دكتور جراحه لو سمحتو عشان انا هموت من الخوف

السلام عليكم ....
ندخل فى الموضوع على طول ....
انا دراعى الشمال مكسور فيه عضمه اسمها الزورقيه ..
و متجبس من تحت كوعى لحد كف ايدى ....
و صابعى الى هو قصير و تخين (اسف معرفش اسمه ايه) متجبس هو كمان ..
المهم ..
من اسبوع صابعى ده اتخبط خبطه جامده ..
خلت الضافر يتشال من مكانه و بقى واقف على شعره و يقع ....
المهم ...
روحت مستشفى (الوقت كان متأخر و مفيش دكاتره) ...
خيطو الضافر نفسه غرزتين ...
فكيت الغرز من يومين كده ...
و ضافرى لونه غامق شويه ...
السؤال بقى :
هل هيقع و يطلع مكانه و لا هيفضل زى ما هو ؟؟؟؟؟؟؟؟؟
ملحوظه :
طبعا كان بيوجعنى وجع رهيب ..
بعد كده الوجع بقى لما المسه بس او احركه ...
حاليا الوجع قل خاااالص ...
بقى لما اضغط عليه بس ....
و كمان كنت باخد دواء بس بطلت خلاص بناء على دكتور صاحبى (بس لسه بيتدرب)......



الكلام ده كله عشان سؤال واحد بس .................
ايه مصير ضافرى ده ؟؟؟؟؟؟ظ
و شكرااااا جدا ......

العظمة الزورقية دى اسمها Navicular Bone و دى موجودة فى الرجل ، اما اللى بتتكلم عنها فالأسم ده قديم جدا و نادرا اما حد بيستعمله دلوقت ، اسمها Scaphoid Bone و دى مهمة جدا فى مفصل الرسغ و تقريبا قد حبة الكاجو و كويس انك اخذت بالك من انها مكسورة و جبسوها لك بس لازم المتابعة لأنها بتتأخر فى الألتئام شوية مقارنة بباقى العظام المحيطة بها.

بالنسبة للأصبع فأعتقد ان قصدك الأبهام.

حكاية ان الظفر اتخلع فهو كده غالبا مصيره الوقوع ، غالبا لما خيطوه لك بيبقى حماية للأنسجة اللى تحته اللى اتكشفت لما اتخلع ، فبيخيطه و يسيبه لما يطلع الظفر الجديد و يزق القديم و يوقعه .

ده حسب معلوماتى المتواضعة و ممكن لو معانا حد جراحة او جلدية يفيدنا أكتر.

و تحياتى

الف سلامه يا خالود و تقوملنا بالسلامه ان شاء الله

دكتور شريف ...
بجد بجد انت قولت كلام زى الفل ....
انا النهارده روحت لجراح ....
قالى زى ما حضرتك قولت ...
انه كده كده هيقع ..
يا ام الضافر الجديد هيوقعه يبا ام الدكتور هيشيله ...
و كتبلى على مرهم يزيل التجمع الدموى الى حول الضافر ....
ربنا يستر...
و متشكر ليك يا دكتور ..
okacha حبيب قلبى ... الله يسلمك ..