ياتري في حد معانا في المنتدي مهندس كهرباء قوي؟؟؟

السلام عليكم
بداية احب اعرفكم بنفسي انا اسمي مينا
طالب في كلية الهندسة قسم كهرباء قوي والات كهربية والحمد لله ناقشت مشروع التخرج بتاعي امبارح وعرفنا الدرجات من الدكتور والحمد لله الجروب بتاعنا كله جاب امتياز وحاليا انا في انتظار النتيجة
وكنت عايز ابتدي كورسات خاصة بالكنترول وال plc بس انا محتار بين شركتين هما
jelecom ودي اللي جامعة عين شمس متعاقدة معاها
و
seimens ودي اللي جامعة القاهرة متعاقدة معاها
بس انا ميال ل jelecom اكتر لان جامعة عين شمس قريبة اوي من البيت
لكن في نفس الوقت مش عارف هل seimens افضل من jelecom وللا ايه ؟؟؟
فياتري الاخوة المهندسين في المنتدي ايه رأيهم ؟؟؟؟؟
وياريت لو حد عنده نمرة seimens يديهالي
وشكرا

اقتباس:

---

المشاركة الأصلية كتبت بواسطة mina87

السلام عليكم
بداية احب اعرفكم بنفسي انا اسمي مينا
طالب في كلية الهندسة قسم كهرباء قوي والات كهربية والحمد لله ناقشت مشروع التخرج بتاعي امبارح وعرفنا الدرجات من الدكتور والحمد لله الجروب بتاعنا كله جاب امتياز وحاليا انا في انتظار النتيجة
وكنت عايز ابتدي كورسات خاصة بالكنترول وال plc بس انا محتار بين شركتين هما
jelecom ودي اللي جامعة عين شمس متعاقدة معاها
و
seimens ودي اللي جامعة القاهرة متعاقدة معاها
بس انا ميال ل jelecom اكتر لان جامعة عين شمس قريبة اوي من البيت
لكن في نفس الوقت مش عارف هل seimens افضل من jelecom وللا ايه ؟؟؟
فياتري الاخوة المهندسين في المنتدي ايه رأيهم ؟؟؟؟؟
وياريت لو حد عنده نمرة seimens يديهالي
وشكرا

---

انصحك بالتدرب في seimens. شركة jelecom دي شركة متواضعة جدا مقرها شقة متواضعة في جسر السويس وهي توكيل Panasonic للصيانة. الفرق بينها وبين seimens كبير جداً.

انا ميكانيكا ولست كهرباء لكن حياتى كلها قضيتها فى الكونترول وال PLC واقدر اقول لك ببساطة سيمنز بدون تفكير
سيمنز-مع العلم انى مش بشتغل فى ماركة سيمنز- هو الهيونداى بتاع الPLc ، يعنى اللى هو موجود فى كل مصنع وكل فندق وكل بير سلم وكل فرن بوية فى مصر، اى حد بيفكر يشترى PLC بيكون تفكيره الأولانى هو سيمنز وبالتالى الناس اللى بتبرمج سيمنز شغلها زى النار فى مصر
لكن جيليكوم مش معروفين، ماركات الPLC اللى ليها جو فى مصر هى سيمنز وشنايدر وآلان برادلى و جى اى فانوك وايه بى بى ، مع وجود ضعيف للماركات الأسيوية مثل ميستوبيشى وهيتاشى وتوشيبا وال جى

لذلك انا شايف ان تدربك على سيمنز هيفتح لك مجالات اوسع للعمل

متشكر جدا علي الاهتمام وسرعة الرد وانا لقيت نمرة سيمنس وحاكلمهم واعرف مواعيد الكورسات وربنا يسهل
شكرا مرة تانية

تسلم يا أخ سبعاوي أنا كنت حقو له كلامك

السلام عليكم انا يا باشا مهندس كهرباء قوى وتحكم والات كهربية ومن واقع الخبرة العملية سيمنس تتفوق بشدة وتتميز في التحكم و ال plc ومنتجاتها عالية الجودة كما ان plc الخاص بها ممتاز جدا وانا شغال بيه في الشغل الخاص بيه (مصنع لانتاج الاسمنت التابع للمجموعة الايطالية ) والمجموعة مؤلفة من 5 مصانع مختلفة موزعة في انحاء الجمهورية ومعظمها يتعامل بهذا البي ايل سي ده سواء ل master plc او لتشغيل drive DC او بانل معينة فخلييك في سيمنس افضل

معلش يا جماعة انا عارف اني كترت الاسئلة بس دلوقتي انا قدرت اتصل بسيمنس وعرفت منهم انهم بيدوا كورس plc فقط ومابيدوش كونترول والكورس مدته اسبوع واحد وتمنه 2500 جنيه فدلوقتي بالنسبة للكنترول اخدها فين في jelecom؟؟؟؟
وللا أشيلها من حساباتي خالص
ومتهيألي معهد السليزيان في روض الفرج بيدي الكورسات دي
يا تري اروح فين ؟؟؟؟؟؟ ولو في مكان تالت كويس ياريت حد يعرفني
وشكرا مقدما

م/ مينا

الف مبروك مفدما علي التخرج

بالنسبة لكورسات الكونترول طبعا شركة زي سيمنس او ايه بي بي او الان براديلي دي شركات عالمية و هي الليدر في مجال الكنترول في العالم و طبعا لو اخدت فيها كورس و شهادة معتمدة منهم بتبقي ليها قيمتها في السيرة الذاتية بتاعتك و بتفتح لك مجالات كتير ه في فرص العمل
بالنسبة لمعهد السيليزيان انا بصراحة سمعت كتير عنه ناس كتير شكرت فيه بس انا مجربتوش عشان افيدك فيه

بس انا جبت لك لينك للسايت بتاع ABB Egypt Universty و دي بتعمل كورسات تدريبية كتير و مصر من ضمن مراكز ABB المعتمدة دوليا في التدريب و فيها كل الإمكانيات اللي ممكن تتخيلها و اظن انها الوحيدة في مصر اللي بالشكل دا
و فيه هناك م/ كريم زغلول هو المسؤول عن المركز دا و دا راجل محترم و هتلاقي اللينك بتاع الكونتاكت معاه في السايت بتاع المركز
http://www.abb.com/abbuniversity

و بردك انا اعرف شركة اسمها اوتوتك automation Technology و دي شركة خاصة بمهندس اسمه هاني حافظ راجل محترم جدا جدا و بيشتغل system integrator لـــ SIEMENS لو انت حابب تاخد كورسات في سيمنس بنفس جودة سيمنس و بتكلفة اقل و دا اللينك بتاعها
http://www.autotec-eg.com/
بس طبعا لو انت عندك المقدرة الماليه اللي بيها تقدر تاخد كورسات في شركة زي ABB , SIEMENS, ALLAN BRADELY يبقي كويس جدا و هتلاقي فرص شغل كتيره ان شاء الله و ممكن تبقي في شركة من الشركات دي نفسها

و ربنا يوفقك في حياتك العملية

اقتباس:

---

المشاركة الأصلية كتبت بواسطة mostafabakry

م/ مينا

الف مبروك مفدما علي التخرج

بالنسبة لكورسات الكونترول طبعا شركة زي سيمنس او ايه بي بي او الان براديلي دي شركات عالمية و هي الليدر في مجال الكنترول في العالم و طبعا لو اخدت فيها كورس و شهادة معتمدة منهم بتبقي ليها قيمتها في السيرة الذاتية بتاعتك و بتفتح لك مجالات كتير ه في فرص العمل
بالنسبة لمعهد السيليزيان انا بصراحة سمعت كتير عنه ناس كتير شكرت فيه بس انا مجربتوش عشان افيدك فيه

بس انا جبت لك لينك للسايت بتاع abb egypt universty و دي بتعمل كورسات تدريبية كتير و مصر من ضمن مراكز abb المعتمدة دوليا في التدريب و فيها كل الإمكانيات اللي ممكن تتخيلها و اظن انها الوحيدة في مصر اللي بالشكل دا
و فيه هناك م/ كريم زغلول هو المسؤول عن المركز دا و دا راجل محترم و هتلاقي اللينك بتاع الكونتاكت معاه في السايت بتاع المركز
http://www.abb.com/abbuniversity

و بردك انا اعرف شركة اسمها اوتوتك automation technology و دي شركة خاصة بمهندس اسمه هاني حافظ راجل محترم جدا جدا و بيشتغل system integrator لـــ siemens لو انت حابب تاخد كورسات في سيمنس بنفس جودة سيمنس و بتكلفة اقل و دا اللينك بتاعها
http://www.autotec-eg.com/
بس طبعا لو انت عندك المقدرة الماليه اللي بيها تقدر تاخد كورسات في شركة زي abb , siemens, allan bradely يبقي كويس جدا و هتلاقي فرص شغل كتيره ان شاء الله و ممكن تبقي في شركة من الشركات دي نفسها

و ربنا يوفقك في حياتك العملية

---

الله يبارك في في حضرتك يا باشمهندس انا ان شاء الله حاكلم abb بكره الصبح واشوف ايه نظامهم لاني لقيتهم قافلين من بعد الساعة 5
والف شكر علي اهتمامك