عرض للطباعة
أريد أن أعرف الفرق ما بين السيارة ماروتي 800 سي سي وسعرها حوالي 35,000 ألف جنيه
و السيارة ألتو 800 سي سي بدون كماليات والتي يصل سعرها 43,500 ألف جنيه.
السيارتان بلا أي كماليات والمساحة تقريبا متقاربة والموتور واحد من حيث السي السي.
أريد أن أعرف الفرق بين هاتين السيارتين الذي يسبب فارق السعر الذي يصل إلى 8,000 آلاف جنيه؟؟؟!!
هل نوع الموتور مختلف رغم تشابهه السي سي؟ أم ان هناك كماليات أساسية (Standard) في السيارة ألتو 800 سببت ارتفاع سعرها أم ماذا؟؟!!!
ولكم الشكر.
بيتهيألى ال التو انضف
تصميم احدث
تابلوة حديث
كاوتش اعرض
مش عارف اذا كانت هندى برضوا ولا لأ
بس الالتو تستاهل فرق السعر عربية حديثة
الألتو التكنولوجيا ألى فيها متطورة عن الماروتى بكتيير فرق شاسع يستحق فرق السعر الألتو أنجكشن الماروتى كربراتير
الألتو أوسع من الماروتى وشكلها أشيك منها وبتتنافس مع السبارك بل ثباتها أفضل من الأسبارك وكمان الجير بوكس الماروتى 4 سرعات الألتو 5 سرعات بس عربية فعلا تستحق الفرق
و اتقل ب 200 كيلو
الماروتى 675 كيلو
الالتو 850 كيلو = ثبات افضل
بس انا دخلت على مواضيع كتير عالنت لاقيت ان موتور الألتو ال800 سي سي كربراتير عادي مش انجكشن.
سؤال تاني معلش هي الألتو 800 سي سي 5 سرعات برده؟ ولا ده بس في ال 100 سي سي؟
معلش حاجة كمان التكنولوجيا الحديثة في الأتو متمثلة في ايه؟ عشان بس أعرف الفرق لو سمحتوا.
وشكرا لكل الي تطوع بالرد
على فكرة الألتو هندي انا اتاكدت من كده من موقع الشركة
كمان في ناس كتير أعرف وناس في المنتدى هنا بيستبعدوا الألتو من اختيارتهم لأن من وجهة نظرهم سعرها مبالغ فيه مقارنة بامكانياتها
أولا التكنولوجيا ألى فيها ألى اقصدها فى الموتور نظام التعليق أفضل من الماروتى الشكل الداخلى والتبلوة وأنا متأكد من أنها أنجكشن وال800 5 سرعات وهى يابانى تقفيل هندى
ياشباب الماروتى والألتو كلهم من انتاج شركة ماروتى التى تمتلك شركة سوزوكى حصة كبيرة منها. والسيارة الصغيرة التى اسمها ماروتى فى مصر اسمها الحقيقى Basic 800 marutti. أما التى اسمها الألتو فى مصر فاسمها الحقيقى ماروتى ألتو.يعنى كله ماروتى . الثانية متطورة فى المحرك ونظام التعليق والاولى من جيل سابق وتنتج لبعض الدول لرخص ثمنها . وأعتقد أنه اقتصاديا الأولى أنسب لنا لانك لو اشتريت الثانية تدفع 8000 جنيه فى فروق لا تستحق.
انا مش عارف هل اختلاف الموتور كليا في انه حقن اليكتروني ونظام تعليق افضل وناقل حركة 5 سرعات وثبات افضل وشكل افضل وصالون افخم .. كل هذا لايستحق الفرق؟؟!!
ياشباب . طبعا الألتو شكلها أشيك أو بمعنى أصح أحدث .
والمحركات واحدة من ناحية حجم المحرك 800 لكل منهم والفرق فى القدرة الحصانية لصالح الألتو لان المحرك يتميز بنظام الحقن . ولكن كل هذه الفروق لا تعنى شيء أمام ميزة الماروتى أن قطع غيارها متوفرة بكثير عن الالتو وأرخص منها وأى ميكانيكى يستطيع أن يتعامل معها وطبعا مميزات التشغيل للماروتى تميزها عن الالتو . لان الشريحة التى تبحث عن الماروتى يهمها سهولة التشغيل فتوكل على الله وهات الماروتى ولن تندم أبدا وخير شاهد على كلامى أن أحد المهندسين الميكانيكيين وهو من أعضاء المنتدى المشهود لهم بالخبرة فضل الماروتى عن الألتو.مع احترامىواعجابى للالتو لانها 100100 ولكن الماروتى تناسب ظروفنا.
كلام حضرتك سليم يا أستاذ adelgeb وأنا فعلاً شبه استقريت على الماروتي وشكرا ليك مرة تانية
1- الألتو ... موتور انجكشن مزود بوحدة تحكم الكترونية وقدرة حصانية تزيد عن الماروتي بـعشرة أحصنة
الماروتي ... موتور كاربراتير عادي مشاكله في الأعطال بتبقى أكتر بنسبة بسيطة
2- الألتو ... أوسع قليلا من الماروتي ولكنها مازالت ضيقة قليلا مثلها
3- الألتو ... شكل التابلوه بها إنسيابي وموديلها أحدث من الماروتي
4- الألتو ... ناقل الحركة بها خمس سرعات في حين أن الماروتي أربع سرعات فقط
5- الألتو ... ثباتها أفضل من الماروتي بفضل وزنها الأثقل وتصميمها الديناميكي الأكثر
6- رغم أن الألتو إنجكشن إلا إن الماروتي أعـــتـــقــــــد أنها موفرة أكثر في إستهلاكها للبنزين ولكني غير متأكد ... عموما الألتو بتعمل معايا حوالى 340 في الصفيحة من غير تكييف وقيادة هادئة ... و 300 بالتكييف وقيادة جيدة ... 280 بالتكييف وقيادة زي الزفت ... وممكن أحد أصحاب الماروتي يفيدونا عن إستهلاكها الدقبق
7- الألتو قطع غيارها متوافرة برضه بأسعار كوبسة برة التوكيل وفي التوفيقية والحرفيين ولكن قطع غيار الماروتي أرخص بصورة نسبية
التقييم النهائي بالنسبة لي إنك لو هاتجيب الألتو هاتها بالتكييف على الأقل يعني تزود شوية ويبقى معاك التكييف والباورستيرينج .... لكن لو كانو الحاجتين دول مش فارقين معاك ... وطبعا فوقيهم يكون مش فارق معاك الشكل من برة ومن جوة يبقى بلاش تجيب الألتو فاضية لأن في الحالة دي أنا شايف إن الماروتي تكسب بسعرها الأقل ومصاريف تشغيلها الأبسط وقطع غيارها الأرخص نسبيا بارغم من مزايا الألتو المذكورة في الأعلى
الكلام ده من الاخر الله ينور عليك. احب اضيف ميزة واحدة للماروتى انك لو عطلت اى سواق تاكسى ممكن ينزل يصلحهالك لانها ابسط من البساطة والشغل فيها سهل عكس الالتو اللى لو قدر الله وعطلت ممكن تطلب توكيل وطبعا ونش لانها زى كل العربيات الحديثة وقفتهم بونش وتوكيلاقتباس:
المشاركة الأصلية كتبت بواسطة nysma
والله حضراتكم كفيتوا ووفيتوا بصراحة وبتأكدولي إن أنسب خيار بالنسبة لإمكانياتي ومتطلباتي هي الماروتي لأن الألتو الفاضية مبالغ في سعرها.
هل التكييف فى الآلتو 800 بيأثر على الموتور ولا بيكون لية موتور لوحدة منفصل عن موتور السيارة الاساسى يا ريت حد يأكد لنا هل التكيف فى الالتو بينزل بموتور لوحدة ولا بيحمل على موتور الالتو الاساسى وشكر .,
لا مالوش موتور خاص
التكييف علي نفس موتور العربية
الكلام ده مش مظبوط
و من ناحية التأثير.. أكيد بيأثر.. وده طبيعي في اي عربية اقل من 1600 علي الاقل
يعني الانسر ال1300 التكييف بيأثر عليها برضو
دي حاجه طبيعية يا فندم
ممكن أستفسر عن مدى تأثير التكييف في الموتور الألتو اللي مع حضرتك ... يعني هل تأثير قوي كبير ولا تأثير بسيط وهل التكييف نفسه قوي ولا ضعيف ... وشكرا .
هو تأثير ملحوظ على حسب تجربتى للألتو ال800