-
رجة و خشونة فى الدركسيون
عندى فى عربيتى لما بجرى بحس ان فى رجة و خشونة فى الدركسيون بتتنقل لأيدى و انا سايق و طبعا الخشونة دى بتعمل صوت جوة العربية طالع من التارة عامل كدة ( كررررررر ) صوت مسموع اه بس خفيف...
فى حاجة فى الدركسيون سمعت عنها اسمها القطمة ( الأطمة )
1- هى دى اللى عاملالى المشكلة ؟
2- بتتصلح عند ميكانيكى ولا عفشجى ؟
-
اولا ازاي ارجه دي بتيجي يعني ع سرعه كام بزبط عشان نحدد ونعرف فين المشكله بزبط لانه لو ع سرعه 120 يبقى عايز ترصيص للعجله اللى قدام ولو تقيل برضو يبقى تروح تفحص زيت البور او البور نفسه وان شالله بسيطه يا باشا
-
القطمه دي يا باشا لو مش مظبوطه تعمل بوش في الدركسيون انت عندك بوش ؟
-
اية حل الموضوع دا انا عندى نفس الرجة فدركسيون وبحس انى راكب نص نقل حتى وانا على السلنسية
-
اكشف علي علبة الدريكسيون عند عفشجي كويس
-
هوا الرجه ع اي سرعه يا باشا
-
-
الرجه عربية واطيه السلانسيه يا قاعدة الموتور اللى ورا فيها حاجة - نفس مشكلتى و غيرت ايدل و تى بى اس و نفس المشكله
لو وهى ماشية يبقى عندك مشكله فى علبة الدركسيون
-
ولو الرجة علي سرعة.. و مش رجة.. هتبقي زنة كده و اهتزاز زي بتاعا لترصيص بس اقوي شوية.. ممكن جدا يكون كوبلن داخلي..!!!
-
و ممكن الطنابير لو رفت قوى او فرده فيها عالى و واطى
مليون سبب = نتيجة واحده
-
بس قاعدة الموتور اللى ورا بتعمل تزنيده فى جسم العربيه ورعشه فى الطلعه
-
انا متاكد من الي هقولك عليه ده في كاوتش عندك عامل عالي وواطي يعني باظ غير الكاوتش ورصص وظبط زايا هتمشي معاك حلو انشاء الله واسئل برده بتاع الكاوتش هيمشي ايده على الكاوتش ويقولك اصل الموضوع ده حصل معايا لكن القطمة ده حوارها كبير وبيرفع الموتور علشان يغيرها انا عملت حتسة قبل كده جامده طلعت بعربية فوق قلاب رمل ونزلت من الناحية التانية كانت حتسة جامده قوه الحمد لله اني عايش لغية دلوقتي طرت كده زي الافلام الاجنبية هههههههه المهم وانا داخل على الجبل ده مسكت جامد في الدركسيون مع شدة الخبطة وكان قاعد ورايا واحد ثقيل العربية نزلت زوايا قائمة فحمل على الكرسي بتاعي هوه كمان المهم الكراسي اطبقت طبعا والي نجاني الله ثم حزام الامان وقفني قبل الدركسيون بـ 2 سم بظبط كل الحمل ده كان على القطمة فاتعوجت كانت اسوء حاجة وانا بصلح العربية ده واغيرها واجيب جديد مفيش فائدة فها حوارها كبير متشغلش نفسك بيها دلوقتي خليك مع الكاوتش هيطلع هوه انشاء الله.
-
Content Relevant URLs by
vBSEO 3.6.0 PL2