مبروك يا فندم كسبت عربية bmw

**ams** · 07-07-2009 09:24 AM

أنا مش بلعب قمار

**NaderNabil** · 07-07-2009 09:31 AM

المشاركة الأصلية كتبت بواسطة ams

أنا مش بلعب قمار

فين القمار في الموضوع؟

**ahmed4000** · 07-07-2009 10:19 AM

رغم انى مبقتنعش بان الناس يبقى حلمها تكسب حاجة من غير مجهود
بس يارب الشعب المصرى يبطل نظرية المؤامرة فى كل حاجة

بتحسسونى انكم بتتكلموا على شركة اوم احمد لتوكيلات زيرو تسعماية مش شركة عالمية ليها سمعتها

ومين قال انه بيعملها لله فى لله
مهو الناس حتزود اتصالاتها علشان تكسب العربية (فى ناس بتعمل كده فعلا)
وحتى لو مش حيزودودا اهو حيخصمها من الضرايب

وفى الاخر ايه يعنى 15 مليون جنيه لفودافون ولا حاجة
لو كده يبقى بلاش ياخد صفحتين فى الاهرام الواحدة بميتين الف
وبلاش يعمل اعلان فى التلفزيون الثانية بكام الف

وحنروح بعيد ليه انتوا مسمعتوش عن موضوع البوينتس؟
يعنى الناس اللى معاها بيزنيس بياخدوا نقط كل ميتكلموا ويقدروا يحولوها لفلوس يشتروا بيها اى حاجة من فودافون
وعندى زمايلى كتير راحوا بدلوها بلابتوب او كاميرات

محدش قال ليه بقى هى الحداية بترمى كتاكيت؟

**R A N A** · 07-07-2009 10:23 AM

مش عارفة موضوع العربيات ده حقيقي ولا لأ بصراحة .

لكن اللي اعرفه ان ساعة ماكان في جوايز اجهزة كهربائية وكلام من ده سمعت اخويا بيقول انه يعرف حد كسب غسالة باين أو تلاجة.

وبرده من كذا سنة اخويا وأختى اشتروا خطوط جديدة في نفس الوقت ساعتها لاقينا فودافون بيتصلوا بإخويا وبيقولوا انت كسبت رحلة للغردقة لفردين لمدة 3 ايام.

المهم كلمناهم واخويا مكنتش الرحلة فارقة معاه فقلتله اتنازلي عنها ووافق وكلموني واخدوا بياناتي وإتأكدوا من اخويا انه متنازلي عن الرحلة وفعلا كنت هاروحها وقالولي قدامك كام شهر تروحيها الوقت اللي انتي عايزاه فضلت أأجل فيها عشان الاقي حد يطلعها معايا وفي الاخر كسلت ومطلعتهاش .
بس الصراحة العرض بتاعهم كان صادق ومقصروش في اي حاجة الحقيقة هو عيب الرحلة بس انها كانت اقامة فقط لاغير.

بس لو كسبت العربية ال BMW دي ياجماعة اوعدكوا اني هاصورهالكوا واوريكو صورها .

**ahmed4000** · 07-07-2009 10:30 AM

المشاركة الأصلية كتبت بواسطة nadernabil

فين القمار في الموضوع؟

لو عملت مكالمات بس بنية انك تدخل المسابقة يبقى قمار

لكن لو واحد بيتسهلك السلعة او الخدمة عادى وكسب يبقى حلال والله اعلم

**ams** · 07-07-2009 10:48 AM

المشاركة الأصلية كتبت بواسطة nadernabil

فين القمار في الموضوع؟

القمار هو انى بدفع الفلوس و استنى الحظ - الحظ بس- انى اخد عربية متعبتش فيها و اكتر كتييير من اللى دفعته

المشاركة الأصلية كتبت بواسطة ahmed4000

لو عملت مكالمات بس بنية انك تدخل المسابقة يبقى قمار

لكن لو واحد بيتسهلك السلعة او الخدمة عادى وكسب يبقى حلال والله اعلم

كلامك جميل
يعنى الحكاية راجعة للنية
انا معايا خط موبينيل
لو اشتريت خط فودافون كمان عشان استفيد بيه فى المقام الاول و بعدين تيجى ميزة زيادة انى ممكن اكسب - اعتقد انه كده حلال و الله اعلم
و لو اشتريت خط فودافون بسبب رئيسى و هو انى ممكن اكسب و بعدين استفيد بيه كخط -اعتقد انه كده حرام و الله اعلم

**نور القمر** · 07-07-2009 11:09 AM

انا بقه ماشاء الله .. الله اكبر بعتلولي ان رقمي دخل السحب 45 مرة بس لازم اتصل ب 800
معرفوش يكملوا جميلهم ويتصلوا بدالي ولو كسبت ياخدوا حتة من العربية مقابل المكالمة ..

**NaderNabil** · 07-07-2009 11:13 AM

المشاركة الأصلية كتبت بواسطة نور القمر

انا بقه

ماشاء الله .. الله اكبر

بعتلولي ان رقمي دخل السحب 45 مرة بس لازم اتصل ب 800
معرفوش يكملوا جميلهم ويتصلوا بدالي ولو كسبت ياخدوا حتة من العربية مقابل المكالمة ..

مش لازم تتصلي ب800

ده بس بيقولك كده عشان تفهمي العرض ماشي إزاي
و 800 مجاناً أصلاً

**Ashraf_Ashraf** · 07-07-2009 11:15 AM

ياجماعه انا حلمت خلاص انى رخصتها بس فى الحلم مش عجبنى اللون
عموما لو كسبتها اللى عاوز لفه يبقى يبعت لى على الايميل ههههههههههههههههههههههههه ههه

**OlaOsman** · 07-07-2009 11:22 AM

أنا كمان جت لي الرسالة امبارح و قلت لو جت لي هابيعها طبعا و استفيد بتمنها.. انا السيريون عندي ب 50 بي إم

بس أول سؤال سألته لنفسي: هل فلوسها تعتبر حلال 100%؟ فعلا مش عارفة