مطلوب عربية رينو ميجان 2006

**meza** · 12-10-2007 07:55 PM

أهلا شباب
أنا عاوز عربية رينو ميجان تكون موديل 2006 مش 2005 لأنى حسب ما سمعت إن 2005 فيها مشاكل (مش متأكد) أرجو الإفادة........
أتوماتيك + عادة
يفضل سودا بس مش شرط
المبلغ المتوفر حاليا 80 ألف ........ مش عارف ده كافى لميجان used ولا لأ ممكن زيادته
أرجوكم تفيدونى بمتوسط السعر

أنا مش مستعجل على العربية حالياً

**meza** · 13-10-2007 12:14 AM

يا جماعة السعر ممكن زيادته ل 90 أو أكتر بس تكون العربية تستاهل :mrgreen:

**ahmed_gamal** · 13-10-2007 12:30 AM

هي العربية مش هتزيد عن 95000 لو بانوراما لو مانيوال من غير بقي الجنوط فتحة السقف و 8 اير باجز بتعمل من 85000 كدة يعني بالنسبة للعيب انا سمعت انه في الاستبترونيك لما بتهدي بالفرمل بيسقط ناقلة لوحدة و انا مش شايف ان ده عيب بصراحة دي يبقي جامد في الحرق و الله اعلم الكلام ده صح ولا غلط بس المشاكل اللي ناس كتير متفقين عليها ان الكمبيوتر بتاع الميجان عامة مابيستحملش كمية الاوبشنز الرهيبة اللي في العربية و مشاكلة كتير

**Sharky** · 13-10-2007 03:13 AM

بس المشاكل اللي ناس كتير متفقين عليها ان الكمبيوتر بتاع الميجان عامة مابيستحملش كمية الاوبشنز الرهيبة اللي في العربية و مشاكلة كتير

:shock: :shock: :shock:

أنا معايا ميجان و اول مرة أسمع الكلام دا
هو حضرتك معاك ميجان

**meza** · 13-10-2007 03:27 AM

أظن إن موضوع الكمبيوتر ده من إستنتاج الناس ..... ده طبعاً لأنهم مقدروش يستوعبوا كمية الأويشنز الرهيبة اللى حطتها رينو فى العربية دى ......... فقالوا أكيد الكمبيوتر هوا كمان مش هيستحملها .......... :mrgreen:

عموماً أشكركم على الردود

**meza** · 13-10-2007 03:33 AM

بس أنا كنت عايز أعرف 90 ألف كافية لميجان 2006 الشكل الجديد مستعملة ولا أستنى شوية ؟؟ :!:

**ahmed_gamal** · 13-10-2007 03:38 AM

انا مش معايا ميجان بس انا قولت ان انا سمعت الكلام ده و حتي لو فيها عيوب كفاية شكلها انا نفسي اجبها بس انا مقدرش علي مصاريها لاني سمعت من مصدر موثوق في ان لما حاجة فيها بتبوظ بتبقي مشكلة و غالية كمان انا حبيت بس اقول اللي سمعته من كذا شخص

**Sharky** · 13-10-2007 03:44 AM

أظن إن موضوع الكمبيوتر ده من إستنتاج الناس ..... ده طبعاً لأنهم مقدروش يستوعبوا كمية الأويشنز الرهيبة اللى حطتها رينو فى العربية دى ......... فقالوا أكيد الكمبيوتر هوا كمان مش هيستحملها ..........

دى حقيقة فعلا أنا معايا العربية من 4/2005 و الحمد لله لحد دلوقتى ماحصلش أى مشاكل نهائى فيها و مش اا لوحدى دى ملاك الميجان فى المنتدى نفس الكلام

الغريب بقى إن اللى معاه ميجان مبسوط منها و معندوش أى مشاكل فيها لكن اللى معندوش ميجان هو اللى مش عجباه العربية و بيقول فيها مشاكل

من الاخر اللى عايز يعرف فيه مشاكل فى الميجان و لا لأ يسأل ملاك السيارة فقط

**د.محمود صلاح** · 13-10-2007 03:13 PM

عن تجربتى الخاصة الميجان شديدة التحمل وفى اصعب الظروف يرضى سعادتكم أنى حضرت بها من المطار الى المنيا على الطريق الشرقى فى عز الحر من الساعة واحدة ظهرا الى الثالثة ظهرا ومشغل التكييف على طول وماشى على سرعة 150 ومحمل العربية ب 5 افراد غير الشنط اللى استوعبتهم شنطة العربية وكل ده أنا كنت متوقع العربية هتضرب منى من الحر ولكن الحمد لله اثبتت كفاءة وشدة تحمل ومؤشر الحرارة لم يزد عن النصف والحمد لله
بالنسبة لسعر الميجان 2006 الشكل القديم فعلى حسب التجهيزات الموجودة بها فلو كانت بانوراما ومثبت تبقى فى حدود 110 الف ولو بانوراما ومثبت وفرش جلد تبقى ب 115 الف ولو الشكل الجديد زود 5 الاف
ولو عايزها مش بانوراما تبقى فى حدود 95 الف وشكرا