الموضوع: عداد الكيلومترات الصغير

العداد الصغير ده من خلاله بيتم معرفه المسافه المقطوعه فى الرحله الواحده .....- بيتكون من أربع خانات .....حنشبهم بأربع أصفار 0000

- أول صفر على اليمين بيمثل الكسر من الكيلو متر المقطوع أثناء السير بالسياره .....وكل 100 متر بيعد 1 ثم 2 وهكذا ....لحد رقم 9 وبعد كده بيتحول لكيلو صحيح فى خانة الآحاد ( الصفر رقم 2 من اليمين )

_ بتستمر عملية لعد فى الآحاد حتى رقم 9 وبيتحول بعد كده لرقم 1 صحيح فى خانة العشرات ( الصفر رقم 3 ).........

_ نفس الوضع لما بنصل لرقم 9 فى العشرات ...بيتم التحول لرقم 1 فى المئات ( الخانه الرابعه من اليمين ) ....

_ الخلاصه ....الخانه الأولى للكسور من الكم .....والتلاته التانين عند 999 بعدها على طول بينقلبوا الى رقم ألف كيلو مقطوع ......وده بيفيد فى معرفة غيار الزيت من عدد القلبات ............وممكن نعرف الميعاد برضه من العداد اللى فوقه بتاع المسافات التراكميه ( اللى بنعرف منها العربيه عامله كام كيلو )

_ وبالنسبه لصاحب السؤال ....فكده فيه خلل فعلا فى عمل العداد ....لأن فيه منظومة تروس بلاستيك داخليه .....بيتم التنسيق بين العدادين وبعض .....وأعتقد أن العداد الكبير مش حيعد الكيلومترات المقطوعه كويس ..........فياريت تشوف الحته دى برضه ..........علشان متابعة غيار الزيت ............لو الكبير شغال .....فمفيش مشاكل ...وممكن تسيبه على كده ......أما لو فيه خلل فى عمل الكبير أيضا ......فكده حتحتاج تغيره أو تخللى كهربائى شاطر يبص على تقسيمة التروس من جوه ......

_ على فكره أن مصلح نفس العداد لسيارتى الأولى قبل كده فى بور سعيد ....عند كهربائى كويس ( وكان راجل شاطر قعلا )

................

انا عندي بيعمل 9999 يبقى كده صح وصاحبي ده كان بيهذي

ياباشا أقرأ الرقم كده .....تسعة آلاف وتسعمائه وتسع وتسعون ( شكلها بيقول كده كأرقام بس هى فى فى معناها الكلام اللى جاى )...........ممكن تكون الأرقام كده صح .....على أساس التسعه الأولانيه كسر من الكيلومترات .....وبتعتبر 900 متر.....والرقم اللى بعده 9 كم واللى بعده 90 كيلو واللى بعده 900 كيلو .....وبعد ال100 متر اللى جايين أو 0.1 كم حتحصل القلبه بتاعة الألف ..............بمعنى أن الأربع تسعات دول ينقروا (تسعمائه وتسعه وتسعون وتسعه من عشره كيلومترا ) يعنى ضمنيا 999.9 كم وبعدها القلبه بتاعة الألف...............ودى القرايه الصح .........وخللى بالك من الفصله وأنت بتقرأها ....ههههههههههههههه

يبقى هي التسعة من عشرة دي اللي كانت عملة المشكلة وفعلا انا مقتنع بكلام حضرتك لان الخانة اللي على اليمين لونها متغير عن الخانات التانية
الف شكر يا باشا

ماهى خانة التسعه من عشره .....هى اللى بتشغل الخانه اللى بعدها بتاعة الآحاد وهكذا............لو وقفت الكل بيتعطل..........لأنها أول أشاره للعد

دي شغالة على طول -طول مانا ماشي بتلف