الموضوع: هل توافق على إلغاء مجانية التعليم ؟

المشاركة الأصلية كتبت بواسطة tutankhamoun

بعد كدا اللي عايز يكمل تعليم جامعي .......... يدفع من جيبه الشخصي و يتعلم و ساعتها هانحصل على خريجين فاهمين .

يعني مفيش دكتور مصري يقدر يشتغل في أوروبا بشهادة مصرية !!!!!!!!

هو يُعقل برضه أن كلية تجارة مثلا جامعة القاهرة لوحدها تخرج في السنة 40 ألف مُحاسب !!!!!!!!

و على رأي المثل
اللي متعبش في الفلوس بتروح منه .
و اللي متعبش في التعليم و دفع ثمنه ........ مش بيقدره ....

اولا معنى كلامك ياتوت
ان كل المعاهد والجامعات الخاصه اللى بتخرجوا منها بيقبوا فاهمين
طبعا لأ الاغلبيه العظمى منهم مش فاهمين اى حاجه
ويقلك انا بتعلم بفلوسى والكليه ديه بتاعه اهلى اعمل اللى انا عايزو


ثانيا المجتهد اللى اتخرج وسافر بره فعلا بيوصل
زى احمد زويل ومجدى يعقوب وغيرهم الالاف كتيررر
وكان ممكن يبقوا اكتر لو ظروف السفر سهله وكويسه

ثالثا الجامعه بتخرج كتير اه والبطاله كتير اه والحكومه مش هتعمل كل حاجه برضوا

بس تفرق كتير لما يكون واحد شغال اى حاجه ومعاه بكالوريوس
وبين واحد شغال اى حاجه ومش معاه اى شهاده

المشاركة الأصلية كتبت بواسطة ams

ده موضوع مهم جدا لان التعليم هو قاطرة التقدم
و أشكرك على طرحك الموضوع

تمام هو ده التعليم هو قاطرة التقدم
اللى هيحصل بقى انهم هيخلوا القاطرة ديه اكسبريس ومحدش من عامه الشعب يقدر يلحقه

المشاركة الأصلية كتبت بواسطة compuland

ازاى بقى
يعنى الفقير المجتهد هيتعلم ببلاش
هنعرف منين بقى انو مجتهد من كى جى وان ولا من امتى
والكوسه بقى تشتغل
وكل الطلبه هيطلعوا فشله
وهتلاقى امتحانات تعقد
ولو خصصنا نسبه لكل مدرسه تتعلم مجانى من الفقراء
هتلاقى المدارس كل سنه تقلل النسبه ديه
ونخش فى متاهات
لو هتطبق صح اوكيه
لكن الفتاوى هتكتر والافتكاسات هتكتر
ونوسع الفرق الطبقى اللى بين الناس
واضرار تانيه كتيرر احنا فى غنا عنها

واصلا يعنى معظم القادرين على مصاريف المدارس بيودوا اولادهم مدارس الانترناشونال ومدارس لغات

القرار الصح بقى
ان احنا ناخد من المدارس الانترناشونال اللى مصاريف جى كى وان فيها بتعدى ال 25 الف وندى المدارس المجانيه لرفع كفاءه التعليم

واهى فى الاخر كلها تتبع وزاره التربيه والتعليم

لحد هنا لا استطيع الاختلاف في هذه النقطة الا وهي الكوسة وهي السيئة الوحيدة التي تقلقني في حال تطبيق النظام

لكن الفكرة في حال تطبيقها بحذافيرها ناجحة و بجميع المقاييس في جميع الدول التي تطبقها بل و كانت ناجحة في مصر قبل نظام المجانية بعد الثورة مع فارق ان ماكان في مصر بمقابل مادي لجميع المراحل التعليمية واخرجت عباقرة كلهم من الفقراء نعرفهم جميعا وكانوا يأخذون تلك المجانية ويسعون اليها اما ابناء الباشاوات و البهوات فلم نسمع عنهم اسمعت انت؟؟

ولكن بما اننا متأخرين اساسا وحالنا يسر عدو ولايسر الحبيب فلما لا نجرب؟!!

وبعدين البنت ابنة ذلك الميكانيكي لولم تكن متفوقة ما شجع ذلك ابوها علي الاستمرار

وبالتالي عدم تفو قها يجعل تعليمها غير ذي جدوي لا علي مصر و لا علي نفسها عدا القو ل بأ ن معها بكاليوريوس وبالتالي هي ا لعاطفة المتحدثة مرة اخري لامنطق ولا ارادة ولا قدرة علي المنافسة

المشاركة الأصلية كتبت بواسطة ganaahony

ماش انا معاك في اللي انت قلته

المثال اللي حضرتك قلته واحده زي بنت الراجل ده ممكن بكل بساطه مجموعها ميكملش المجانيه يبقي احنا عملنا ايه

عملنا كل خير وفرنا مصا ريف تعليمها هي والالاف مثلها هتروح في الهوا لو لاتستحق

احنا ظلمناها اكيد ليه لان دلوقتي ممكن ابوها يتصرف ويعلمها وتطلع حاجه كويسه تنفع البلد واهلها لاكن في ظل القانون الجديد مستحيل ابوها يقدر


انما لو هي غير متفوقة و ابوها اتصرف و كملت تعليمها اصبحت عالة علي ابوها و علي المجتمع الذي انفق عليها ملا تستحق

وبعدين هي لو غير م تفوقة هتطلع كويسة ازاي انا مش عارف

يلا هي دي البطالة المقنعة سوق عمل توجه فيه الطاقات الي مكان غير صحيح

نحسب حسبه بسيطه كمثال كليه زي كليه الطب بتخرج 26000 دكتور سنويا هنقول انهم تقلصوا الي الف دكتور
فيهم 100 مائه تعليم مجاني وكده انا بكون حسن النيه مع الحكومه الذكيه دول ياتري بعد ما يخلصوا هيكفوا ايه ولا ايه


العدد الحالي لخريجي كلية الطب 12 الف تخيل وكده كثير العزاء الوحيد ان نسبة مهولة من هولاء بنات فمنهم من لا يعمل و منهم من يكتفي بوظيفة ادارية
فلما من البداية تزاحمين من يسعي لطلب العلم لانه ببلاش

لو اصبحوا 1000 زي ما حضرتك بتقول علي نظام الغاء المجانية هايمشي ازاي

كما تدار هذه التجربة بالخارج الجامعات اشبه بالشركات تبحث عن نسبة لاتتعدي ابدا الاغلبية من اجمالي عدد الطلاب وهولاء هم من يدفعون ليمولوا الفئة المستهدفة والتي يقام من اجلها المشروع و هم غيرالقادرين وبالتالي هذه النسبة ابدا التي تتكلم عنها غير موجودة مش زي الكليات الخاصة مثلا غير ان بعض القادرين قد يكون منهم بعض المبدعين فدعونا لا نغفل عن ذلك


علي العموم انا شبه مقتنع بالإلغاء حاليا بسبب الاراء المقنعه الموجوده بس انا قلقان علي الغلبان اللي ممكن بسبب الكلام ده يبات عيان وكمان عريان
ورجاء اخوي محدش يقولي دي عاطفه احنا مسلمين واهم حاجه في المسلم الاحساس بأخيه المسلم والمسيحي واليهودي كمان لو وجد

العاطفة لا مجال لها بالتعلم والعمل نريد انتاجا غزيرا في كافة المجالات

صاحب الشركة يبحث عن الموظف الكفء لا العكس و المريض يبحث عن الطبيب الكفء ولا هنختار بالعواطف ؟!!!

المشاركة الأصلية كتبت بواسطة compuland

ياجماعه واللهى انا حزين على حال البلد ديه
ومش عارف ايه حكايتنا بالضبط
كل شويه تتطلع افتكاسه مش عارف منين
يجرى الرأى لعام وراها
واول لما الموضوع يسخن
تبص تلاقى الاعلام وجهنا لحاجه تانيه خالص
كفايه بس يجبوا مرة فى النشرة اى فديو لاى حاجه بتحصل فى فلسطين ولا اى حاجه تشد الناس وخلاص
عشان يهدوا الراى العام
وبعدين تلاقى اللى حصل حصل

زى الساحر بالضبط يشد انتباهك لحاجه وهو بيعمل حاجه تانيه

احنا هتلاقيها من اين ولا منين


طيب بلاش بقى كل الكلام اللى اتقال ده
واحد ابن حلال كده
يحسب معايا لو عندوا عيل واحد بس
هيصرف عليه كام مصاريف مدارس وجامعات لحد لما يتخرج؟؟؟؟
ولما يتخرج بقى هيتشغل بكاااااااااام

والله انا هاعيط خلاص من كتر الحزن اللى انا فيه

رد سيادتك يعكس بالضبط الواقع الفاشل و المر الذي نتحدث عن تغييره و المعارضة تكون بلغة عاطفية من نوع و الغلابة

وهم حالهم دلوقت حلو ؟!!

الناس اتقدمت بمثل هذه الانظمة يعني النجاح مضمون

لو فشلت التجربة يبقي العيب فينا مش في النظام