عظييمة يا مصر يا أرض اللوا
فكرتنى بذكريات مش لطيفة بموضوع السلام الوطنى دة
عرض للطباعة
أنا بقى قابلته فى مصر فى القاهرة تحديدا و عايز يرجع أى حتة بعيدة أسيوط / أسوان / المنيا / المنصورة
و بقابله كتير أوى بس بجد أكتر واحد فيهم حاول يشتغلنى كان راجل كبير حوالى فى أواخر الأربعينات و قاللى إنه ظابط جيش و طلعلى كارنيه تعبان شكله معمول فى البيت باين موت إنه اشتغالة خاصة فى البيانات بتاعته لأنى أصلا من عيلة مليانة ظباط جيش و شرطة فحافظ أشكال الكارنيهات دى
المهم قاللى إنه جه مصر من المنيا و كان بيخلص مصلحة و محفظته اتسرقت و الليلة دى اللى الناس كلها حافظاها بس اللذيذ بقى اللى أنا حسيت إنه بيغرينى مثلا قاللى إنه متجوز روسية و عندهم بنت زى القمر بقت قدى تقريبا و إنه ممكن يدينى العنوان عشان أبقى أزورهم هناك و هو لما هييجى عشان يدينى الفلوس هيجيب معاه مراته و بنته عشان يعرفنى عليهم.
ههههههههههههه
جامدا جدا
ما هو فعلا الواحد نفسه يعرف إيه علاقة السيرة الذاتية اللى إدهانى دى بإنه نسى محفظته و محتاج فلوس عشان يسافر
هو بصراحة لحد الحتة بتاعة الكارنيه المضروب كان بيحاول يثبت إنه راجل محترم مش متسول و عايز الفلوس عشان يرجع بجد بعد كده بقى ابتدى يثبت العكس و ياخد سكة اتانية مالهاش أدنى علاقة بالتسول