| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube

مشاهدة نتائج الإستطلاع: هل توافق على إلغاء مجانية التعليم ؟

المصوتون
66. أنت لم تصوت في هذا الإستطلاع
  • أيوه ... بس بشرط بفرق المصروفات دي يحسنوا المدارس ويزودوا مرتبات المدرسين

    32 48.48%
  • لأ ... يا عم إحنا هانلاقيها منك ولا من مين ... دي حاجة تقرف

    31 46.97%
  • مش فارقه معايا ... أنا راجل عايش بفلوسي وعيالي في مدارس خاصة

    3 4.55%
صفحة 8 من 12 الأولىالأولى ... 3 4 5 6 7 8 9 10 11 12 الأخيرةالأخيرة
النتائج 71 إلى 80 من 114

  1. #71

    الصورة الرمزية النوبي

    رقم العضوية : 41194

    تاريخ التسجيل : 27May2009

    المشاركات : 2,211

    النوع : ذكر

    الاقامة : الاقصر

    السيارة: اسبرينزا A620

    السيارة[2]: اسبرينزا A620

    الحالة : النوبي غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة tutankhamoun مشاهدة المشاركة

    أولا أنا مش مسئول من المسئولين علشان يكون في أيدي أي قرار ...... أنا هنا ببدي رأيي .

    بالنسبة للجامعات الخاصة المحترمة ....... موجودة
    الجامعة الأمريكية ...... الجامعة الكندية ..... الجامعة الألمانية ....... أو أي جامعة تحت أشراف أوروبي .

    مين اللي قال أن الناس هاتبيع عفش بيتها ؟؟؟؟؟؟
    ما أحنا و كررنا .......
    أن التعليم ألأساسي يجب أن يكون حق لكل مواطن لطمس الأمية و تعليم الجميع و تفتيح أمخاخهم .
    إنما التعليم الجامعي يكون مجاني فقط للمتفوقين ..
    اللي يستاهلوا .

    أما اللي معاه فلوس و عايز يكمل تعليم عالي ....
    هايدخل جامعة خاصة بشروط ......

    يعني يكون ينفع مثلا يكون دكتور أو مهندس أو محاسب .....
    يعني حتى قبل ما يدخل الجامعة الخاصة يتعمله أختبار قدرات ...... زي ما بيعملوا في الدول المتقدمة لأن الموضوع مش فلوس بس ..... زي جامعات مصر الخاصة .( التابعة للحكومة المصرية و المناهج المصرية ) .

    بالنسبة لطلاب الجامعة الأمريكية و ليه ماطلعوش القمر .....
    و هما هايطلعوا القمر بدراسة ادارة الأعمال ؟؟؟

    و حتى لوكانوا بيدرسوا فيزياء و كيمياء
    مفيش برنامج فضائي مصري علشان يشتغلوا فيه .


    دي منظومة يا أخي الفاضل .....
    تعليم ........ و ادارة حكومية و طموحات وطنية ,,,,, ووسائل للتنفيذ .

    العلم لوحده مش كفاية .. ..... الفلوس لوحدها مش كفاية ....... يعني يجب توافر كافة العوامل علشان المنظومة تشتغل .
    انا هبدا كلامي بـ يعني يكون ينفع مثلا يكون دكتور أو مهندس أو محاسب ...
    اولا طبعا المحسوبيات هتشتغل علي ودنه ومش كده وبس النسب المقرره للمجانيه هتخس النص كل سنه باي حجه اياً كانت وطبعا بعد كام سنه هتلاقي الناس انقسمت الي عالي ودول عليه القوم الصفوه اصحاب الشهادات ومهمش ملوش دور او علي الاقل اللي فيه منه كتير
    يعني الدكتور هتلاقي ابنه دكتور المهندس هتلاقي ابنه مهندس وهكذا وهتبقي الناس طبقات والفوارق هتزيد
    ثانيا انا كنت معتقد كلامي واضح مش محتاج ايضاح انا اكيد مش قصدي انهم طلعو القمر بالمعني المفهوم انا قصدي الانجازات اللي عملوها خريجي الجامعه الامريكيه عن باقي الجامعات

    انا اسف علي هذا التلميح بس انا حسيت انك شفت كلامي بطريقه سطحيه
    وانا متاكد انك بتتكلم من وجهه نظر للاصلاح والا مكنتش رديت عليك
    انت اخ اكتر من محترم (برجاء تقبل اسفي علي التلميح)

    [sor2]http://www.fotoobook.com/images/d/dw/original/2012-04/1334998509_1143.jpeg[/sor2]


  2. #72

    الصورة الرمزية النوبي

    رقم العضوية : 41194

    تاريخ التسجيل : 27May2009

    المشاركات : 2,211

    النوع : ذكر

    الاقامة : الاقصر

    السيارة: اسبرينزا A620

    السيارة[2]: اسبرينزا A620

    الحالة : النوبي غير متواجد حالياً

    افتراضي -

    اقتباس المشاركة الأصلية كتبت بواسطة aif مشاهدة المشاركة
    لو الكلام ده صحيح ..... تبقى كارثة ......
    ...
    ازاي ولاد الميكانيكي يبقى عندهم تطلعات فوقية ويحلمو انهم يبقو ظباط جيش ....
    هما نسيو نفسهم ولا ايه ؟؟؟
    ولا خلاص الروس اتساوت ....
    ..
    ..


    الكرباج يا عبد الصمد
    ....
    الله يرحم عباقرة مصر اللي اهلهم كانو فلاحين وبسطاء
    والله برغم اني حزين الا ان كل مشاركه ليك بتفرحني وبتدحكني

    [sor2]http://www.fotoobook.com/images/d/dw/original/2012-04/1334998509_1143.jpeg[/sor2]


  3. #73

    الصورة الرمزية Dr Zezo

    رقم العضوية : 1952

    تاريخ التسجيل : 29Aug2007

    المشاركات : 1,413

    النوع : ذكر

    الاقامة : القاهرة

    السيارة: .

    السيارة[2]: .

    الحالة : Dr Zezo غير متواجد حالياً

    افتراضي -

    اقتباس المشاركة الأصلية كتبت بواسطة ganaahony مشاهدة المشاركة

    ممكن اسئل حضرتك منين
    وطبيعي انه يكون غير ملزم للحكومه انا قصدي الاتجاه الشعبي مش اكتر وده ممكن يكون له تاثير بس ده طبعا بعدين وده مش موضوعنا
    ممكن اسئل حضرتك سؤال رحت قبل كده حلايب وشلاتين رحت الفرافره رحت ابو سمبل رحت اسوان رحت السيل/ السد/ الكاجوج / ادفو /اسنا / كوم امبو / رحت العشوائيات اللي في اسوان رحت غرب الاقصر/ الخ...........

    رحت القري الفقيره في الصعيد شفت الناس اللي هناك عايشين ازاي صديقي وده بعد اذنك اني اقولك صديقي
    الفلاح غلبان وده اكيد لاكن الفلاح اللي في الصعيد اكتر من غلبان 100 مره

    انا قصدي ان الحكومة مش خايفة منا و بالتالي مهما قولنا مفيش فايدة في اي مجال واي موضوع .
    اساسا الغالبية العظمي من شعبنا لايجوز لهم في الوقت الحالي ان يستشاروا او يؤخذ منهم رأي ولا تنظر سيدي للمنتدي هنا ..
    شعب غالبيته اميين سواء من دخل المدرسة اومن لم يدخلها ومنهم من هو في الجامعة لايعلم شيئا عن اي شئ ودا نتيجة التعليم المهلبي المجاني و العدد في الليمون ........

    احنا عندنا نصف مليون طالب في الثانوية العامة كم منهم يصلح لدخول الجامعة ؟!!!


    بالنسبة سؤال حضرتك انا للاسف لم أزر هذه الاماكن .

    نفسي ان شاء الله اروحها انا اخري ازور جدي و الاقارب في المنياو بني سويف .

    عامة الناس الذين تتكلم عنهم قابلتهم بس مش فلاحين بدو في صحراء سيناء في مناطق لانسمع بها اصلا مناطق درجة حرارتها -1 ليلا في الصيف و نهارا 40 مئوية مناطق لا كهرباء فيها و لاماء ..

    وبرضه اقول الناس علاقتها ايه بتحسين التعليم والغاء مجانية مزعومة لن يسوء حالهم اكثر مما هم فيه الان علي العكس


    فرق الطبقات و الكلام اللي الناس بتتحجج به الان في هذا الموضوع كان موجودا قبل الثورة و بشكل استعبادي لا انادي برجوعه بل انادي بعلم حقيقي ادي الي وجود طبقةمثقفةحتي و لوصغيرة قادرة علي انشاء اول جامعة اهلية قادرة علي المساهمة مع طلعت حرب في تمصير الاقتصاد قادرة علي الاعتراض امام الحكومةو الاحتلال لخطة وضعت في 1908 لمد امتياز الانجليز لقناة السويس مائة عام و مقابلتها بالاحتجاج الشعبي لردعها
    الطبقة المتعلمة المثقفة ليس بالضروري ان تكون كبيرة انظر سيدي الي القطار جرار واحد في المقدمة يخرج طاقة هائلة تجعله يدفع باقي العربات دفعا للامام علي الرغم من ان هذه العربات اكثر منه في العدد
    الان الغاز يصدر بأبخس الاسعار
    الان تصدر القرارات بلا رجعة للمواطن
    غدا من الممكن ان ترتفع اسعار البنزين و لن نستطيع فعل شئ
    وبعد غد ستلغي المجانيةوالمعارضون ايضا لن يستطيعوا فعل شئ

    انا بحاول اوصل لحضرتك المعلومة بس حضرتك مصمم ان الناس فقراء و غلابة طيب نجيبها من ناحية تانية بالبلدي

    بابا جمال عبد الناصر اعطي الشعب المسكين هدية وهي المجانية ...........شكرا له رحمه الله

    الان وبعد هذه السنوات الطويلة مايزيد عن ال50 عاما منها 16 عاما قضاها الرجل في السلطةطبق فيها النظام بنفسه --قبل الفسادالحالي و السابق له-- وعلي الرغم من بعض سيئات الرجل الا اننا لايمكن ان نشكك في ذمته المالية ابدا
    ما الحال ؟

    خريج جامعي فاااااااااااشل

    شهادةجامعية غير معترف بها لجميع الكليات من العملية للنظرية

    طيب احنا وصلنا و جربنا الطريقة دي و فشلنا ما نبص بصة كده ونجرب الطريقة التانية حتي لولم نكن مقتنعين بها و نري ماذا سيحدث؟


  4. #74

    الصورة الرمزية bmw323

    رقم العضوية : 8870

    تاريخ التسجيل : 13Apr2008

    المشاركات : 2,132

    النوع : ذكر

    الاقامة : cairo

    السيارة: Suzuki ALTO

    السيارة[2]: BMW 325

    دراجة بخارية: Soon isa

    الحالة : bmw323 غير متواجد حالياً

    افتراضي -

    ياجماعة حرااااااااام بجد يعنى هو الناس ألى مش لاقية تدفع مصاريف المدارس علشان ناس غلابة تجيب الفلوس منين علشان يعلمو ولادهم ما أبسط شئ بلا تعليم بلا وجع دماااغ وروح يابنى شوفلك صنعة أو انحرف وسرقة ومخدرات أو توكتوك وأخطفلك شنطة من واحدة ماشية بجد لازم نحس بالناس مش كل واحد شادد اللحاف يقول خلاص بقا وأنا مالى لازم نحس شوية ونتقى الله لما يلغو مجانية التعليم ما هيرجعو يزعلو من الأمية والجهل والأنحراف ألخ....

    وربنا يهدى

    BB code


  5. #75

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    للمرة المليون علشان الناس اللي بتدخل تقول الناس الغلابة و الناس الفلاحين المعدومين .

    التعليم الأساسي و حتى مرحلة الثانوي يجب أن يكون و يظل مجاني للأبد .
    بعدها الطالب يستطيع أن يعتمد على نفسه و يجد وظيفة مؤقتة ليقوم بتعليم نفسه في الجامعة كما يحدث في اأوروبا أو أمريكا و دي أمثلة للدول الناجحة في الموضوع ده .


    بس الموضوع مش موضوع تعليم بس ........
    علشان لو النظام الاداري المصري و النفسية المصرية ظلت كما هي ..... الكوسة هاتشتغل و التغيير هايكون شكلي فقط .

    لذلك لتغيير نظام التعليم ...... يجب تغيير نظام الدولة الاداري أصلا .

    و الموضوع مش موجهة ضد الناس الغلابة أو الفقيرة ......... لأن زي ما قلنا للمرة المليار أن التعليم الأساسي ........ يجب أن يظل مجاني .

    أهم العوامل لتعديل حال الناس و حال البلد ( تطوير يعني أجتماعي و حضاري و صناعي ) :
    1 ثبات المعدل السكاني ( أهم عامل بيأثر على بقية العوامل تأثير سلبي )
    2 تغيير النظام الاداري المصري . ( المركزية هاتنتهي - المرتبات هاترتفع - المحسوبية هاتنتهي - الوقت المهدر في المصالح الحكومية هايقل - تعيين من يستحق فقط بيعد عن كلمة أبناء العاملين و أقاربهم - .................. الخ )
    3 الغاء مجانية التعليم العالي و قصر المجانية على المتفوقين من الفقراء أو غيرهم .
    4 البدء في وضع أسس لنظام مصري متطور في جميع المجالات , العمل لذلك .

    يجب أن تكون مدخلات المعادلة مظبوطة ........ للحصول على مخرجات مظبوطة .


    -------------------------------------------------------------
    بالنسبة لتلميح القمر و الجامعة الأمريكية .
    حضرتك لو أخدت بالك أننا كنا بنتكلم عن طلوع الغرب للفضاء لذلك أنا ظنت أنك بتتكلم من هذا المنطلق .
    و مفيش أي مشكلة ......... بس كلامك مكنش واضح للتلميح ده .

    بالنسبة لخريجين الجامعات الأجنبية و منهم الأمريكية رجوعا لتلميحك .
    الخريجين دول هما اللي بيشتغلوا في الشركات الأجنبية المحترمة في مصر أو خارجها و بتكون مرتباتهم مرتبات محترمة .

    و الخريجين المصريين اللي متخرجين من الجامعات المصرية بمنهاجها العتيقة بيتشغلوا في الحكومة أو شركات قطاع الأعمال الفاشلة .
    و النتيجة تدخل مكتب بريد أو مصلحة حكومية أو شركة قطع عام للتعامل معاهم
    أولا قمة الأهمال ...... جهل ....... قلة أدب ........و زعيق و شخط و نطر .......

    أخرج من مكتب حكومي أو بنك حكومي .........

    و أدخل بنك خاص أو أجنبي بيتعامل بطريقة محترمة ( قوانينه أو أسلوبه أوروبي )
    تلاقي ناس تانية أكنك في بلد تانية .
    موظفين نظيفة ....... معاملتهم محترمة و بيديك كل الأهتمام ...... خدمة سريعة و منظمة ... مفيش غلطات ...... كل شئ بالكمبيوتر و الأتصالات الحديثة ..... الخ

    يعني من الأخر ....... تطلع من بنك حكومي تبقى عايز تولع في الموظفين .

    إنما البنك التاني ..... تبقى عايز تقعد جواه و متخرجش من جمال المعاملة و جمال الخدمة .

    أدي يا سيدي الفرق بين دول و دول .......

    و حتى الناس الخريجين من الجامعات المصرية اللي عندها طموح و قدرات مادية
    بيعملوا أيه ؟؟؟؟؟؟؟؟؟
    بيروح يأخد دورات مكثفة أجنبية علشان يقدر يشتغل في المكان اللي بيقدر يشتغل فيه بتاع الجامعة الأمريكية ....... فهمتني ؟؟؟؟

    لأنك بشهادتك بتاعة جامعة القاهرة أو جامعة جنوب الوادي ...... آخرك تشتغل في بنك حكومي أو مصلحة حكومية و بالواسطة كمان .

    إنما لو عايز تقب لفوق و تشتغل وظيفة عدلة و محترمة لازم يكون معاك شهادة محترمة و قدرات تعليمية محترمة .

    و ده مش بيحصل في التعليم العالي المصري .

    و زي ما قلنا ووضحنا مليون مرة قبل كدا .
    التعليم الأساسي حق لكل المواطنين - فقير و غني - بحري و قبلي - شرق و غرب
    إنما تعليم الجامعة هو اللي لازم يكون بفلوس و يقل العدد شوية في الجامعات علشان مينفعش مدرج في كلية يبقى قاعد أمام الدكتور
    1000 طالب ...................

    أنهي جامعة في العالم المتقدم اللي الفصل فيه ألف طالب ؟؟؟؟؟؟؟؟؟؟؟؟؟؟؟؟؟؟؟
    ده غير المناهج الحلبنتيشي ........ و الدكتور أصلا بيكون قرفان و متضايق من الزحمة و العدد الكبير و المنهج ضايع و النتيجة ........ خريجين بشهادة متعلقة على الحائط ..... و مفيش علم حقيقي في دماغهم ......


    و السلام عليكم .

    [img2]http://i59.tinypic.com/2vxpukz.jpg[/img2]


  6. #76

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    حاجة كمان من الحاجات المهمة اللي بتأثر في الناس الغلابة أو الفلاحين و أنا أتكلمت فيها مسبقا بس بدون تفاصيل .
    هاذكر تفاصيل بسيطة هنا .

    أكتر ناس بتشتكي في البلد من الفقر و التعاسة ........ و المعدومية هم من يعولون أسر كبيرة العدد ........ و أكثرهم في المناطق العشوائية ....... و الصعيد ....... و قرى الفلاحين في الدلتا .

    و لكن لو كل أسرة أكتفت بعدد معين يستطيعوا معه تربية و تعليم أولادهم سيكون طبعا أفضل كثيرا ....... و لكن ..............

    [img2]http://i59.tinypic.com/2vxpukz.jpg[/img2]


  7. #77

    الصورة الرمزية compuland

    رقم العضوية : 29338

    تاريخ التسجيل : 06Jan2009

    المشاركات : 526

    النوع : ذكر

    الاقامة : cairo

    السيارة: Gen2

    السيارة[2]: Daewoo

    الحالة : compuland غير متواجد حالياً

    افتراضي -

    اقتباس المشاركة الأصلية كتبت بواسطة tutankhamoun مشاهدة المشاركة
    أولا أنا مش مسئول من المسئولين علشان يكون في أيدي أي قرار ...... أنا هنا ببدي رأيي .

    بالنسبة للجامعات الخاصة المحترمة ....... موجودة
    الجامعة الأمريكية ...... الجامعة الكندية ..... الجامعة الألمانية ....... أو أي جامعة تحت أشراف أوروبي .

    مين اللي قال أن الناس هاتبيع عفش بيتها ؟؟؟؟؟؟
    ما أحنا و كررنا .......
    أن التعليم ألأساسي يجب أن يكون حق لكل مواطن لطمس الأمية و تعليم الجميع و تفتيح أمخاخهم .
    إنما التعليم الجامعي يكون مجاني فقط للمتفوقين ..
    اللي يستاهلوا .

    أما اللي معاه فلوس و عايز يكمل تعليم عالي ....
    هايدخل جامعة خاصة بشروط ......

    يعني يكون ينفع مثلا يكون دكتور أو مهندس أو محاسب .....
    يعني حتى قبل ما يدخل الجامعة الخاصة يتعمله أختبار قدرات ...... زي ما بيعملوا في الدول المتقدمة لأن الموضوع مش فلوس بس ..... زي جامعات مصر الخاصة .( التابعة للحكومة المصرية و المناهج المصرية ) .

    بالنسبة لطلاب الجامعة الأمريكية و ليه ماطلعوش القمر .....
    و هما هايطلعوا القمر بدراسة ادارة الأعمال ؟؟؟

    و حتى لوكانوا بيدرسوا فيزياء و كيمياء
    مفيش برنامج فضائي مصري علشان يشتغلوا فيه .


    دي منظومة يا أخي الفاضل .....
    تعليم ........ و ادارة حكومية و طموحات وطنية ,,,,, ووسائل للتنفيذ .

    العلم لوحده مش كفاية .. ..... الفلوس لوحدها مش كفاية ....... يعني يجب توافر كافة العوامل علشان المنظومة تشتغل .
    واحده واحده بقى هارد عليك

    اولا انت اه مش مسئول بص صوتك مهم
    ثانيا الجامعات الخاصة المحترمة كام جامعه ومصاريفها ايه
    لو انا كنت دخلت جامعه منهم كنا فعلا بعنا عفش البيت والبيت واللى ساكنين فى البيت
    وبقيت اخواتى يولعوا وعنهم ماتعلموا
    ثالثا الله اعلم لو القرار ده اتنفذ هيتنفذ ازاى وهيبقى مشواره وحوراته عامل ازاى
    ده على اساس ان مافيش حاجه فى البلد مفهاش حورات

    رابعا إنما التعليم الجامعي يكون مجاني فقط للمتفوقين
    تعرف منين بقى انهم متوفقين
    يعنى ناسس جايبه فى ثانويه عامه فوق ال 90% عشان تخش كليات قمه مجانيه زى طب وهندسه وصيدله
    دول مش متفوقين يعنى

    القرار الصح بقى اللى انتا قلته ان الطالب قبل ما يدخل اى كليه يتعمله أختبار قدرات
    عشان مايطلعش خرجيين فاشلين على حد تعبيرك


  8. #78

    الصورة الرمزية compuland

    رقم العضوية : 29338

    تاريخ التسجيل : 06Jan2009

    المشاركات : 526

    النوع : ذكر

    الاقامة : cairo

    السيارة: Gen2

    السيارة[2]: Daewoo

    الحالة : compuland غير متواجد حالياً

    افتراضي -

    اقتباس المشاركة الأصلية كتبت بواسطة tutankhamoun مشاهدة المشاركة
    حاجة كمان من الحاجات المهمة اللي بتأثر في الناس الغلابة أو الفلاحين و أنا أتكلمت فيها مسبقا بس بدون تفاصيل .
    هاذكر تفاصيل بسيطة هنا .

    أكتر ناس بتشتكي في البلد من الفقر و التعاسة ........ و المعدومية هم من يعولون أسر كبيرة العدد ........ و أكثرهم في المناطق العشوائية ....... و الصعيد ....... و قرى الفلاحين في الدلتا .

    و لكن لو كل أسرة أكتفت بعدد معين يستطيعوا معه تربية و تعليم أولادهم سيكون طبعا أفضل كثيرا ....... و لكن ..............
    هيه الناس اساسا عارفه تتجوز عشان تجييب عيال
    وحتى لو ده حصل
    لو اسره فيه اخين فى الجامعه
    مصاريف الجامعه فى السنه ساعتها هتكون مش اقل من 10 الاف ده لو كان فى رحمه يعنى
    يعنى مطلوب من الاسره ديه 20 الف فى السنه ده غير باقى المصاريف
    اكل ولبس ونفض لاى حاجه تانيه
    رب الاسرة ديه بيشتغل بكام فى الشهر؟؟؟؟


  9. #79

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    مناقشة الفكرة شئ ........و التفاصيل شئ آخر .

    الأساس أن التعليم الجامعي المجاني أثبت فشله ..... و يجب أن نتجه للتعليم اللي بفلوس علشان الجامعة تقدر تصرف على الطلبة و على أبحاثهم و على مدرسينهم .
    يعني ممكن الجامعات الحكومية تتحول واحدة واحد ة
    مش أول ما يلغوا المجانية يقولوا المصاريف 10 ألاف جنيه !!!!!!!!!


    يعني ممكن يتعمل خطة ( للآسف مفيش في مصر خطط من أي نوع ) ..... في تقليل أعتماد الجامعة على الدعم و اعتماد الجامعة على استضافة الالاف الطلبة سنويا .

    يعني في أول خمسة سنين يتشال 15 % من الدعم و يبدأ الطلبة تدفع جزء من مصاريف تعليمهم ..... و بعدين تكون دي أول دفعة تتخرج .
    و بعدين نشيل 15 % كمان ليكون مجموع ما تم تخفيضه من الدعم ليصل إلى 30 % و هكذا و في خلال مثلا 20 سنة يكون الدعم أتشال تماما أو حتى الحكومة تعمل دعم بنسبة 30 أو 40 % و الطلبة تدفع الباقي ........

    يعني مش لازم الكلام يتأخد قفش .

    بس لازم العدد يقل
    مينفعش الشعب كله يبقى خريج جامعات ........ و لا أيه ؟؟؟؟
    لأن في الوضع الحالي مش كل خريج جامعة يصلح أنه يكون معاه شهادة جامعية
    مثال :
    فيه ناس عندها مهارة في أستخدام الأيد ( العمل اليدوي ) أحسن من مائة واحد معاه شهادة
    طيب ليه منميش مهارة الراجل ده و أدخله مدرسة فنية و أستفيد بقدراته بدل ما أديله شهادة و أقعده على مكتب يعقد حياة خلق الله في مصلحة حكومية ؟؟؟؟؟؟؟؟؟؟؟؟؟؟

    مش ده اللي بتعمله الدول المتقدمة .............
    و مش ده اللي خلاهم متقدمين .............
    محدش هناك قعد يقول معدومي الدخل و الفقراء و الوجاهة الأجتماعية و شهادة علشان نعلقها على الحائط و الكلام ده ,,,,,,

    علشان كدا الناس دي بتعمل صواريخ و مكوك فضائي يطلع القمر .........
    و بيغزوا الفضاء .........

    و أحنا بنتهلك في المدارس علشان نأخد شهادة نعلقها على الحائط و علشان نتفاخر بيها لما نروح نتقدم لعروسة ............

    يا راجل .................. هو أنت شايف أن البلد حالها هاينصلح بشهادات الجامعة ؟؟؟؟؟؟؟؟؟؟؟؟
    فرنسا و بريطانيا و اليابان و أمريكا و كندا ............... الخ من الدول المتقدمة .
    عدد الخريجين من الجامعات قليل جدا ......... بس مفيد .
    هنا كتير ......... و ملوش لزمة ............................... العدد في الليمون .
    مشكلتنا أننا بنفكر بالعدد بس ........ يعني كل لما تكتر الناس كل لما الدنيا هاتبقى حلوة ..........
    و هنا بيفكروا بالعكس ........ كل لما الفرد يقدر يأدي وظيفته تمام .... كل لما الجتمع يتقدم و يكون قوي و متقدم و متحضر ........................

    و الأمثلة كتيرة
    فنلندا مثلا ....... عدد سكانهم 8 مليون نسمة فقط لا غير .......
    و لكن الناتج القومي الفنلندي السنوي هو 273 مليار دولار .
    و لكن الناتج القومي المصري هو 162 مليار دولار .

    بلد بحجم مصر ...................... و مساحة مصر و عدد سكانها و ناتجنا أقل من أصغر دولة أوروبية .

    يعني عايز فشل أكتر من كدا ...... و مش أحنا بس ............ العرب كلهم فاشلين .

    الدول العربية كلها مفيش فيها صناعة حقيقية و لا أبحاث علمية .
    علشان بنعتمد على أنظمة غلط ....... و عاطفيين زيادة عن اللزوم و فاسدين اداريين و الفساد مالي الدنيا .

    لو عايزين نقوم بالبلد دي ........ لازم نفكر تفكير عملي .........

    [img2]http://i59.tinypic.com/2vxpukz.jpg[/img2]


  10. #80

    الصورة الرمزية compuland

    رقم العضوية : 29338

    تاريخ التسجيل : 06Jan2009

    المشاركات : 526

    النوع : ذكر

    الاقامة : cairo

    السيارة: Gen2

    السيارة[2]: Daewoo

    الحالة : compuland غير متواجد حالياً

    افتراضي -

    hasad">

    ياتوت الموضوع مش عواطف ولا حاجه

    حضرتك قلت

    الأساس أن التعليم الجامعي المجاني أثبت فشله ..... و يجب أن نتجه للتعليم اللي بفلوس علشان الجامعة تقدر تصرف على الطلبة و على أبحاثهم و على مدرسينهم .

    امال الناس الناجحه اللى فى بلدنا وبره بلدنا دول طلعوا من اين

    احمد زيل على سبيل المثال خريج جامعه حكوميه
    ولما سألوه قالولو لو انت كنت فضلت فى مصر بعد التخرج كنت هتبقى احمد زويل
    رد وقال قطعا لأ

    المشكله مش فى مجانيه التعليم
    المشكله فى ما بعد التعليم
    تفتكر لو لغو مجانيه التعليم
    فلوس التعليم بقى هتروح على الطلبه وعلى ابحاثهم وعلى الفكر العلمى
    افلح ان صدق

    زى بردوا لما قالوا هنخصص المصانع والشركات والمؤسسات الفاشله عشان نخلص منها
    ونستثمر فلوسها فى المصانع والمؤسسات الناجحه

    وكانت النتيجه ان البلد كلها اتباعت
    وزادت نسبه البطاله
    والكهرباء غليت
    والمياه والغاز والتليفونات
    وكل حاجه كان عليها دعم اتشال

    ياترى حالنا دلوقتى احسن من عشر سنين فاتو



    انت بتقول
    بلد بحجم مصر ...................... و مساحة مصر و عدد سكانها و ناتجنا أقل من أصغر دولة أوروبية .
    اسال بقى مصادر الدخل ديه بتروح فين
    ومتقليش ان مجانيه التعليم واخده الجزء الكبير اللى ماثره فيه على ميزانيه الدوله

    وبعدين هاتلى قرار واحد اتعمل صح زى ماهما بيقولوا

    حضرتك بتتكلم على عدد السكان
    مافيش اكتر من الصين خير مثال
    شوف عددهم قد ايه وخلاص غزوا العالم باقتصادهم



 
صفحة 8 من 12 الأولىالأولى ... 3 4 5 6 7 8 9 10 11 12 الأخيرةالأخيرة

المواضيع المتشابهه

  1. مشاركات: 10
    آخر مشاركة: 15-09-2009, 08:48 AM
  2. إلي خبراء الـ Hr: التعليم عن بعد .....هل بيقيم زي التعليم العادي..
    بواسطة hero في المنتدى المنتــــــدى الاجتمــاعى
    مشاركات: 3
    آخر مشاركة: 29-07-2008, 03:19 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2