حد يعرف ممكن الاقي سيراتو الشكل القديم فين و بكام
حد يعرف ممكن الاقي سيراتو الشكل القديم فين و بكام
بص يا جميل انا لما رحت احجز الشكل الجديد لقيت عند ياسين اللي في مصر الجديده عربيه وحده سوده الشكل القديم كمله كل حاجه جنوت 16 و فتحت سقف abs ebd 2 air big و كانت 106 الف شوف بقه يمكن تكون لسا عندهم
انا لما رحت التوكيل قالي العربيه ديه خلصة من عندهم
في اللي من غير جنوت و اير بج و اب بي اس العديه يعني موجوده هناك
و ممكن كمان تلقيها في محمد ذكي
أنا شوفت واحدة كاملة High line عند المحمل في شارع الطيران من إسبوع تقريبا، بس مش فاكر السعر
عند المحمل عنده اتنين high line واحدة بفتحة سقف والتانية من غير ولسه شايفهم عنده امبارح
انا شوفت واحدة الاسبوع اللى فات عند سمير ريان ب100 الف كامله +فتحه سقف
شكرا لسرعه الرد و لكل من اهتم
ويا ريت كنت عايز اعرف اللي عند المحمل بكام
وليه التفاوت في الاسعار ده انا ملاحظ ان كلكم بتتكلموا عن الهاي لاين يمكن ده فرق مصري من خليجي او اللي عنده عربيه عايز يخلص منها علشان الشكل الجديد
و شكرا لكم
موجود فى التوكيل
انا سالت في التوكيل قالولي مش موجوده
عند محمد زكي اللي فل اوبشن من غير جنووط كانت ب 107 الف واصبحت ب 100 الف بس الكلام ده من 2 اسبوع
شكرا محمد لكن سالت عندهم قالولي مفيش خلصت
بصراحه الواحد مش عارفلها سعر العربيه دي و خايف اشتريها غاليه
هل لو لقيتها ب100 يبقي كويس ولا لأ
بص يا باشا هي عربية 10 على 10 ومعاي وعاملة 6000 كيلو وزي الفل وومكن برده الاستاذ احمد اسماعيل هو قبلي وجابها بس ممتازة واسعة وثابتة وسحب وتجميع وصاج جامد شوية وعفشة ناعمة جدا وفتيس ستيب تروونيك وعالية عن الارض حتى مع التحميل
انا راى لو لقيتها موت سعرها على الاخر علشان محدش بيشتريها خالص علشان الجديدة
العربية موجودة فى التوكيل وبيعمل عليها خصم 7000 جنية و موجودة عند المحمل موتورز فى شارع الحجاز امام مستشفى هليوبوليس و عند الدولية فى شارع فريد سميكه امام عمر افندى الحجاز و نصيحة خليك فى المحمل
بصراحه انا مش عارف اشكركم ازاي حقيقي انا عاجز عن الشكر
لو ممكن اعرف بعد خصم ال7 الاف يبقي سعرها كام
الحقيقة انا مش عارف سعر العربية كام اسال فى التوكيل 19kia او اسال عند التجار المحمل عندة واحدة زى اللى فى الصورة و نفس اللون الفضى
بصراحه يا جماعه انا مستغرب جدا لان كل الناس اللي في المنتدي بيقولوا موجوده في التوكيل
و انا اتصلت بالتوكيل مرتين وكل مره يقولولي ان العربيه مش موجوده
هل في حد اتصل بالتوكيل و قالوا ان العربيه عندهم وده كان امتي
و شكرا
اقتباس:
المشاركة الأصلية كتبت بواسطة moataz-shaheen
انا شفتها يوم 27 فى التوكيل لانى كنت يعمل صيانة الاف فى ابو رواش :w6266d
زرقا وبفتحة سقف
مش واحدة لا اتنين
ولا يكونوا دول عفاريت العربيات اللى اتباعت :B4_282:
اتصل بالتوكيل بس مش ينمرة الرقم المختصر
لا
خد منهم الارقام العادية واتصل بيها واطلب تكلم حد من المبيعات
انا علي العموم قرفت من التوكيل ده المفروض انهم مش لاقيين حد يشتريها و لما اتصل يقولوا مش موجوده
وكمان موضوع الحجز اللي انا قاعد اقراه و الناس اتخنقت منه
عايز اعرف ليه الناس بتقول ان ده توكيل محترم لو كانوا بيحكموا علي التوكيل من المبيعات فده عادي اي حد و انت رايح تشتري منه و هتديله فلوس هيحترمك جدا و يرحب بيك و يفرشلك الارض و رد و يعملك غسيل مخ