الموضوع: هل توافق على إلغاء مجانية التعليم ؟

مش لما يبقى في تعليم اصلا

طيب والناس الغلابة

المشاركة الأصلية كتبت بواسطة ahah

طيب والناس الغلابة

الموضوع ما فيهوش غلابة و مش غلابة

الموضوع ببساطة

ان الشاطر اللي يستحق (غلبان أو مش غلبان) ياخد منحة للدراسة علشان يفيد البلد دي

و اللي مش شاطر و عايز يبقى رائد فضاء حتى ...يتعلم بمقابل مادي يفيد البلد دي برضه و بعدها هو حر

انما مش معنى ان فيه واحد غلبان انه يبقى فرض على الدولة انها تخليه عالم ذرة لمجرد انه غلبان بدون النظر لقدراته

انت تقصد الغلبان ...الخايب ...

امال مين يبقى عامل في مصنع ؟

و مين يبقى سكريتير ؟

ومين يبقى عامل نظافة ؟

ومين يبقى محصل فواتير ؟

ليس هذا انتقاصا من قدر هذه الوظائف ابدا

ولكنها تحتاج فقط لقدرات ذهنية و دراسية محدودة وهي مناسبة لمن لا يستطيع (دراسيا وماديا) ان يلتحق بدراسة مؤهلة لمنصب او وظيفة قيادية .

مش عيب ولا غلط ولا عار انني اميز الناس من بعضها و اديها وظائف و "فرص" مناسبة لها

العيب اني احاول اخلي البلد كلها مهندسين مثلا ....مش هايبقوا مهندسين ...هايبقوا أشباه مهندسين ولا ينفعوا بشلن

المشاركة الأصلية كتبت بواسطة the_fox_arab

متهيألي كدة ان مينفعش نقول الغاء مجانية التعليم و نعمم المفهوم ... لكن ممكن نخلي التعليم درجات ... درجة اساسية لكل الناس و تكون مجانية و تخرج ناس صنايعية مهرة في تخصصاتهم و بدون حشو دماغهم بما لا طائل منه ... و درجة اغلى شوية مثلا لحد الثانوية العامة و تبقى شهادة منتهية ... و نوع اغلى كمان شوية و دة يبقى التعليم الجامعي و هو دة اللي المفروض ميكونش ببلاش ... لان التعليم العالي مكلف جدا و لازم كل اللي يدخله يكون قد المسئولية .. لكن للاسف تلاقي شاب طويل عريض داخل الجامعة عشان يصاحب بنات و يعمل شلة و يخرج كل يوم و ينسى التعليم اللي هو الهدف الاساسي و يسقط 5 -6 سنين و مش خاسس عليه حاجة مهو بيتعلم ببلاش ( طبعا ال500 - 600 جنيه اللي بيسموهم مصاريف دول ولا حاجة بالنسبة لمصاريف التعليم الجامعي في اي جامعة محترمة ) و مش مهم ان عدد خريجين الجامعة يقلوا شوية بس هيبقى مناخ التعليم افضل بالنسبة للجامعيين و في نفس الوقت مش هنضيع وقت الشباب النزيه اللي ملوش في التعليم و هيخلص تعليمه بدري و يتعلم صنعة تفيده و يعرف يصرف على نفسه و لو عايز يكمل تعليمه يكمله بفلوسه بس ساعتها هيبقى مهتم اكتر لانه دافع تمنه من عرقه و شقاه .... هذا رأيي و قد اكون مخطئا

تمام يا باشا
هو ده اللي بيحصل في الدول الأوروبية المتقدمة
و بالظبط زي اللي بيحصل في بريطانيا
التعليم مجاني لغاية الثانوي ....... و بعدين اللي عايز يكمل يتفضل يكمل من فلوسه .

مشكلتنا في مصر أن في حقبة عبد الناصر تم وضع بعض الأسس و القوانين اللي الناس أعتبرتها حق من الحقوق بعد ذلك .
زي التعليم المجاني المطلق ...... و لكن أنا مع ( مجاني لحد معين ) كما يجب أن يكون ثم بمصاريف حتى تحصل على خريج مناسب فاهم .
من الحقوق المكتسبة الأخرى ( و لكنها ليست بحقوق بل مخالفات جسيمة ) هو تعيين أبناء العاملين !!!!!!!!!!!!!
أليس من الممكن أن يكون هناك باحث عن وطيفة و هو الأكفئ لها و لكنه ليس من أبناء العاملين ........

الدعم المادي على السلع ......
ليه الناس ما تشتغلش و تدفع ثمن و مقابل لكل خدمة و سلعة مادية للحصول عليها .

طبعا الكلام ده مينفعش في يوم و ليلة .... لازم تهيئة المناخ العام لذلك أي لتعديل الأمور مرة أخرى في الأتجاه الصحيح بعيدا عن مزايدات الثورة و ما حدث بعدها من فواجع .
و التعليم جزء منها .