نصيحتي لكل الي معاهم لانوس محدش يعدي ال 140

**fahdof** · 10-07-2009 11:30 PM

انا معاك تماما يا بشمهندس سمير......الفرق في الوقت اللي هتوفره صغير جدا لأنك مش ممكن هتقدر تحافظ على سرعتك 180 وقت يسمح بحدوث فرق فى المشوار ....

اللانوس عربية محترمة جدا بس فعلا بعد 130 بتتغير و تبقى خفيفة قوي و صعب التحكم فيها زي 100-120...

شكرا

**acs** · 11-07-2009 01:17 AM

لحد الـ 140 كويس بعد كده تحس ان العربيه خفت اوى والدركسيون كمان بقى زى الميه يعنى لو حبيت تحود يمين ولا شمال غرزه خفيفه يعنى انت وحظك بقى ؟

**elwad_crazy** · 11-07-2009 03:04 AM

ياجماعه انا اعتقد ان الدركسيون بتاع الدايو
بيفصل البارو بتاع الدركسيون بيبقي عادى بعد الـ100

و السرعه العاليه بجد انا مش مقتنع بيها
لانى ربنا ستر عليه من يومين كنت جى من مصر
وفاتح على الطريق
كان فى حادثه على الطريق سرحت فيها
كنت هخبط واحد لانى مكنتش هلم نفسي بس ربنا ستر
فياريت بلاش
الواحد يحمد ربنا على 120 او 130

**Akram** · 11-07-2009 12:40 PM

غير موضوع الموتور يتحمل ولا لأ ,
الطرق في مصر متساعدش ,
لما بكون ماشي في طريق أول مرة أمشي فيه و حتى لو شكله يساعد على السرعة برده ببقى قلقان من أي مطب أو ممكن تظهر أي حاجة فجأة في الطريق( حاجة معدية , عربية ترمي عليك , عربية منتظرة في مكان غلط ),
أو لو لا قدر الله كاوتش حصله حاجة ,
يبقى أحسن حاجة الواحد ميعديش 120 خالص , ده اكتر سرعة ممكن تلم فيها العربية ,
و ربنا يستر طريقنا......

**hon** · 11-07-2009 11:17 PM

السلام عليكم ورحمه الله
اولا ربنا يحفظنامن السرعة ومن حوادث الطرق
ثانيا أنا عايز أقول حاجة على ماتور اللانوس بجد بسم الله ماشاء الله أحلى مافى العربية بصراحة بس حطلوا موبيل 1 وماتخفش عليه خالص
السرعة وحشة مع اللانوس عشان بتخف على السرعات العالية بعد 140 وليس للخوف من الماتور لذلك وجب التنوية
وربنا يسترنا معانا جمعيا ولا تلقوا بأيديكم الى التهلكه تحياتى

**MMamdouh** · 12-07-2009 12:45 PM

بغض النظر عن موضوع الامن و السلامة و السرعة و خلافة... سرعة 180 كيلو مش حتبوظ العربية الا لو كانت العربية نفسها فيها مشكلة

MMamdouh

**samirayad** · 13-07-2009 07:23 AM

المشاركة الأصلية كتبت بواسطة moso

فعلا الكلام سليم جدا لأن ده حصل فى كوبرى من الكبارى المعلقة فى احدى الدول الأجنبية و تم المار التام للكوبرى بسبب التوافق اللى حضرتك تكلمت عليه

وتعليقا على كلامك ....الخاص بتوافق ذبذبة التشغيل مع ذبذبة الأنهيار .....أنا سمعت أن مجموعه من العساكر وهما ماشين فى طابور الصباح ......وبسبب دبة رجليهم فى الأرض بالخطوه المعتاده وهما على كوبرى من الكبارى القديمه.......... حصل أنهيار تام للكوبرى ووقع بيهم فى الماء ......لما حدث توافق بين الذبذبه الناتجه عن خبطت رجليهم المنتظمه بأرض الكوبرى مع قوة تحمل الكوبرى ..............والكلام ده سمعته من أحد الدكاتره وأنا فى الكليه زمان ............وتقريبا كان عندنا هنا فى مصر

**mangere90** · 13-07-2009 07:51 AM

السلام عليكم ورحمة الله وبركاته

بصراحه بعد الانوس 1 ماتقوليش انا كان مع واحد صديق ليا واحده لانوس 1 كان بيمشي بيها دائما 190 و مره جاب بيها 200
العربيه كانت جميله جدا اينعم الانوس خفيف بس ماكنتش بحس بالسرعه معا إلا بعد 170 العربيه لاغايت 170 كويسه جدا

**E30power** · 13-07-2009 09:12 AM

بعد اذنكوا يا جماعة طبعااا انا حاسس انى بسمع كلام غريب ومش فهمة بصراحة...
لانوس بتجيب 180 و200
و مستريح كمان!!!!!!!!!!!!
انا كنت مسافر بالعيلة كلها يعنى ما شاء الله ثبات من الى قلبك يحبة وقلت اجرب اخرر العربية وافتح الموتور ومكدبتش خبر كنت جايب بالتالت لحد 110 والرابع والخامس ووقفت على 150 وحلفت ماهى معدياها ابدااااا وقعدت فترة وجابت ببطىءشديد جدا 155 بالعافية والدواسة لسةفيها ولما كبست جامد بعد دقيقتين ولا حاجة جابت 160 بضرب الجزم وضربت عناد ولا حياة لمن تنادى انها تعديها ولا بالطبل البلدى
ولما سئلت سمعت الى قالى....ان من 2006وانتا طالع دة اخرهم فى الجرى
والى قالى ان العربية اول سنة لازم تكون مكتومة والموتور مش بيطلع كل الى عندة!!!!!!!!!!!!!!!!!!! دة انا كنت هشتمة بصراحة
اخيرا واحد معاة جين تو قالى انهم بعدصيانة 1000 بيفتحولك قدرة الموتور كاملة والكلام دة علشان التليين .....
كلامة الوحيد الى دخل دماغى علشان عمرى ما شممتها ريحةالتوكيل ابداا لحد النهاردة وياربما اتحوجلة ابدا
للعلم هيا 2008 ومظنش انها عيب سواق لان ليا اتنين معاهم 2008 معرفوش يعدوا 150 اصلا
......هو فعلا المودلايت القديمة مواتيرها اشد من الجديد؟؟!!!