مبروك يا فندم كسبت عربية bmw

**wael_samir** · 06-07-2009 09:23 PM

جماعة عايز احكيلكم عن موضوع حدث لى شخصيا مع فودافون لكل الى مش مصدق

كان عيد ميلاد امى فى رمضان قبل الى فات
واشتريت لها موبيل فودافون 225 و معاه خط
و بعد ثلاث شهور اتصلوا بينا على الخط ده و قالوا ان احنا من فودافون و انتوا كسبتوا رحلتين عمره

المهم امى زى عادتها قالت دى نصاباية روح ياواد اتأكد من الموضوع ده

بعديها كلمتهم على الخط بتاعهم و ادونى نمرة شركة سياحة اسمها ايستمار و برضه امى مش مصدقة

رحت ايستمار اكدوا الموضوع ده ان احنا كسبنا من فودافون رحلتين عمره و طلبوا من باسبورتات و شوية صور ولا مليم احمر

ادتلهم الحاجات دى بعد اسبوع و امى برضة مش مصدقة

بعد 3 شهور اتصلوا بينا و سلمونا الباسبورتات و التذاكر و امى مش مصدقة

ورحنا العمرة (كانت 4 ايام فقط على حساب فودافون) و رجعنا و الكلام ده من سنة
ووالله ما دفعنا مليم فى فندق و لا حاجة و برضه لغاية دلوقتى امى مش مصدقة حتى بعد ما رجعنا

الخلاصة ان فودافون شركة فعلا محترمة و مش بتعمل اعلانات و همية
الحاحة التانية : استحالة اى شركة تدفع مليم فى اعلانات الا لما تكون حسباها كويس ان الفلوس دى حترجعلهم اضعاف مضاعفة هما اكيد مش بيلعبوا

و اخيرا انا لا اتمنى فوزى بالبى ام اولا : ان اخدت عين جامدة من العمرة ام بلاش دى و رجليا حصل فيها تمزق فى الأربطة و الرحلة كلها كانت مؤلمة ( الحلو ميكملش)
ثانيا : انا انا خطى بيزنس بأسم شركتى الى انا بشتغل فيها
يعنى لو خطى طلع فى السحب حيقوللى العربية من حق الشركة ( حسبى الله و نعم الوكيل )

و السلا م عليكم

**AhMeD EzZ** · 06-07-2009 09:28 PM

المشاركة الأصلية كتبت بواسطة wael_samir

ثانيا : انا انا خطى بيزنس بأسم شركتى الى انا بشتغل فيها
يعنى لو خطى طلع فى السحب حيقوللى العربية من حق الشركة ( حسبى الله و نعم الوكيل )

و السلا م عليكم

و الله ساعتها اولع في صاحب الشركة و المدير و الشركة و اي واحد في الشركة

**wael_samir** · 06-07-2009 10:04 PM

المشاركة الأصلية كتبت بواسطة Ezzat-fayek

و الله ساعتها اولع في صاحب الشركة و المدير و الشركة و اي واحد في الشركة

والله يا عم عزت عملوها معانا فى مواضيع الPoints علشان كده مش عايز اكسب حاجة

**M.Osman** · 06-07-2009 10:22 PM

يا سلاااام لو تيجي بس...

حتة بي إم و هاتش باك كمان

ياااااه
(الموضوع شاغل الناس كلها فعلا)

**beautiful0mind** · 06-07-2009 11:12 PM

على فكرة ياجماعة انا خالى كسب غسالة من فودافون فى رمضان واتصله بى قبل الفطار راح استلمها بعد الفطار ومنغير ميدفع اى شئ غير صورة البطاقة وانا كونت معاه لانى مكونتش مصدق

**أحمد سالم** · 06-07-2009 11:32 PM

والله ياجماعة انا مش بصدق اى حاجه فى مصر
يعنى فودافون بتقول اكسب معانا
و30 برنامج بيجو على شاشات التلفزيون ويقلولك اتصل تكسب
وميلودى تريكس وغيرة وغيره
لاكن انا عمرى ماقبلت حد ولا حد حكالى ان قريبه ولا جار قريب قريبه
انه كسب حاجه
دى مجرد حملات اعلانيه ترويجيه
ومحدش بيراجع وراهم
والكلام مافيش عليه جمرك
انا جتلى الرساله على الموبايل وقالولى انت دخلت السحب واتصل برقم 8000 تقريبا
واحد صاحبى جتله رساله على الموبايل بس والله مش فاكر خطه ايه
الرساله بتقول له انه كسب عربيه
هامر
ولازم يتصل برقم مش عارف ايه علشان يستلمها
طبعا لسه لغاية دلوقتى ماشفتهوش راكب الهامر
رئيى الشخصى ان دى كلها اعلانات للترويج لا اكثر ولا اقل
انسوووووووووووووووووووووو وووووووووووووو

**أحمد سالم** · 06-07-2009 11:42 PM

كمان ده نص الاعلان
وانتو احكمو بنفسكم

عرض الصيف من فودافون

50 عربيةBMW ل50 فايز في 50 يوم!
لكل عملاء فودافون ، مع كل جنيه تصرفه على شبكة فودافون فرصة تكسب عربية BMW 116i!
يعني لما تتكلم ب30 جنيه اسمك يدخل السحب 30 مرة. ولما تشحن بكارت ال50 اسمك يدخل السحب 50 مرة ولو دخلت على الانترنت من موبايلك ب29 جنيه اسمك يدخل 29 مرة!
عايز تزود فرصك؟
اشترك في أصحاب بلس تاخد 10 فرص هدية على كل جنيه من سعر الباقة، يعني لو اشتركت في باقة ال6 جنيه شهريا تاخد 60فرصة هدية!
عايز تعرف عدد الفرص الخاصة بك؟
كلم#5050* ب 10 قروش للمكالمة وهتوصلك رسالة بعدد الفرص لحد اليوم اللي قبله
اتكلم أو اشحن أو ادخل على النت اكتر وزود فرصك في الفوز!
سيتم السحب يومياٴ تحت إشراف وزارة الشؤون الاجتماعية وستقوم الشركة بالاتصال بالفائزين يوميا.