صراع على الدائري امبارح !!!!!!!!حاجة مؤسفة

**M.ABDEEN** · 05-07-2009 06:37 PM

امبارح كنت راجع من الهرم للتجمع الخامس العصر وكان الدائري كويس لغاية الاوتو ستراد وفجاة لاقيت من الاوتوستراد لغاية التجمع سيل من المقطورات بعضها نمر مصر والاخرى الاردن وتحول الطريق لسبق و تزنيق ما بين السواقيين المصريين والاردنيين ولو راجل حاول تعدي تزنيق وتشويح وزماميير وطبعا زماميير كمبروسورات لدرجة انهم كانوا بيحاولو يخبطو مرايات بعض ومحدش جريء عارف يعديهم واللي يحاول يزنقوا عليه وعايزيين يخبطووه سواء في ملاكي او في الصور وتزنييق للصبح لدرجة ان الكابينة بتكون في اتجاه والمقطورة في الاتجاه التاني بصراحة موقف مستفز وكانوا عايزيين فعلا يتربوا وباحمد ربنا ان انا والعربية وصلنا سالميين وفضلوا على كده لاغيت مدخلت انا التجمع وكملوه هما بنفس السفالة

**M_Nabil** · 05-07-2009 06:47 PM

قمة الرعونة و الاستهتار يعنى لو كانوا خبطوا حد كانوا موتوا مش عارف لو مكانك هعمل ايه بس ممكن اخد نمرهم وابلغ لكن هل هيستجيبوا مش عارف بس كدة اكون عملت اللى اقدر عليه

**أحمد كمال** · 05-07-2009 06:47 PM

المشاركة الأصلية كتبت بواسطة mohammedsamirabdeen

امبارح كنت راجع من الهرم للتجمع الخامس العصر وكان الدائري كويس لغاية الاوتو ستراد وفجاة لاقيت من الاوتوستراد لغاية التجمع سيل من المقطورات بعضها نمر مصر والاخرى الاردن وتحول الطريق لسبق و تزنيق ما بين السواقيين المصريين والاردنيين ولو راجل حاول تعدي تزنيق وتشويح وزماميير وطبعا زماميير كمبروسورات لدرجة انهم كانوا بيحاولو يخبطو مرايات بعض ومحدش جريء عارف يعديهم واللي يحاول يزنقوا عليه وعايزيين يخبطووه سواء في ملاكي او في الصور وتزنييق للصبح لدرجة ان الكابينة بتكون في اتجاه والمقطورة في الاتجاه التاني بصراحة موقف مستفز وكانوا عايزيين فعلا يتربوا وباحمد ربنا ان انا والعربية وصلنا سالميين وفضلوا على كده لاغيت مدخلت انا التجمع وكملوه هما بنفس السفالة

انا لو منك كنت تكلم الادارة العامة للمرور و هي المسؤولة عن الطرق السريعة و الصحراوية

0121110000

زيرو اتناشر تلات وحايد اربع اصفار

و خليهم يتربوا

**alisleman** · 05-07-2009 06:59 PM

منهم لله هما اللى خربوها ليها حق الحكومة اللى بتعملوة فيهم

**Ahmed73** · 05-07-2009 07:08 PM

وهو الحوادث المميتة بتحصل من قليل - ياريت كل واحد فينا يحتفظ برقم التليفون اللى ذكره أخى ak1981 وهو (0121110000) ولا يتردد فى الاتصال بالمرور حين اللزوم دى أرواح بشر وعلينا نبتدى

**zanativich** · 05-07-2009 07:35 PM

أنا ه أكون أول واحد يسجل الرقم
و اتصل لو شفت حاجة مخالفة

**jisso82** · 05-07-2009 08:16 PM

المشاركة الأصلية كتبت بواسطة ak1981

انا لو منك كنت تكلم الادارة العامة للمرور و هي المسؤولة عن الطرق السريعة و الصحراوية

0121110000

زيرو اتناشر تلات وحايد اربع اصفار

و خليهم يتربوا

+11111111111111111111
ak كلامه صح كان لازم تاخد أكشن فعلا دول كان ممكن يعملوا مصيبة تانية ما تقلش عن الحادثة السابقة

**M.Osman** · 05-07-2009 08:47 PM

و بعدين يقولك الملصقات و الفاميه مخالف !!

( و الله كل اللي بيعملوه دا عشان يدارو فشلهم ... جاتهم ستين خيبة تاخدهم )

**Imhotep** · 05-07-2009 11:23 PM

الدائرى ده حلبة لصراع الجبابرة ما بين الترلات ذات السرعات الجنونية و ذوات المقاطير الذى يستخدم المقطورة كسلاح وقت اللزوم كشوكة العقرب التى يمكن ان تلدغ وقت اللزوم و ما بين الكونتينرات التى تعلو عدة ادوار و اخيرا الميكروباص الذى يناور و يحاور فى وسط العمالقة...... وسط هذه الغابة يتوه الملاكى اللى بيخاف على عربيته و على حياته ايضا لان الاخرين يقودون جبالا من الحديد تحميهم اذا لزم الامر....... لهذا من يرغب جديا فى ان يطقطق شعر رأسه و يشتعل فيه الشيب عليه الا يؤخر بزيارة الدائرى يوميا...... حيث صراع العمالقة و الدليل الاكيد على نظرية داروين حيث البقاء للاقوى.......

الموضوع: صراع على الدائري امبارح !!!!!!!!حاجة مؤسفة

LinkBack

أدوات الموضوع

عرض

-

-

-

-

-

-

المواضيع المتشابهه

الحلقة الثانية ( صراع مع الدائري ) اخراج كورسير

حاجة غريبة حصلتلي امبارح

حاجة كده فكرت فيها امبارح بخصوص العربيات الحديثة

حاجة عجيبة قوي اللنيا على الدائري علمت على bmw 318 I مش عارف ده طبيعي

خللي بال حضرتك من مكان ركنتك (صور مؤسفة )

الكلمات الدلالية لهذا الموضوع

المفضلات

المفضلات

ضوابط المشاركة