أنا مش بلعب قمار
عرض للطباعة
أنا مش بلعب قمار
رغم انى مبقتنعش بان الناس يبقى حلمها تكسب حاجة من غير مجهود
بس يارب الشعب المصرى يبطل نظرية المؤامرة فى كل حاجة
بتحسسونى انكم بتتكلموا على شركة اوم احمد لتوكيلات زيرو تسعماية مش شركة عالمية ليها سمعتها
ومين قال انه بيعملها لله فى لله
مهو الناس حتزود اتصالاتها علشان تكسب العربية (فى ناس بتعمل كده فعلا)
وحتى لو مش حيزودودا اهو حيخصمها من الضرايب
وفى الاخر ايه يعنى 15 مليون جنيه لفودافون ولا حاجة
لو كده يبقى بلاش ياخد صفحتين فى الاهرام الواحدة بميتين الف
وبلاش يعمل اعلان فى التلفزيون الثانية بكام الف
وحنروح بعيد ليه انتوا مسمعتوش عن موضوع البوينتس؟
يعنى الناس اللى معاها بيزنيس بياخدوا نقط كل ميتكلموا ويقدروا يحولوها لفلوس يشتروا بيها اى حاجة من فودافون
وعندى زمايلى كتير راحوا بدلوها بلابتوب او كاميرات
محدش قال ليه بقى هى الحداية بترمى كتاكيت؟
مش عارفة موضوع العربيات ده حقيقي ولا لأ بصراحة :girlsthink:.
لكن اللي اعرفه ان ساعة ماكان في جوايز اجهزة كهربائية وكلام من ده سمعت اخويا بيقول انه يعرف حد كسب غسالة باين أو تلاجة.
وبرده من كذا سنة اخويا وأختى اشتروا خطوط جديدة في نفس الوقت ساعتها لاقينا فودافون بيتصلوا بإخويا وبيقولوا انت كسبت رحلة للغردقة لفردين لمدة 3 ايام.
المهم كلمناهم واخويا مكنتش الرحلة فارقة معاه فقلتله اتنازلي عنها ووافق وكلموني واخدوا بياناتي وإتأكدوا من اخويا انه متنازلي عن الرحلة وفعلا كنت هاروحها وقالولي قدامك كام شهر تروحيها الوقت اللي انتي عايزاه فضلت أأجل فيها عشان الاقي حد يطلعها معايا وفي الاخر كسلت ومطلعتهاش :rfds:.
بس الصراحة العرض بتاعهم كان صادق ومقصروش في اي حاجة الحقيقة هو عيب الرحلة بس انها كانت اقامة فقط لاغير.
بس لو كسبت العربية ال BMW دي ياجماعة اوعدكوا اني هاصورهالكوا واوريكو صورها :36_1_1[1]:.
القمار هو انى بدفع الفلوس و استنى الحظ - الحظ بس- انى اخد عربية متعبتش فيها و اكتر كتييير من اللى دفعته
كلامك جميل
يعنى الحكاية راجعة للنية
انا معايا خط موبينيل
لو اشتريت خط فودافون كمان عشان استفيد بيه فى المقام الاول و بعدين تيجى ميزة زيادة انى ممكن اكسب - اعتقد انه كده حلال و الله اعلم
و لو اشتريت خط فودافون بسبب رئيسى و هو انى ممكن اكسب و بعدين استفيد بيه كخط -اعتقد انه كده حرام و الله اعلم
انا بقه :018: ماشاء الله .. الله اكبر :018: بعتلولي ان رقمي دخل السحب 45 مرة بس لازم اتصل ب 800
معرفوش يكملوا جميلهم ويتصلوا بدالي ولو كسبت ياخدوا حتة من العربية مقابل المكالمة ..
ياجماعه انا حلمت خلاص انى رخصتها بس فى الحلم مش عجبنى اللون
عموما لو كسبتها اللى عاوز لفه يبقى يبعت لى على الايميل ههههههههههههههههههههههههه ههه
أنا كمان جت لي الرسالة امبارح و قلت لو جت لي هابيعها طبعا و استفيد بتمنها.. انا السيريون عندي ب 50 بي إم :36_3_18[1]:
بس أول سؤال سألته لنفسي: هل فلوسها تعتبر حلال 100%؟ فعلا مش عارفة :girlsthink:
اممممم الرقم مجاني
طيب على كدة في ناس كتير ظلمتهم وانا منهم كنت معتقدة انها نصباية زي ارقام 0900 علشان يجمعوا فلوس من الاتصالات
السؤال دلوقت هم مستفيدين ايه مقابل العرض المغري ده
ديما لما يكون في جوايز في حاجة تعوض عليهم ثمن الجايزة بالاضافة للمكسب !!!!!!!!
يارب العربية تكون من نصيبي :_Alshmokh22[1]::_Alshmokh22[1]: :36_1_1[1]:
ماهو بيقولك عشان تدخلى السحب تتكلمى ب 1 جنيه او تدخلى النت ب 1جنيه او تششحنى ب 1 جنيه
وكل ماتتكلم او تدخل نت بمضاعفات ال جنيه تزودى عدد مرات اشتراكك فى السحب بعدد الجنبهات
يعنى بيخلى الناس تتكلم كتير او تشحن كتير بهدف انها تزود فرص الفوز يعنى هم برده مستفيدين زى 0900
انا فودافون بعتتلى بتقولى ينفع نحوللك 3 جنيه يتم خصمهم عند الشحن
يبقى انا كسبت!!؟؟
انا حاسسها وسيلة لنهب الشعب واحلام العصافير فى زمن ضاعة فيه الامال والطموح والعمل
انا من رائيىى انها هاتتوزع على المدير و عشيرتة
انا بستخدم الليفون عادي ومكنش في بالي موضوع العربية دي
وبعتلولي رسالة ان رقمي دخل 46 مرة
كل يوم منفصل بذاته
يعنى بتدخا السحب كل يوم بعدد جنيهات كل يوم
خلص اليوم خلصت الفرصة وتبدأ من جديد
كنت قاعدة فى أمان الله بأشرب كوباية الشاى
ألاقى ايه فودافون بعتالى رسالة
خير اللهم اجعله خير
بتقولى ايه بأه فى الرسالة
انى رقمى دخل فى السحب 20 مرة و فيه امكانية انى أكسب
بصراحة فطست على نفسى من كتر الضحك
يعنى دخلت السحب 20 مرة و لسة فيه امل انى أكسب:majd(4):
طيب ادعولى انى أكسب فى المرة الواحد و عشرين:ma:
قلت أضحكم معايا زى ما ضحكت:w6266d
نور يا جبيبة قلبى
يعنى انتى دخلتى السحب 46 مرة
طيب أنا دخلونى السحب 20 مرة
بس فى الرسالة اللى بعنوهالى ماقلوش فبها انى لازم أتصل ب800
قالولى للاستعلام يرجى الاتصال بالرقم المجانى 800
عموما موضوع الجايزة ده من ساعة ما نزل و هو مش فى دماغى
ديه كلها أرزاق ربنا بيوزعها على عبيده
و عموما لو كسبت فى الموة الواحد و عشرين هأبقة أديكى لفة ......يالا انشاء الله محد حوش
يعنى هو احنا جايبنها بفلوسنا:w6266d
حد يعرف الناس دي ؟
هي دي الناس اللي كسبت
http://img376.imageshack.us/img376/9565/vf010639.jpg
انا اتصالات وبعتولى انى كسبت عربية همر 2009 وقوليلى اتصل علشان تحصل عليها
وكمان بعديها ب3 دقائق بعتولى انى كسبت دولار كمان15000
يعنى ناس محترمة جدا كسبونى هامر وفلوس علشان ارخصها كمان مش يكملوا جميلهم
ناس محترمة
انا عندي 138 مرة
و الله احنا شعب طيب و صاحب نكتة
مابنصدق نلاقى حاجة و نضحك عليها
حتى الشركات اللى عمالة تقولنا على الجوايز الضخمة مش مصدقنها و عمالين نضحك عليها
بس بصراحة فودافون النهاردة أما بعتتلى الرسالة خلتنى أفطس على نفسى من كتر الضحك
حتى لو ماكسبتش البى ام دبليو أهم ضحكونا (يعنى هننهب ضحك و عربيات كمان)
انا بقى عندي 155 فرصة في السحب
لكن لو حصل وكسبت هاعمل عكسك تماماً يا محمود
هابيعها عشان قطع غيار وصيانات السيريون اللي تقطم الوسط :120146b
ولو بشبشت أكتر ومراتي كسبت معايا هافتح لكم مركز صيانة لدايهاتسو في أكتوبر وهاخللي فيه الصيانة إجبارية كل ألف كيلو وهامص دمكم كلكم :shine[1]: