حد شاف اعلان الصبار؟

**أبو صلاح** · 06-07-2009 02:09 PM

يا جماعة انا قلتها قبل كده
دي عالم نصابة
منتجات مضروبة
ده لو منتج معروف كويس مكانش محتاج دعاية
دي كلها مكاشب شركات دعايا وشركات أدوية تعبانة
فينك يارقابة

**النوبي** · 06-07-2009 02:17 PM

انت مش شايف ان المكان ده مش المناسب لمناقشة موضوع زي ده

انت عارف فيه اخوات فضليات معانا هنا في المنتدى

**Terrible_DaRsH** · 06-07-2009 02:23 PM

المشاركة الأصلية كتبت بواسطة ganaahony

انت مش شايف ان المكان ده مش المناسب لمناقشة موضوع زي ده

انت عارف فيه اخوات فضليات معانا هنا في المنتدى

محدش دعاهم للمناقشة يا فندم .

كمان مش هما كمان بيشوفوا الاعلانات دى , و اكيد بيصابوا بالاشمئزاز زينا برده !

**أحمد كمال** · 06-07-2009 02:23 PM

اعلان قذر و سافل و برضه انا من رأيي مش المكان المناسب لمناقشة الموضوع عشان الاخوات

**Lion_Heart** · 06-07-2009 02:54 PM

المشاركة الأصلية كتبت بواسطة ganaahony

انت مش شايف ان المكان ده مش المناسب لمناقشة موضوع زي ده

انت عارف فيه اخوات فضليات معانا هنا في المنتدى

المشاركة الأصلية كتبت بواسطة ak1981

اعلان قذر و سافل و برضه انا من رأيي مش المكان المناسب لمناقشة الموضوع عشان الاخوات

وانا كمان نفس التعليق و تقريبا فى كمان موضوع مشابه لهذا الموضوع .

**أبو صلاح** · 06-07-2009 02:55 PM

المشاركة الأصلية كتبت بواسطة mohamedfawzyhassan

الموضوع مش موضوع منتجات مضروبه خالص

الشركات دى بتعمل الأعلانات السافله دى و بينافسوا بعض خصوصا بعد ما مده ال Patent بتاعه الفياجرا خلصت و بقى من حق اى شركه ادويه تستورد نفس الماده الخام و تصنعها و تبيعها تحت مسميات اخرى كل ده مفيهوش مشكله

المشكله فى مدى التنافس فى السفاله !!!

لما كانت فياجرا بتعمل اعلانات كانت رمزيه و مفيهاش اى ايحائات فاضحه عكس اعلانات المنتجات المصريه اللى كلها قلت ادب صريحه

طيب ما تيجي نناقش الموضوع من وجهة نظر المستهلك
على افتراض ان الفياجرا ب 50 ج
والمنتج الغريب ده ب 20 ج
هتجيب ايه؟
طبعا كيد المستهلك الفاهم العاقل هيجيب الفياجرا لان وراها شركة فايزر القوية
لكن اللي هيجنني من هيجيب منتجات عم عبده دي؟

**Mohamed.Fawzy** · 06-07-2009 03:11 PM

المشاركة الأصلية كتبت بواسطة أبو صلاح

طيب ما تيجي نناقش الموضوع من وجهة نظر المستهلك
على افتراض ان الفياجرا ب 50 ج
والمنتج الغريب ده ب 20 ج
هتجيب ايه؟
طبعا كيد المستهلك الفاهم العاقل هيجيب الفياجرا لان وراها شركة فايزر القوية
لكن اللي هيجنني من هيجيب منتجات عم عبده دي؟

الماده الخام هيا هيا

هوا حضرتك مقرتش ردى ولا ايه ؟؟؟

مقلت لحضرتك ان فتره ال patent بتاعه الفيجرا خلصت و بقى اى حد ممكن يصنع الماده الخام او يستوردها و يصنع الدواء بشرط ان يكون بأسم اخر غير الأسم الأصلى

و كل الشركات فى مصر بتستورد المواد الخام مش بتصنعها و 90 % من هذه المواد الخام بتيجى من دول شرق اسيا بأسعار اقل من الدول الأوروبيه

وده مش معناه انها وحشه او مفيهاش مواد فعاله بالعكس هيا هيا نفس الماده و بتركيز اكبر كمان و بسعر اقل بكتير لرخص الأيدى العامله فى هذه الدول

عرفت فرق السعر جاى منين !!!!

ده لا يمنع ان فى مواد خام اخرى لازم تيجى من اوروبا او الدول صاحبه براءه الأختراع للدواء وده بيبقى بسبب

- اما فتره الحمايه بتاعته مخلصتش و هيا تقريبا فى الأدويه بتبقى حوالى 10 سنين
- و اما الماده الخام ليها تكنولوجيا معينه لسه متوصلولهاش فى دول شرق اسيا

الكلام ده من دكاتره و صيدلانيين اصدقائى

يعنى مفيش حاجه فى الأدويه اسمها منتجات عم عبده ده دواء يعنى ممكن لا قدر الله يؤدى بحياه انسان

أى دواء بيطلع لازم ياخد موافقه من وزاره الصحه برقم معين و بعد عمل التحاليل و الفحوصات على المواد الفعاله و كل الأدويه اللى احنا بنتكلم عليها دى واخده موافقات

انتا عارف هيا عامله زى ايه ؟؟

ببساطه كده لو اشتريت مثلا تلفزيون سونى يابانى اكيد هيكون اغلى من السونى الأندونيسى طبعا مش كده !! مع ان الأثنين سونى ونفس الموديل

ارجو ان تكون الصوره وضحت

**jisso82** · 06-07-2009 04:54 PM

أنا رأيى يا جماعة إنكم ابتديتوا تطلعوا بره الموضوع خالص و بعدين بدل ما المناقشة كانت على إسفاف و قباحة الإعلان اللى أنا ما شفتوش أصلا و إيحاءاته بقى الكلام على المادة الفعالة و فعالية الدواء و رخصه و غلاه
ركزوا يا جماعة شوية ده حتى المناقشة لما مسارها اتغير بقت محرجة أكتر من الإعلان