اقرا ياعم اخر اخبار الجامعات الخاصه اللى بفلوس
ومتقليش دول عشان سعوديين
المصريين بيعملو اكتر من كده
عرض للطباعة
موافق طبعا بس اولا الكلام ده يكون فى المدارس الى ليها تعليم اساسى زى الابتدائى والاعداى والثانوى بس العام
ويتم انشاء ابتدائى واعدادى وموجود ثانوى فنى ودول يكونو ببلاش اولا على شان فيه ناس كتير مش بتستفيد بالتعليم العام وفى الاخر بيخرجو من المدارس ويشتغلو صنايعيه ويخربو لينا اى حاجه نملكها من العربيه للسخان بتاع البيت فيكون فيه للناس دى تعليم فنى من البدايه على الاقل يكونو بيشتغلو على اساس علمى مش بالمفهوميه زى ما بيقولو وهم كده كده مش بيكملو فى التعليم العام والكلام ده عن الطبقه الفقيره الى فى الشعب الى اغلبها صنيعيه والكلام ده.
وبالنسبه للتعليم العام يتحسن بالمصروفات مش بس المدرسه والمدرس لا كله عاوز يتظبط من جديد اصلا مفهوم التعليم هنا فى مصر غلط ولازم يتصلح لازم يكون فيه عملى اكتر من النظرى على شان احنا وكل الناس كانت بتحفظ على شان تنجح وبعد كده نمسح كل حاجه مع الوقت يعنى مفيش اى لازمه للتعليم بتاعنا غير انه حشو وخلاص لازم يكون التعليم واقعى شويه عن كده يعنى يحاكى العصر الى احنا فيه ونسيب الكلام الفارغ ده وياريت يكون التعليم فيه تخصصات على شان يكون الى بيتعلم بيحب التخصص بتاعه ويتفوق فيه ويكمل فيه ويدرس المواد بتعته مش اكتر بدل ما احنا دخلين فى بعض النهرده خريج التجاره بيشتغل شوغل مهندس الشبكات وشوغل مهندس الحاسب الالى والدنيا كلها دخلت فى بعضها ولازم يتم انشاء جامعات جديده وبتخصصات جديده
عموما هو موضوع مهم
التعليم العالي ليس حق للجميع و ليس للدولة الأجبارية في تدعيم التعليم العالي .
و الفقير المتفوق ............ الدولة هاتدعمه و تعلمه ببلاش ......
الفقير الغير متفوق و اللي ما يصحلش للتعليم العالي ..... يدخل يتعلم صنعة أو حرفة ........ يفيد بيها نفسه و يفيد البلد .
و بالنسبة لضرب الطلبة للمدرسين ......... بتحصل في كل المستويات في مصر .
عام و خاص ........... هي زيادة في الخاص ........ و لكنها تحدث في العام أيضا . و أمام عيني عدة خناقات أبطالها طلبة ( معتدين ) و المعتدى عليه هم المدرسين ....... في المدارس خصوصا .
الدكتور زيزو وضح و رد بتفاصيل كتيرة و أنا متفق معاه في كل اللي قاله .
علشان ننهض و نبقى دولة متقدمة .....
لازم نتخصص ....... و لازم نتوسع في التعليم الفني ( بجد ) مش شهادة تتعلق على الحائط أخر السنة .
و بالنسبة للوجاهة الأجتماعية ........ دلوقتي أغلب الناس بتبص للقرش و الفلوس
معاك قرش تسوى قرش ........ ممعكش ......ميلزمكش ......... ( ده كلام أغلب الناس مش كلامي ) علشان أنا مش بحكم على الناس بالمنطق ده .
و لو الفلوس جزء مهم من شخصية العريس ..... لأن مينفعش الأب يجوز بنته لواحد معندوش دخل معقول .........
كدا يعني وواحدة واحدة الفكرة الأجتماعية هاتتغير و يبدأ الناس تفكر بمعقولية و عقلانية .
إنما مينفعش نضيع مليارات كل سنة علشان خاطر واحد عايز يتباهى بشهادة على الحائط علشان ساعة ما يروح يتقدم لواحدة يقول لأبوها أنا معايا بكالوريوس يا حاج !!!!!!!!!!
و مينفعش نصرف مليارات كل سنة علشان نخرج ناس ملهاش في الطور و لا في الطحين .
مش أحسن نصرفهم على المدارس الفنية و الطلبة تتعلم صح و يطلع ميكانيكي محترم و سباك محترم بدل الواد بلية .
صح و لا ايه ؟؟؟؟
فيه يا راجل جامعة تقبل كل سنة ربع مليون طالب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
أنت عارف هارفرد و أكسفورد و الجامعات المحترمة ( بالعلم ) بيستوعبوا كام طالب كل سنة
الرقم مينفعش يتقارن أساسا بالرقم بتاعنا ........
أحنا العدد في الليمون ...........
هما طلعوا الفضاء ................... و أحنا لسة بنفكر في الوجاهة الأجتماعية و بنفكر ازاي نآكل الأرانب ...............
و لو تم تفعيل النظام ده بدون تغيير أسس النظام الاداري المصري ......
هاتسري الكوسة فيه ......... و يبقة أكننا معملناس حاجة .....
هي ج ع ع ......... مفيش فايدة نروح يمين نروح شمال ........ مفيش فايدة .
صاحب الشركة يبحث عن الموظف الكفء لا العكس و المريض يبحث عن الطبيب الكفء ولا هنختار بالعواطف ؟!!!
الظاهر ان حضرتك من القاهره او القاهره قريبه عليك ماتعرفش يعني ايه بلاد مفيهاش غير وحده صحيه!!
الواحد من دول لما يمرض مش بينقي الدكتور لانه مفيش انت موجود وسط تكدس سكاني لاكن اللي ساكنين في اقاصي الصعيد ومفيش عندهم غيره يعملوا ايه
الموضوع مش حكايه عواطف انا اؤكد لسيادتك ان في ناس هتموت بسبب الموضوع ده ودي مش عواطف ده اسلام ولو مش مقتنع لو انت عندك قلب جامد وموافق علي الغاء التعليم المجاني انا معنديش القلب ده حتي ولو قلتلي دي عواطف
وعلي العموم انا مطمئن من النتيجه والاستطلاع بيقول كده
أولا أنا مش مسئول من المسئولين علشان يكون في أيدي أي قرار ...... أنا هنا ببدي رأيي .
بالنسبة للجامعات الخاصة المحترمة ....... موجودة
الجامعة الأمريكية ...... الجامعة الكندية ..... الجامعة الألمانية ....... أو أي جامعة تحت أشراف أوروبي .
مين اللي قال أن الناس هاتبيع عفش بيتها ؟؟؟؟؟؟
ما أحنا و كررنا .......
أن التعليم ألأساسي يجب أن يكون حق لكل مواطن لطمس الأمية و تعليم الجميع و تفتيح أمخاخهم .
إنما التعليم الجامعي يكون مجاني فقط للمتفوقين ..
اللي يستاهلوا .
أما اللي معاه فلوس و عايز يكمل تعليم عالي ....
هايدخل جامعة خاصة بشروط ......
يعني يكون ينفع مثلا يكون دكتور أو مهندس أو محاسب .....
يعني حتى قبل ما يدخل الجامعة الخاصة يتعمله أختبار قدرات ...... زي ما بيعملوا في الدول المتقدمة لأن الموضوع مش فلوس بس ..... زي جامعات مصر الخاصة .( التابعة للحكومة المصرية و المناهج المصرية ) .
بالنسبة لطلاب الجامعة الأمريكية و ليه ماطلعوش القمر .....
و هما هايطلعوا القمر بدراسة ادارة الأعمال ؟؟؟
و حتى لوكانوا بيدرسوا فيزياء و كيمياء
مفيش برنامج فضائي مصري علشان يشتغلوا فيه .
دي منظومة يا أخي الفاضل .....
تعليم ........ و ادارة حكومية و طموحات وطنية ,,,,, ووسائل للتنفيذ .
العلم لوحده مش كفاية .. ..... الفلوس لوحدها مش كفاية ....... يعني يجب توافر كافة العوامل علشان المنظومة تشتغل .
حتى إذا إستطاع ذلك الميكانيكى تعليم أولاده تعليما حكوميا و عند حصول أحد أولاده على الثانوية العامة و رغبته فى الإلتحاق بكلية عسكرية مثلا ستجد من رابع المستحيلات قبوله بأى كلية عسكرية نظرا لكون والده ميكانيكى
مهما كان إجتيازه لإختبارات القدرات سيكون كشف الهيئة هو الشماعة التى يعلق عليها قبول أو رفض الطالب للإلتحاق بكلية عسكريه و هو السبب المعلن و لن تكون الخلفية الإجتماعية أبدا هى السبب المعلن
بل هناك تحريات تتم على أسرة الطالب المتقدم لتلك الكليات و عن الأعمام و الأخوال و زوجاتهم و الشهادات الحاصلين عليها
كل ذلك بالرغم من أن مصاريف تلك الكليات ليست فى مقدور كثير من الأسر المصرية .
لو الكلام ده صحيح ..... تبقى كارثة ......
...
ازاي ولاد الميكانيكي يبقى عندهم تطلعات فوقية ويحلمو انهم يبقو ظباط جيش ....
هما نسيو نفسهم ولا ايه ؟؟؟
ولا خلاص الروس اتساوت ....
..
..
:majd(4):
الكرباج يا عبد الصمد
....
الله يرحم عباقرة مصر اللي اهلهم كانو فلاحين وبسطاء
انا مش من القاهرة بس مقيم فيها من اجل الدراسة
واطمئنك اني اعرف زملاء افاضل اكبر مني وخلصوا الدراسةويعملوا الان في قراهم في اقاصي الصعيد وقد زرتهم بنفسي حيث ان لنا اقارب هناك والدكتور منهم اللي ميعرفش يعالج حالة مريض بيوجه لاستاذه الاكبر منه :36_1_31:
والنظام الذي تشتكي منه من المركزية وعدم عدالة التوزيع ليس موضوعنا ولا دخل له بالنقاش دي مشكلة اخري
وعايز اقولك لسيادتك حاجة متطمنش قوي لان اي نتيجة استطلاع سواء هنا في المنتدي اوخارجه غير ملزمة للحكومة الذكية :36_7_4[1]:
تقبل خالص مودتي
ممكن اسئل حضرتك منين
وطبيعي انه يكون غير ملزم للحكومه انا قصدي الاتجاه الشعبي مش اكتر وده ممكن يكون له تاثير بس ده طبعا بعدين وده مش موضوعنا
ممكن اسئل حضرتك سؤال رحت قبل كده حلايب وشلاتين رحت الفرافره رحت ابو سمبل رحت اسوان رحت السيل/ السد/ الكاجوج / ادفو /اسنا / كوم امبو / رحت العشوائيات اللي في اسوان رحت غرب الاقصر/ الخ...........
رحت القري الفقيره في الصعيد شفت الناس اللي هناك عايشين ازاي صديقي وده بعد اذنك اني اقولك صديقي
الفلاح غلبان وده اكيد لاكن الفلاح اللي في الصعيد اكتر من غلبان 100 مره