواسطة ahmed4000

انتم بتقولوا لازم واسطة علشان اشتغل

طيب خلينى اسال السؤال من ناحية تانية

هل كل الناس اللى شغالين فى اماكن محترمة شغالين بواسطة؟

---

لا فى عوامل تانية زى الخبرة

بس البداية بتبقى صعبة شوية و خصوصا لو سوق العمل واقف

هى دى مصر ..
وكما قال احد العظماء : لو نيلك يامصر بقى صلصه مش هيكفى الكوسه اللى فيكى

اقتباس:

---

المشاركة الأصلية كتبت بواسطة maka

لا فى عوامل تانية زى الخبرة

بس البداية بتبقى صعبة شوية و خصوصا لو سوق العمل واقف

---

:vctry:

هو ده اللى انا بحاول اوصله ان فى شغل موجود من غير وسايط وشغل محترم كمان
لكن الصعوبة بتبقى بالنسبة لحديثى التخرج اكتر لانه مبيبقاش عنده اى مهارات او معرفة (مهما كانت جامعته ايه) ومن ناحية تانية المؤسسة مبتحتاجش ناس كتيرة حديثى التخرج وبالتالى لما يترفض فى اكتر من وظيفة يفتكر ان الموضوع (بس) واسطة

فى وسايط طبعا بس فى شغل ممتاز من غير وسايط

وخلى بالك بالذات ان القطاع الخاص مش عايز يخسر فعايز ناس تشتغل بجد مش عايز وسايط، وحتى لو عين كام واحد بواسطة حيضطر يعين ناس تانية فاهمة وبعد الشغل مفيش واسطة حترحمك

الخلاصة: اجتهد ونمى قدراتك ودور دور دور دور متياسش ودور فى الجرايد ومواقع التوظيف وارمى السي فى كل حتة وابعت سي فيهك لكل مواقع الشركات واوعى تقول مش حقدم دى واسطة:mahf(5): وادعى ربنا :rfds:وان شاء الله نباركلك بوظيفة كويسة وبرده متبطلش اجتهاد وتنمية فى نفسك وحتلاقى كاريير ممتاز ان شاء الله

اقتباس:

---

المشاركة الأصلية كتبت بواسطة ahmed4000

:vctry:

هو ده اللى انا بحاول اوصله ان فى شغل موجود من غير وسايط وشغل محترم كمان
لكن الصعوبة بتبقى بالنسبة لحديثى التخرج اكتر لانه مبيبقاش عنده اى مهارات او معرفة (مهما كانت جامعته ايه) ومن ناحية تانية المؤسسة مبتحتاجش ناس كتيرة حديثى التخرج وبالتالى لما يترفض فى اكتر من وظيفة يفتكر ان الموضوع (بس) واسطة

فى وسايط طبعا بس فى شغل ممتاز من غير وسايط

و افتكر ليه شوفت بعينى محدش قالى اعرف واحد جاىب امتياز و كان ملتزم دراسيا والتانى كان مقضيها الاول لسه

بيدور والتانى ربنا كرمه ووالده شغله فى قطاع البترول وربنا يكرم الاتنين ويزدهم


وخلى بالك بالذات ان القطاع الخاص مش عايز يخسر فعايز ناس تشتغل بجد مش عايز وسايط، وحتى لو عين كام واحد بواسطة حيضطر يعين ناس تانية فاهمة وبعد الشغل مفيش واسطة حترحمك

الخلاصة: اجتهد ونمى قدراتك ودور دور دور دور متياسش ودور فى الجرايد ومواقع التوظيف وارمى السي فى كل حتة وابعت سي فيهك لكل مواقع الشركات واوعى تقول مش حقدم دى واسطة:mahf(5): وادعى ربنا :rfds:وان شاء الله نباركلك بوظيفة كويسة وبرده متبطلش اجتهاد وتنمية فى نفسك وحتلاقى كاريير ممتاز ان شاء الله

---

شكرا على النصيحة

هوة الموضوع لية شقين يا اما واسطة يا اما عندك خبرة طب اللى معندوش الاتنين ؟؟ انا ريج حقوق 2006 وجربت انزل المحاماة ومحبتهاش وملقتش نفسى فيها وفضلت تاية كتير مش عارف اقدم فين لحد ما قولت اخد كورس نقل بحرى وتجارة دولية عشان حابب الموضوع اوى ادور بعد كدة على وظايف كلها عاوزة خبرة مش اقل من 3 سنين طب نروح فين يا ناس

حل موضوع الوسطه فى الشغل ان الواحد ميضورش على فلوس لمده سنتين على الاقل المهم يشتغل وخلاص حتى لو هيدفع من جيبه
بعد السنتين فرصته انه يالقى شغل محترم هتكون كبيره لان وسطته هى خبرته

اقتباس:

---

المشاركة الأصلية كتبت بواسطة powersha

حل موضوع الوسطه فى الشغل ان الواحد ميضورش على فلوس لمده سنتين على الاقل المهم يشتغل وخلاص حتى لو هيدفع من جيبه
بعد السنتين فرصته انه يالقى شغل محترم هتكون كبيره لان وسطته هى خبرته

---

فعلا ده الحل المنطقى بس قبل ما تنفذ الحل ده تدور على المكان اللى هيرضى يخدك

لان العرض كتيير و الطلب قليل

حسبي الله ونعم الوكيل

اقتباس:

---

فعلا ده الحل المنطقى بس قبل ما تنفذ الحل ده تدور على المكان اللى هيرضى يخدك

لان العرض كتيير و الطلب قليل

---

والله انا لسه معرفش ايه النظام هانت فاضل سنه غير الجيش واتصدم بلواقع الاءليم
ربنا يوفق االناس جميعااا

اقتباس:

---

المشاركة الأصلية كتبت بواسطة powersha

والله انا لسه معرفش ايه النظام هانت فاضل سنه غير الجيش واتصدم بلواقع الاءليم
ربنا يوفق االناس جميعااا

---

ربنا يوفقك

شركات البترول ليها حلين
1- الواسطة و هتشتغل وانت لسه حديث التخرج
2-يكون عندك خبرة مليون سنة علشان تكون مقنع بالنسبة ليهم

انا مشوفتش حد في حياتي اشتغل من غير واسطه

انا لفيت لحد ما اتقرفت في كل المجالات

وحصلت ادام عينيا في انتر فيو كان المدير واتنين من الشركه كل واحد مع واحد بيعمله انتر فيو في نفس الوقت ونفس الاوضه

وكان معانا بنت حظها انها مع المدير قبلها وقالها انا قابلك على مسؤوليتي الشخصيه وهي اساسا مكانتش عارفه تكتب حاجه في الابليكيشين قبلها وقالولنا احنا مع السلامه هنبقى نتصل بيكم

حاجه اخر قرف كل الشخص ب واسطه فلوس معرفه

98% من الناس الى شغالين فى امكان محترمة لازم يكون كوســــــــــــــــــــة

اقتباس:

---

المشاركة الأصلية كتبت بواسطة powersha

السلام عليكم ورحمه الله وبركاته
البدايه انا طالب رايح ان شاء الله 3 هندسه قسم قوى والات كهربيه:36_7_4[1]:
زى زى اى حد بعد بدايه الترم التانى يبداء مشوار البحث عن التدريب الصيفى
بداء المشوار فى نصف 3 تقريبا للبحث عن تدريب
زهبت الى شركه القاهره لتكرير البترول ملحقتش ادخل حتى الشركه قى لا انت تيجى تسال اول اربعه قلت وماله ميضرش:36_1_34[1]:
رحتلهم فى اول اربعه قلولى لا تعالى نص 6
وماله
رحت بعد مخلصت امتحنات على 17 / 6 قلى لا داحنا خلصنا تقديم الطلبات وحسيت منه انه عايز فلوس وياخد الطلب منى ويقبل التدريب :3mla:
بس انا عملت فيها عندى مبادء ومعبرتوش ومشيت
واثناء هذه الرحله
قدمت فى شركه بدر الدين للبترول
رحت الشركه لقيت استقبال كويس
بس اول ماستلم منى طلب التدريب قلى انت ليك حد فى الشركه
طبعا قلتله لا
قلى ااااااه طيب
وادانى نمره قلى ابقى اصل بقى اعرف انت اتقبلت ولا لا
المفجاه انه ادانى نمره محدش بيرض عليا :rfds:
قلت مش مهم

رحت الشركه تانى اسال فى بدايه الاجازه
قلى انت موجد عندى على الكمبيوتر ولاكن انت موجود فى الواتنج لست :colsmil:
يعنى من الاخر كبر دماغك

طب ده كله حصل وانا بدور على تدريب
امال لو دورت على شغل بعد ماتخرج ان شاء الله هيحصل ايه
انا خلاص اتخنقت من البلد ده والى بيحصل فيها
حسبنا الله ونعم الوكيل:ask:

---

يا باشا متزعلش نفسك...أنا برضه خريج كهرباء قوي من 4 سنين..فاكر برضه أيام الكلية حصل معايا نفس الموقف بالضبط. رحت أتدرب فى شركة لمدة شهر من خلال الكلية قلت أخده شهر 6 قالولى تعالى فى 7 رحت 7 قالولى تعالى فى 8 فكبرت دماغى لأن 8 رحت أصيف فيه...
التدريب مبيفرقش كتير و فى الغالب زي قلته...فى طلبة بتروح التدريب تحضر و خلاص و محدش بيهتم بيهم و فى واحد بيحضر تدريب فى شركة و فى الأخر يشتغل فى مجال تانى خالص. هو بس بيريحك نفسيا تحس اللى انت بتتعلم و حاجة تكتبها فى السي فى

اقتباس:

---

المشاركة الأصلية كتبت بواسطة eng.m mahran

شركات البترول ليها حلين
1- الواسطة و هتشتغل وانت لسه حديث التخرج
2-يكون عندك خبرة مليون سنة علشان تكون مقنع بالنسبة ليهم

---

+11111111
أنا كنت متخرج بتقدير جيد جدا مع مرتبة الشرف وكان معايا برضه الشهادات اياها زي الانجليزي و الكمبيوتر و محدش من شركات البترول سواء مالتى ناشيونال أو مصري وافق حتى على انترفيو بعد لما بعتلهم. و مع ذلك أعرف حديثى التخرج أتعينوا فيهم...ده غير الجامعات الخاصة برضه عايزة واسطة عشان تتعين معيد