الموضوع: معلومات جديدة عن التكييف -محتاجة تأكيد-

السلام عليكم
كنت مع واحد صاحبى عند واحد فى الحرفيين بنظبط التكييف بتاعه
إتكلمت شوية مع الراجل بخصوص إمكانية تشغيل التكييف على السرعات العالية يعنى فوق 100 كم/س
و كان رده مفاجئة بالنسبة لى
قاللى ان مش من المفروض نبدأ تشغيل التكيف على السرعات العالية و ان الواحد لازم يشغل التكييف على سرعة قليلة فى حدود 40كم/س او يفضل من الوقوف تمامآ
يعنى الواحد قبل ما يتحرك لو ناوى يشغل التكييف يشغله و هو واقف الأول و بعدين يتحرك

و تفسيره للحكاية دى
عند تشغل الكمبروسور على سرعة موتور عالية بيحصل ان الكمبروسور سرعته بتزيد مرة واحدة و بيتم ضخ الفريون بسرعة عالية جوه الكومبروسور و ده ممكن يأدى إلى كسر البساتم بتاعته - اللى بعتبر حجمها صغير جدآ و ضعيفة-

قلتله طيب ما الكمبروسور بيفصل و يشتغل على السرعات العالية؟
قاللى انه بيفصل و يشتغل بس على سيستم العربية - و دى برضه انا مش فاهمها

و بعد كده قاللى ان المفروض فيه حاجات بتتعمل صيانة للتكييف بشكل عام زى تغيير الExpansion valve و ده المفروض بيتغير كل 3 سنوات بس طبعآ محدش بيغيره
--------------------------------------------------------------

انا قولت أكتب الكلام ده و يا ريت نناقشه بموضوعية لإن انا واحد من الناس اللى بشغل التكييف فى اى وقت يعنى مش بحط فى دماغى حتة السرعة دى و أعتقد ان كتير مننا بيعمل كده برضه

ده غير ان فيه إعتقاد قديم ... ان يفضل تشغيل التكييف على السرعات العالية يعنى فوق 80 عشان يكون الموتور سرعته ثابتة و بالتالى مايبقاش عليه تحميل عالى عكس لما يبقى فى وسط البلد
و الحاجة اللى انا مش مقتنع بيها هل معقولة المهندسين اللى عملوا العربيات الحديثة دى مش عاملين حسابتهم على حاجة زى دى؟

فى إنتظار الردود

المشاركة الأصلية كتبت بواسطة د.محمود صلاح

اعتقد ان هناك سرعة محددة لبكرة الكمبريسور ولا علاقة لها بسرعة المحرك حيث تلاحظ ان هناك بكرة - بلية - هى التى تدور بسرعة وبطء طبقا لسرعة المحرك وعند تشغيل المكيف تعمل بكرة اخرى مع البكرة الأولى ولكن بسرعة ثابتة


ولا أعلم مدى صحة ما ذكرته

شكرآ لردك
هى المشكلة الأساسية مش فى سرعة البكرة
المشكلة هى التشغيل المفاجىء للكباس على سرعة عالية

و فى إنتظار المزيد من الأفكار