عمرك حبيت الرادار ....انا حبيته بقى

دايما الرادار هو مثال اصيل على القنص و الصيد

و تحس ان انت في المنطقة اللي فيها رادار زي الغزال الشارد اللي مستنى طلقه

و دي تجربة مع الرادار ...بس مش زي التجارب العادية

في رحلة العودة من مرسى مطروح ...

و بعد الخروج من المدينة ببتاع 20 كم تقريبا كنت بعربيتي وعربية والدة زوجتي و اخواتها ...

المهم في وسط اللا شيء انفجر اطار سيارت عائلة زوجتى ...

نزلت كالهمام لتغيير الاستبن ...و طالع هو كمان نايم وبيشخر ...و بعدين ؟؟؟؟

ما ينفعش اسيبهم في الصحرا كده و اروح اعمله ...

بابص كده وكده لاقيت على مرمى البصر حبيبنا المتداري جوا شجرة

الرادار و الشخص العامل عليه

قلت ما بدهاش ...و روحتله بالعربية

- السلام عليكم

- وعليكم السلام اتفضل تحت أمرك (شايفين الحلاوة)

- انا فلان و معايا اسرتي و حكيتله الموقف ...ممكن اروح فين قريب اعمل الفردة دي ؟

- حضرتك تتفضل على راس الحكمة قدام 15 كم ..و انا من هنا هاراقب اهلك و معايا الجهاز و اطمئن هما في جمايتنا و الكمين قريب مننا

جاتلي حالة من الفرح العميــــــــــــــــق لسماع الكلمتين دول (في حمايتنا) اول مرة احس ان وجودى جنب الكمين يوفر لأهلى الحماية

المهم

روحت غيرت الكاوتش و نفخت الاستبن في رأس الحكمة و غيبت 20 دقيقة تقريبا

ورجعت لأجد ما يسر ...

الونش واقف جنبهم و مشغل السارينة على الهادي كده

ووصلت و عرض عليا المساعدة و شكرته جدا جدا من قلبي

و عرفت من اهل زوجتي ان في عربيات وقفت تساعدهم كتيره فالراجل تقريبا قلق غليهم و طلب الونش من الكمين يقف جنبهم ...



تحية لشرطة مرسى مطروح و محافظ مرسى مطروح النشيط جدا

و معزة خاصة للرجل الشهم الذي لا أعرفه


الرادار

راجل محترم وكمين محترم وناس محترمين

فعلا دى حاجه جميله تتحب وهو دا دور الناس دى بس للأسف أحيانا بيكون غايب بس طبعا الحاله دى وكل من شارك فيها من أفراد الأمن يستاهل التقدير والشكر يارب كلهم يبقو كدا وعلى فكره انا عارف ان كلامى هينقض بس فعلا فيه منهم كتير قوى ناس محترمه وشايفه شغلها على أكمل وجه بس احنا اللى مش حاسين بيها ومش شايفنها لأن مبدأ الحسنه تخص والسيئه تعم هو اللى سائد وحمد الله على سلامتك وسلامه أهلك يأحمد الحته اللى انت كنت واقف فيها دى مقلقه جدا لأن فيها أعراب من اللى هما بيهربو السيجاره البنى على رأى محمود الحسينى
هههههههههههه وكان نفسى تفضل هناك ياراجل كنت أقابلك طبعا مطروح فى غايا الجمال

الحمد لله على السلامة
صدق امير الشعراء شوقي حين قال :
ومن السموم الناقعات دواء

مش قادر اصدق :_Alshmokh11: من الفرحه :_Alshmokh11:
لسه في ناس محترمين :_Alshmokh11: :_Alshmokh11: :_Alshmokh11: :_Alshmokh11:

اقتباس:

---

المشاركة الأصلية كتبت بواسطة aif

الحمد لله على السلامة
صدق امير الشعراء شوقي حين قال :
ومن السموم الناقعات دواء

---

أ أحمد وحشنى والله مش باين اليومين دول شكلك شربت من الميه بتاعت يوم المقابله
ههههههههههههههههههه

ربنا يعزك ويكرمك
انا موجود .... بس الصيف كله كسل بقى .... انشاء الله نتقابل المرات القادمة ..... بس صاحب الموضوع ده لازم يكون موجود .... ده شرط اساسي :colsmil:

يا رب كتر من الناس المحترمة دى عشان سمعة البلد تتغير شوية

حمدالله على سلامتك والحمدلله اخيرا لقينا فايدة للرادار

انا كمان بموت فى الرادار اللى على المحور...... بيخلى الناس تمشى زى الالف...... كله فى حارته على سرعة الطريق و ماشى سلانسيه فى اللذيذ وقليلا ما تجد من يمرق بجوارك مثل السهم كما يحدث على باقى الطرق........ عزيزى رادار المحور: بحبك و بموت فيك كمان......

اقتباس:

---

المشاركة الأصلية كتبت بواسطة mahora

انا كمان بموت فى الرادار اللى على المحور...... بيخلى الناس تمشى زى الالف...... كله فى حارته على سرعة الطريق و ماشى سلانسيه فى اللذيذ وقليلا ما تجد من يمرق بجوارك مثل السهم كما يحدث على باقى الطرق........ عزيزى رادار المحور: بحبك و بموت فيك كمان......

---

معاك حق والله هههههههههههههههههههههههه حلوه زى الألف دى تعرف انا يوم الجمعه كنت راجع من أسكندريه وكنت بجرب عربيه زميلى نيو سيراتو فا بصراحه كنت بستهبل ومشيت بيها بسرعه 160 لتجربتها وجه فى بالى وانا ماشى على المحور هل دلوقتى تقدر تجرى 160 زى الطريق الصحراوى كانت الأجابه لنفسى طبعا لأ فافعلا مش هينفع معانا غير الردارات الثابته بصراحه العربيات بقت مغريه للجرى والنفس اماره بالسؤ ههههههههههه

تحيا جمهورية مصر العربية

حمدا لله على السلامة دكتور أحمد
أنا كنت هناك من أسبوعين وأيضا حدثت لى قصة لكن حزينة والحمد لله
ربنا يسلّم لك وللجميع الطريق

الف حمد الله على السلامة استاذ/أحمد فعلاً ربنا بيحبك ان الموضوع دة يحصل جنب الرادار وكمان تكون الناس الموجودة بيراعو ربنا , اسوبك فى سرد الموضوع شيق .
بعد كدة الواحد لما يضبط الكاوتش بدل ماقولة اضبط على 30 هاقولة اضبط على الرادار.
ربنا يسترها معاك ومعانا آمين

انت ربنا وقفلك ولاد الحلال الي ساعدوك فلازم انت كمان تساعد الناس

و الله ناس محترمة جدا جدا جدا ...

لهم الشكر و جزاهم كل خير

اقتباس:

---

المشاركة الأصلية كتبت بواسطة ahmed samy

جاتلي حالة من الفرح العميــــــــــــــــق لسماع الكلمتين دول (في حمايتنا) اول مرة احس ان وجودى جنب الكمين يوفر لأهلى الحماية

---

ههههههههه
فكرتنى باستفتاء عن هل المواطن العادى بيخاف من الحرامى و لا الشرطى ؟:36_1_1[1]:

الحمد لله على السلامة
راجل محترم وناس محترمين

ألفين سلام وتحية لرجالة الداخلية
و ياريت كله يبقى كده

يا سلام يا دكتور...

موقف جميل و مفرح في وسط اللي الواحد بيشوفه كل يوم

ربنا يكتر من امثاله... و حمد لله عالسلامة

تحيا جمهورية مصر العربية

كويس والله الناس لسه فيها خير
ربنا يوقفلنا كلنا ولاد الحلال ويكفينا شر طريقنا

علشان حضرتك ابن حلال ربنا وقفلك ولاد الحلال
اعمل ما شئت ...كما تدين تدان
حمدلله على السلامة

علي قد ما في البلد ناس وحشه علي قد ما فيها ناس محترمة بس المشكلة انك تعرف المحترم بس والله بيبان صدقوني المحترم والي مش محترم في وقت زنقة زي دي