الموضوع: هل توافق على إلغاء مجانية التعليم ؟

المشاركة الأصلية كتبت بواسطة hamedo0

لا حرااااااااااااام بجد دلوقتي مافيش طبقه متوسطه في البلد في يا غني لا فقير الناس الغلبانه دى تؤدى عيلها فين ماهو حيزيد عدد اطفال الشوارع وتزيد اكتر الشباب المش لاقي شغل حيبقي شغل وتعليم حرام بجد

والمفروض اللي يعمله المشروع ده انه يحقق المعادله دي ويحذف الطبقه المتوسطه

المشاركة الأصلية كتبت بواسطة pro_samir

اوك يدورو على صنعة بس مش معنى كدة ان التعليم المجانى يتلغى لكن المفروض يبقى فى تعليم صناعى صح

وهما كتر خيرهم عملو تجارب كتير فاشلة فى الموضوع دة

والله تفكير اكتر من سليم (علي الاقل من وجه نظري)

المشاركة الأصلية كتبت بواسطة compuland

مش كل التجارب فاشله
مدرسه مبارك كول
فيها تعليم صناعى كويس جدا

وفى مشروع جديد لاقامه مدرسه يابانيه للتعليم الصناعى بدعم من الحكومه اليابانيه لرفع مستوى المستهلك
اللى هوا احنا يعنى

ولا سمعت عن الياباني ولا شفت مدرسه مبارك بس يارب

المشاركة الأصلية كتبت بواسطة mobitic

أوافق وبشدة
بس تكون بشكل تدريجى على المراحل التعليمية المختلفة مع الحفاظ على حق المتفوقين فى الحصول على مجانية كاملة
وبعدين ما تيجوا نبصلها من ناحية تانية
دلوقت الطالب فى الإبتدائى بياخد دروس فى كل حاجه عارفين ليه السبب ؟؟
الأسباب كتير منها تكدس الفصول - المناهج
لو قللنا عدد الطلاب جوه الفصل هيبقى احسن بكتير
كلامى ده من واقع معايشة يومية داخل المدارس بحكم وظيفتى
بس ارجع واقول مش هوا ده الحل الجذرى للمشكلة لأنها أكبر وأوسع من كده بكتير بس ده اللى اقدر اتكلم فيه براحتى

بص ياسيدي انا اعرف ناس كتير محاسبين ومهندسين الناس دي طلعت بمجانيه التعليم ومن غير كده كان هيبقي ميكانيكي نجار حداد اي حاجه غير اللي نفسه فيه برغم انه بعد ماتخرج بقي مهندس شاطر او محاسب في شركه كبيره
ومع الاسف انا معايا واحد صاحبي مش عارف هو بقاله اد ايه في التعليم يمكن خمسه يمكن سبعه مش عارف المهم ان ده مثال قصاد امثله اكتر منه بكتير وخصوصا ان اخوه مهندس يعني مش مقياس
ثم الغاء التعليم بمراحل هيقضي علي احلام عم عبده البواب ان ابنه يدخل طب او هندسه واخره هيطلع خراط ويبقي كده هو صرف عليه كمان
الغاء التعليم بمراحل ماشي نظريا حلو والتعليم يتحسن والاعداد تخف من المدارس والكليات والجامعه ماشي انا معاك
طيب نسال نفسنا سؤال واحد مين في البلد دي معاه فلوس علشان يكمل لاولاده بيها تعليمهم
الموظف المطحون مستحيل
المدرس(برغم انه موظف) ماشي معاك طيب لو المدرس احواله اتحسنت ودخله زاد هيقدر انه يدخله مدرسه وكليه طيب لو عنده اتنين معتقدش هيقدر طيب لو عنده تلاته يبقي احنا دخلنا في المستحيل
ايه هيا الحجات اللي يترتب عليها الغاء مجانيه التعليم
الفقير نقوله بالسلامه ياريس سكتك خضرا انت واولادك اخركم صنيعيه ومش اكيد كمان
والغني كالاتي ابن الدكتور هيبقي دكتور ابن المهندس هيفضل مهندس ابن الكـ..... هيفضل زي ابوه
نيجي للبلد
واحد فقير رايح يكشف عند الدكتور يلاقي الكشف بمبلغ وقدره طيب الراجل الغلبان يجيب منين يقوم يقولك انت ياراجل يامتخلف انت عارف انا تعبت قد ايه علشان اخد الشهاده دي وطبعا مفيش واحد اتعلم بالاف الجنيهات هروح يشتغل في مستشفي عام مرتبه بالبدلات ممكن يوصل الي 270 جنيه او 300 لو شاطر
بيتهياللي لو لغو مجانيه التعليم البلد دي هتروح في داهيه وهو ده اللي هم عايزينه
واسف علي الاطاله بس بجد مفروس