جورج قرداحي: 57% من المصريين يعتمدون على "التوكتوك" كوسيلة مواصلات (حاجة تنرفز)

**M.Osman** · 05-07-2009 10:26 PM

أنا اصلاً نادرا لما بتفرج على التليفيزيون!

حظي الجميل اني لما اقعدت امام الشئ إللى كل فيه حالياً يحرق الدم و يغيظ روحت جايب الـMBC ... لاقيت جورج قرداحي (الإعلامي الشهير..و مذيع برنامج "من سيربح المليون؟") في برنامج مسابقات اول مرة اشوفه.

المهم ..
المتسابقة كانت واحدة مصرية..

لاقيته بيسألها ( و هو بيضحك ) :"عارفة اغنية اركب الحنطور و اتحنطر؟؟"
قالت : أه ( و كان واضح عليها الكسوف)
فال لها : انا بسألك عشان السؤال القادم.. أية الفرق بين الحنطور و التوكتوك ؟؟؟
قالتله: دي بتكون عربة بيجرها حصان او حمار لكن التوكتوك بيمشي بمحرك..... (مش فاكر بالظبط)
قال: بتسوردوا التوك توك من الهند انتم عشان يحل لكم ازمة الزحمة ... مش كدا؟
فقالت : لأ طبعا مش في كل المناطق ... هو للقرى و الشوارع الضيقة..

و السؤال كان كالتالي:
ما هي نسبة المصريين الذين يعتمدوا على التوكتوك كوصيلة مواصلات ؟
تخيلوا ؟؟

مش فاكر هي جاوبت اية بس اجابتها كانت غلط و الإجابة الصحيحة كانت 57% !!!!!!!!

تخيلوا؟؟؟
فال 57% قال ؟؟
يا سلام ؟
معنى كدا التوكتوك بقى اكتر من العربيات بقى ؟؟

احنا خلاص بقينا اي حد يتريق علينا كدا ؟
واحد ظريف (كنت بتابع برنامجه زمان) بيتريق علينا احنا و التوكتوك (حسبي الله و نعم الوكيل في اللي دخلهم البلد)

بصراحة انا اتضايقت جدا جدا من يومها ..
حسيت ان احنا بقينا كل شوية حد يطلعلنا بحاجة و يتريق علينا بيها...
حسيت كمان ان احنا هنا لما بننقد اي حاجة في البلد بيكون لأننا فعلا بنحبها..
لكن لما يتريق كدا علينا ... انا بجد متضايق اوي

(مش فاتح التليفيزيون تاني)

**M.Mostafa80** · 05-07-2009 10:32 PM

ياعمى ولا تضايق نفسك كفايه انهم ما بيتعرفوش غير هنا وما بيحققوش شهره ألا هنا و انا شايف ان دى فئه معلوم هويتها فا متخدش فى بالك بس فعلا للأسف احنا التكتوك عندنا بقو عاملين زى صراصير البلاعات فى بعض المناطق
طب أقولك على حاجه تحرق الدم انا النهارده كنت ماشى فى ش ترعه الزمر فى الهرم الشارع دا دلوقتى بقى فى شبه م احمد عرابى شويه لقيت عيل صغير سايق تكتك سنه والله ما يتعدى ال 9 سنين وشوف بقى التصرفات اللى ممكن تصدر من طفل غير واعى لخطوره الأله اللى تحت ايديه بقت حاجه مستفذه

**pro_samir** · 05-07-2009 10:34 PM

هيا كان المفروض تشوطة بس يمكن الموقف مساعدهاش

بخفة دمة المحروس مش عارف الفرق بين الحنطور والتكوتكوك

**M.Osman** · 05-07-2009 10:41 PM

هو احنا شعب اوروبي مثلا !! , ده نصف البلد كلها جاهلة و بلطجية و متخلفين و سلبيين .

يبقي تزعل ليه بس لما واحد مش مصري يتريق علينا !!

حضرتك ما هي دي النقطة ...
انا بتريق على بلدي او زعلان عليها لأني عاوزها تبقى احسن بجد...

لكن لية واحد زي دا يتريق علينا كدا..؟
جته خيبة عليه و على بلده!

**A.Saad** · 06-07-2009 12:13 AM

ان شاء الله 100 % يستعمل التوكتوك
هوة مالوش دعوة اصلا

**bmw323** · 06-07-2009 03:05 AM

لا ماهما ديما بيحبو يطلعو المصريين شعب جاهل لاكن الخلجيين يجى يعملك فى أستطلاع كم نسبة الخلجيين ألى بيركبو هامر ويوكون وسوبر بان جتة خيبة فعلا !!

**النوبي** · 06-07-2009 03:20 AM

المشاركة الأصلية كتبت بواسطة terrible_darsh

يعنى هو جاب حاجة من عنده !!

زى ما احنا كنا بنتريق على الهند و الفيل , جه اليوم اللى يتريقوا علينا فيه .

هو احنا شعب اوروبي مثلا !! , ده نصف البلد كلها جاهلة و بلطجية و متخلفين و سلبيين .

يبقي تزعل ليه بس لما واحد مش مصري يتريق علينا !!

مش دى الحقيقة ؟

ورغم كده انا شفت في الجرايد واحد متخلف وغبي بيقول لازم نلغي مجانيه التعليم لان التعليم بيرهق الدوله والمفروض ان الواحد وعشرين مليون بني ادم اللي في التعليم يروحو يدورو علي شغل احسن واللي عايز يتعلم لازم يدفع

-

-

الموضوع: جورج قرداحي: 57% من المصريين يعتمدون على "التوكتوك" كوسيلة مواصلات (حاجة تنرفز)

LinkBack

أدوات الموضوع

عرض

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة