معلومات جديدة عن التكييف -محتاجة تأكيد-

**M.Osman** · 06-07-2009 11:19 PM

المشاركة الأصلية كتبت بواسطة amr mokhtar

السرعة من 1 ل 4 ملهاش اى علاقة بالكباس
السرعات دى هى سرعات مروحة الصالون فقط لا غير

يعنى تشغلها على 1 او 4 ملهاش اى تحميل زيادة او نقص على الكباس

لي تعليق على النقطة دي..
انا لما بكون راكن العربية في الشمس .. اول ما اشغل التكييف بشغل المروحة على 3 ( سرعة عالية ) على اساس اني مقتنع انه كدا هيبرد اسرع و الكمبريسور يفصل اسرع..

مش كدا ولا أية؟

**amr mokhtar** · 07-07-2009 01:07 AM

المشاركة الأصلية كتبت بواسطة successcre8or

لي تعليق على النقطة دي..
انا لما بكون راكن العربية في الشمس .. اول ما اشغل التكييف بشغل المروحة على 3 ( سرعة عالية ) على اساس اني مقتنع انه كدا هيبرد اسرع و الكمبريسور يفصل اسرع..

مش كدا ولا أية؟

هو يمكن يكون صح
بس لما يكون الجو حر اوى الكباس بيفضل شغال مدة طويلة حتى لو مشغل المروحة على 3
و ده اللى بيحصل عندى فى العربية

**amr mokhtar** · 07-07-2009 01:13 AM

أعتقد ان أفضل إقتراح لحد دلوقتى و يكون عملى
اننا لو مشيين على سرعة عالية نمور العربية و نشغل التكييف و نستنى مثلآ 10 ثوانى و نحط النقلة تانى و خلاص

اما بخصوص ان التكييف بيفصل و يشتغل.... انا مش لاقى اى تفسير منطقى للقصة دى

و خلى الموضوع مفتوح لمزيد من المعلومات

**sayedhassan** · 07-07-2009 10:28 AM

افضل شىء للمحافظة على compressor ان يتم تشغيل التكييف اثناء وقوف السيارة لو السيارة اتوماتيك اما لو كانت مانيوال فتدوس على الدبرياج للاخر ثم تشغل التكييف لو كانت السيارة ماشية
اما فصل وتشغيل compressor لا يضر لان الفريون بيكون داير فى الملفات الداخلية للتكييف
تشغيل التكييف والسيارة تسير بسرعة عالية يكون فيه دفع قوى للفريون داخل compressor مما يؤدى الى حدوث تلف داخلى وكذلك احتراق copressor coil
نصيحة خبير بالتكييف
منقول

**El Prince** · 07-07-2009 11:12 AM

جميل جداً , بس برده منتظرين أراء خبراء و مستشارى المنتدى .
وشكراً مقدماً.

**Hegazio** · 07-07-2009 11:40 AM

يا جماعة الكلام كالأتي :
1 - الخطورة من التشغيل أول مرة علي ار بي ام عالي ( فوق ال 3000 ) عشان بيكون الفريون و الكباس و الدنيا كها واقفة و ( تترزع) مرة واحده
2 - الخطورة تقل عندما يكون الموضوع شغال قبل كده و بيفصل و يشتغل تاني
3 - مش ضروري خاص تقف ولا حاجة .. ممكت تشغل علي طول لو ال ار بي ام علي 2000 مثلا أو تمور الأول
4 - الكمبريسورات الحديثة فيها زي سوستة كده في الأول عشان تقلل من خطورة الحكاية دي .. بس الأأمن تعمل احتياطك
و شكرا

**ahmed_su** · 07-07-2009 02:17 PM

المشاركة الأصلية كتبت بواسطة د.محمود صلاح

هناك وحدة تحكم فى السيارات الحديثة تفصل الكباس تماما عند الكيك داون او الحرق بشدة , معلومة قرأتها ومتاكد منها فى كتالوج الميجان أو الأوبترا مش فاكر

جرب ذلك , افتح الكابوت , شغل الهربية والمكيف , اعمل كيك داون وانت واقف امام الموتور ( على وضع المور طبعا ) , هتلاقى الكباس بيفصل مع كل ضغطة - هتلاحظ الكلاتش بتاع الكباس بيفصل لو موجود فى مرمى بصرك - وهذا ما الاحظه فى الكرولا بتاعتى ال 93

المعلومة دى سليمة فعلا ...

بس الغرض منها مش الحفاظ على الكمبيروسور الغرض منها

تعظيم عزم وسرعة العربية للاستجابة للكيك داون يعنى بيوجه كل

طاقة الموتور لدفع السيارة فى الحالة الحرجة ( الكيك داون)