ازاى تحافظ على عربيتك الزيرو من الحوادث والخبط
يا جماعة انا جه فى بالى اعمل موضوع من واقع خبرتى طبعا ( ال يعنى خبير) :36_1_2[1]:
اننا ازاى نحافظ على العربية بتاعتنا من الخبط والحك وغيرو ..وعلى فكرة الحجات اللى هقولها مهمة جدا فعلا ولما التزمت بيها تجنبت كل سوء الحمد لله
اولا:
تركن العربية فى مكان أمن وبعيد عن النواصى والملفات (يعنى لو فى مكان قريب تحت بيتك ومش أمن نفضله واركن بعيد فى مكان كويس ومريح)...ولو ركنت تحضن العربية جامد وتقفل المرايات الجانبيه
ثانيا:
تغطى العربية كل يوم..لان بجد صدقونى الغطاء بيحميها من التجريح والخرابيش مع الوقت
ثالثا:
اى حد يركب معاك العربية ويقولك كويسة وحلوة..على طول..صورة الحسد فى مخك...
رابعا:
متركبش نسوان مش تمام (مش عارف اقول اية) فى العربية وتخرج معاهم:36_1_1[1]::36_1_1[1]:...الموضوع دة خراااااااااااااب مستعجل...ياما تتقلب لاقدر الله ياما حادثة محترمة..
خامسا:
ابعد عن تناول المكيفات فى العربية...وطبعا الكل فاهم يا شباب عشان ربنا يباركلنا....وحاول متشربش سجاير جوة العربية لان احيانا الطافية بطير على الفرش...انا مرة الطافية كلها وقعت وعملت خورم فى الموكيت لما كنت هتجنن..ايام مكنت بتدخن لكن دلوقتى الحمد لله
سادسا:
اول ما تدخل العربية قول اى اية قرأنية...او سبحان الذى سخر لنا هذا ...او بسم الله الرحمن الرحيم..
عشان ربنا يباركلك فى المشوار...
يمكن الموضوع متكرر كتير ولكن انا حبيت افكر الناس
اى حاجة عايز اى عضو يضيفها يتفضل طبعا...وأدينا بنفيد بعض...
شكرا...
