عرض للطباعة
كعادتنا في المنتدي في كأس القارات كنا بنعمل موضوع للتوقعات في كل ماتش
و بيتحول الموضوع لوصف للماتش علي الهواء مباشرة للإخوة اللي مفيش جنبيهم تليفزيون أو راديو
الماتش كمان ساعة .. يا تري توقعاتكم إيه ؟
و إن شاء الله نشارك كلنا في وصف الماتش و أحداثه اما يبدأ .
انا متوقع إن شاء الله 2-0 لمصر .
توقعاتي
واحد صفر لمصر بالعافية
مش عارف ....... خايف و مش واثق في المنتخب خالص
ساعة ما نكون متوقعين الهزيمة بنفوز ...... أما الثقة في الفوز ....... بنروح في داهية و نتغلب .........
شعب فرعون صحيح ............... أتمنى مصر تفوز بنتيجة كبيرة إن شاء الله .
فعلاَ يا أستاذ توت البطولات اللي بنروحها و إحنا معنوياتنا في الأرض بنكسب و نتألق .. و اللي بنروحها و إحنا واثقين بناخد علي دماغنا ! أو بمعني أصح اما بيكون فيه مسئولية بنتبهدل إنما اما بنلعب لمجرد اللعب بتلاقي تألق غير عادي .. بس أتمني نفوز بنتيجة كبيرة إنهاردة و ربنا يسهل في باقي الماتشات .اقتباس:
المشاركة الأصلية كتبت بواسطة tutankhamoun
التشكيل من برنامج شوبير لسة حالاَ :
عصام الحضري
هاني سعيد - وائل جمعة - محمود فتح الله
أحمد المحمدي عاليمين و سيد معوض عالشمال
نص الملعب محمد شوقي و حسني عبد ربه و محمد حمص
و أمامهم أبو تريكة و أمامه زيدان
-------------------------
فريق رواندا بيلعب بلاعبين جداد و فريق مجدد ( 6 لاعبين أول مرة يشاركوا )
انا شايف التشكيل جميل بصراحة .. بس شايف الناس في الإستاد نايمة خالص و مفيش تشجيع !
ملحوظة : سيد معوض و زيدان لسة مصابين .. و يقال إن سيد معوض إصابته لسة محتاجة وقت و إن مشاركته فيها تحامل علي نفسه !
و مندوب المنتخب بيقول إنهم سلام بنسبة 70% .
الماتش فات منه نص ساعة و لسة النتيجة صفر صفر
فيه فرص ضائعة كتير و ضاعت بسبب الشد العصبي و إننا عايزين نجيب جون بسرعة .
انا حتشــــــــــل
تحس انة ماتش فى كاس مصر مش كاس القارات
حضرتك تقصد كاس العالم
اللعيبه محتاجين سرعه شويه
وحماس بدل ما هما نايمين كدا
ارحمنا يا رب
يا حظك يابو تريكة بالجون العجيب
الحمد لله ربنا كرمهم الشوط دة
3/0 الان . و هيصفر دلوقتى .
شوط حلو
الحمد لله :)
وعجبى
3 صفر بس الأداء مش حلو بصراحة .
بس حد أخد باله من رد فعل تريكة و حسني بعد ما جابوا الإجوان ؟
شكل اللعيبة بتلعب و هي لسة مضايقة من موضوع أديب .
أبو تريكة بعد أول جول رفض الإحتفال بالجول و قعد يرفع إيده و يقول حسبي الله و نعم الوكيل .
عبد العزيز توفيق شاط كورة خزعبلية في هجمة كانت خطرة جداَ بس هو قفلها قفلة كوميدية جداَ بسبب الشوطة الغريبة لدرجة حسن شحاتة بدل ما يتنرفز جتله كريزة ضحك و قعد يضحك دقيقة متواصلة .. انا عمري ما شفته بيضحك في وسط ماتش قبل كدة .
مبروك
كدا فاضل كام ماتش؟
3اقتباس:
المشاركة الأصلية كتبت بواسطة successcre8or
واحد مع زيمبابوى هناك
والجزائر هنا
والثالث فى رواندا
ربنا يسهل
بصراحة احلى لقطة في المباراة شوطة عبد العزيز توفيق
انا لسة بضحك عليها لحد دلوقت والحمد لله ربنا ستر على الأضواء الكاشفة بتاعة الإستاد ومشنيرهاش
واضح انه كان ناسى بيلعب مع ميناقتباس:
المشاركة الأصلية كتبت بواسطة amrico
قصدك زامبيا مش زيمبابوي :) زيمبابوي مش معانا في المجموعةاقتباس:
المشاركة الأصلية كتبت بواسطة mobitic
الماتشات بالترتيب :
رواندا في رواندا
زامبيا في زامبيا
الجزائر في القاهرة .
مازلت بضحك علي شوطة عبد العزيز توفيق :36_1_1[1]:
يا رااااااااااجل بجد !!!!!!!!!اقتباس:
المشاركة الأصلية كتبت بواسطة motorizer
تصدق والله من أول التصفيات وانا فاكرها زيمبابوى
مش بقولك ربنا يستر
الحمد لله والف مبروك وربنا يستر فى الباقى
بس ممكن يلعبوا احسن من كده
انا متفرجتش على الماتش
بس مبروك لمصر و عقبال التأهل باذن الله لكاس العالم
اول مرة فى حياتى اشوف حسن شحاتة بيضحك .
كان بيضحك على تسديدة عبد العزيز توفيق .
انا لما شفت الصورة دى و بعدها الفيديو بطنى وجعتنى من الضحك :)
http://www.iraqup.com/uploads/200907..._140265077.jpg
http://www.youtube.com/watch?v=fBsh-xKmsQw
اللقطة دى لازم تتعمل برنامج مواقف وطرائف لوحدها , انا بجد مقدرتش امسك نفسى من الضحك وعلى فكرة كنت مبسوط جداً وانا شايف شحاتة بيضحك ربنا يكرمة.
مبرووك اه ؟؟؟؟ بس بصراحة مستوى متواضع لينا جدا وصعب بالمستوى ده نفوز على زامبيا انا مش متشائم بس ممكن الجزائر او زامبيا هما اللي يوصلوا ودايما احنا بنزنق نفسنا ونخش في حسبة برما !!!!!!!!!!!!!!
الف مبروك لمنتخب مصر النتيجة و الحمد الله ان خاب ظنياقتباس:
المشاركة الأصلية كتبت بواسطة ahmed reda
الاداء اعتقد ان في عوامل كتير تدخلت ليخرج بهذا الشكل منها الضغط العصبي الواقع علي الاعيبة الفترة اللي فاتت من الاعلام بعد تعثر منتخب مصر في التصفيات و الخروج الغريب من الدور الاول في كاس القارات ( كنا قاب قوسين او ادني من التاهل للدور قبل النهائي) و اخيرا واقعة جنوب افريقيا اللي كلنا عارفينها و ايضا نقص الخبرة الدولية لبعض الاعيبة هذة الخبرة اعتقد بيكون ليها دور كبير في انهاء مثل هذة المباريات الحساسة
بركات و ميدو و عمرو زكي لاعيبة لا ينقصها الخبرة الدولية اعتقد انهم اوراق رابحة لمنتخب مصر في الفترة القادمة يجب ان يستعين بيهم حسن شحاتة
و ان شاء الله بالتوفيق لمصر في المباريات القادمة
ربنا ستر يا جماعة الحمد لله المهم الماتشين اللي جيين
اما التالت بتاع الجزائر فانا متفائل ان شاء الله
مع اني ماليش في الكورة خالص بس شوقتوني اشوف جون عبد العزيز توفيق
لو حد عنده رابط يوتيوب للجون ياريت ينزله
هو ماكنش جول , دى كانت شوطة .اقتباس:
المشاركة الأصلية كتبت بواسطة نور القمر
اقتباس:
المشاركة الأصلية كتبت بواسطة terrible_darsh
هو مش جون يا نور دي كانت كورة كدة متقشراله و يتقوله حطني في الجون
طلعت رمية تماس مش عارف إزاي ! بدل ما يشوطها في الجون شاطها بالعرض فووووووق .. فعلاَ انا قعدت أضحك علي ضحك شحاتة
شكرا تريبل شكرا موتو على التوضيح
بس على فكرة الفيديو مش شغال
اقتباس:
المشاركة الأصلية كتبت بواسطة نور القمر
هو جون بس مش فى المرمى يا نور
جون فى الجمهور باين عليه عنده حول ولا العدسات وقعت منه :36_1_1[1]:
بصراحة اداء هزيل و غير مقنع نهائى
برضه مازال املنا ضعيف و الجزائر املها أقوى مننا بكثير
لازم الجزائر تتعثر من زامبيا أو رواندا فى الجزائر
لإن بصراحة فريق مصر بالمستوى دا مش حيقدر يكسب رواندا هناك و اخرها تتعادل
و شكلهم حيتغلبوا من زامبيا هناك برضه و فى احسن الظروف حتتعادل
بصراحة انا زهقت من موضوع الحسابات دى اللى كل تصفيات نعملها
من الاخر كده احنا مالناش فى كاس العالم
الحمد لله انى لحقت و انا صغير اشوف مصر فى كاس عالم 90
الفديو اهه تانى .
http://videohat.masrawy.com/view_vid...49681f47e629ad