ما السبب في تقل دواسة الدبرياج؟

**أبو_يوسف** · 06-07-2009 02:21 PM

السلام عليكم ورحمة الله وبركاته
السيارة: سيراتو 2006
تم تغيير طقم الدبرياج من حوالي 9 اشهر بس مش أصلي .. نوعه فاليو Valeo
المشكلة ان دواسة الدبرياج بقيت احس بيها تقيلة زيادة وكمان فيها بوش حوالي 1 أو 2 سم
ولما ارفع رجلي من على الدواسة ممكن الدواسة ترد البوش دا بعد مارفع رجلي بثانية
علما بأن الدبرياج على ماستر مش سلك..
واوقات كتير بيكون فيه تقل وعصلجة في نقلات الفتيس
ولو تكرمتم لو أحد يعرف ميكانيكي كويس قريب من مدينة نصر او مصر الجديدة يدلني عليه
افيدوني وجزاكم الله خيرا

**mohamed farouk abo ala** · 06-07-2009 03:01 PM

شوف حضرتك الموضوع دة حصل فى العربية بتاعتى بظبط أشتريت طقم دبرياج من نوع valeo وركبتة وبعديها بحوالى شهر رجع موضوع ثقل دواسة الدبرياج (عربية أكسيل) رحت لأاكتر من ميكانيكى قاللولى سللك الدبرياج . جبت سللك ألاصلى وبردو مافيش فايدة المهم الميكانيكى قالى طالما السللك أنتا مغيرة بالأصلى ولسة التقل موجود يبقى الطقم فية حاجة (مع العلم أنى عندى
سنة بوش فى الدواسة )المهم فكيت الطقم من تانى عند الميكانيكى المهم لقى البلية مبوشة والدسك بايظ المهم قالى الطقم دة مش الاصلى بتاع العربية . المهم رحيت جبت الطقم الأصلى من توكيل (هو غالى بس الموطر) وركبت لقيت الحمد الله الدبرياج أخف بكتتر وهو راكب عندى بقالة حواللى 5 شهور والحمد الله وطبعا سحب بقى ممتاز

فنصيحة لحضرتك لو العيب من طقم الدبرياج حاول تجيب الطقم الأصلى بتاعها

**أبو_يوسف** · 06-07-2009 04:41 PM

نسيت أقول كمان ان عندي رعشة في دواسة البنزين ودواسة الدبرياج ..
فعلا عندي شك جامد في موضوع الطقم دا..
مش هوصناعته صيني برضه ؟
مفيش أفضل من الأصلي..

**ads** · 07-07-2009 10:50 AM

المشاركة الأصلية كتبت بواسطة timtim

السلام عليكم ورحمة الله وبركاته
السيارة: سيراتو 2006
تم تغيير طقم الدبرياج من حوالي 9 اشهر بس مش أصلي .. نوعه فاليو valeo
المشكلة ان دواسة الدبرياج بقيت احس بيها تقيلة زيادة وكمان فيها بوش حوالي 1 أو 2 سم
ولما ارفع رجلي من على الدواسة ممكن الدواسة ترد البوش دا بعد مارفع رجلي بثانية
علما بأن الدبرياج على ماستر مش سلك..
واوقات كتير بيكون فيه تقل وعصلجة في نقلات الفتيس
ولو تكرمتم لو أحد يعرف ميكانيكي كويس قريب من مدينة نصر او مصر الجديدة يدلني عليه
افيدوني وجزاكم الله خيرا

هات الاصلى اغلى شويه بس هتنسى الموضوع ده فتره طويله والمفروض ان طقم الدبرياش يعمل حوالى 70 الف كيلو

وياريت حضرتك تقولى عن اطباعك عن العربيه لان بفكر اشترى وحده مستعمله فياريت تقول على الحاجات الى مريحاك فيها والحاجات الى مش عجباك وخاصة من ناحية اداء الماتور والعفشه والتكيف والبنزين وشكراً ليك

**Ashraf_Ashraf** · 07-07-2009 11:07 AM

ياجماعه والله 99% من طقم الدبرياج الفاليو مضروب زى كل قطع الغيار اللى فى البلد ولا حد بيسال
انا غيرت طقم فاليو كامل بعد اسبوعين من تركيبه بسبب تقله وصعوبه شديده فى النقلات
لو تروح للتوكيل هيكون انسب حتى لو غالى من الشراء من بره
ويارب ترحمنا من التجار الغشاشين

**أبو_يوسف** · 07-07-2009 11:36 AM

المشاركة الأصلية كتبت بواسطة ads

هات الاصلى اغلى شويه بس هتنسى الموضوع ده فتره طويله والمفروض ان طقم الدبرياش يعمل حوالى 70 الف كيلو
وياريت حضرتك تقولى عن اطباعك عن العربيه لان بفكر اشترى وحده مستعمله فياريت تقول على الحاجات الى مريحاك فيها والحاجات الى مش عجباك وخاصة من ناحية اداء الماتور والعفشه والتكيف والبنزين وشكراً ليك

دا على كدا المضروب في الحقيقة هو اللي أغلى.. لأن الواحد على مايستهلك واحد اصلي يكون استهلك 3 مضروب

بالنسبة للعربية .. ماشاء الله جميلة..
من حيث اداء الموتور اللي انا ملاحظه بس ان صوت الموتور بيعلى لما ال rpm يوصل ل 4 - في ناس تحب صوت الموتور العالي.. انا محبش كدا - مع ان عندي بطانة في الكبوت
والعفشة متماسكة والتكييف ماشاء الله قوي .. ومفيش حاجة في دماغي دلوقتي حاسس انها مضايقاني غير موضوع الدبرياج وتقل الفتيس دا.. بس في اوقات ماكان الفتيس متظبط تحس ان العربية ناعمة جدا
والعربية من الداخل شيك وجميلة واللون البيج مع فرش الكراسي البيج مخليها مبهجة :)
والمفروض اعمل صيانة 60 ألف اللي بترجع العربية شباب :)
السيراتو عموما حلوة بس في المستعمل بتبقى كل عربية بظروفها الخاصة.. ياريتك تهتم انك تاخد عربية صاحبها كان مواظب على الصيانات في التوكيل ..
وعلى فكرة كان معايا قبلها نوبيرا 2006 زيرو ولذلك بحس ان شنطة السيراتو صغيرة شوية..

**ads** · 07-07-2009 12:41 PM

المشاركة الأصلية كتبت بواسطة timtim

دا على كدا المضروب في الحقيقة هو اللي أغلى.. لأن الواحد على مايستهلك واحد اصلي يكون استهلك 3 مضروب

بالنسبة للعربية .. ماشاء الله جميلة..
من حيث اداء الموتور اللي انا ملاحظه بس ان صوت الموتور بيعلى لما ال rpm يوصل ل 4 - في ناس تحب صوت الموتور العالي.. انا محبش كدا - مع ان عندي بطانة في الكبوت
والعفشة متماسكة والتكييف ماشاء الله قوي .. ومفيش حاجة في دماغي دلوقتي حاسس انها مضايقاني غير موضوع الدبرياج وتقل الفتيس دا.. بس في اوقات ماكان الفتيس متظبط تحس ان العربية ناعمة جدا
والعربية من الداخل شيك وجميلة واللون البيج مع فرش الكراسي البيج مخليها مبهجة :)
والمفروض اعمل صيانة 60 ألف اللي بترجع العربية شباب :)
السيراتو عموما حلوة بس في المستعمل بتبقى كل عربية بظروفها الخاصة.. ياريتك تهتم انك تاخد عربية صاحبها كان مواظب على الصيانات في التوكيل ..
وعلى فكرة كان معايا قبلها نوبيرا 2006 زيرو ولذلك بحس ان شنطة السيراتو صغيرة شوية..

انا برده كان معايا نوبيرا اوروبى وبعنها طب ماتعرفش رينج الاسعار ايه بتاعت السيراتو الى حاتها نضيفه وهل فى اختلاافات بين المويلات يعنى 2005 فى اختلاف عن 2006 او 2007 ولا كل الموديلات من اول 2005 الى 2008 واحد وهل انتا جبت عربيتك زيرو ولا مستعمله