الموضوع: سؤال إلى خبراء أتوماتيك النوبيرا

أنا عاوز أقولك أنى لما كنت فى السعوديه كان 75% من العربيات أتوماتيك والجديد بالذات على الرغم أن شوارعهم فاضيه وكان بصراحه الميكانيكيه اللى هناك شاطرين فى الأتوماتيك جداُ رغم أنهم باكستانيين وفلبينين و سودانيين بس بالأمانه كانوا ممتازين ممتازين ، هو أظهر أن الأتوماتيك هنا فى مصر ما نتشرش الأنشار الكافى مش عارف ليه على الرغم من ظروف المرور الصعبه عندنا صعبه وتحتم أستخدام الأتوماتيك.بس للأمانه العربيه ممتازه وأتزنها ممتاز ممتاز وبصراحه تكسب اللانسر والكورولا فى الوسع والثبات وهى من نوع السيارات التقيله على الأرض حتى شوف فى سيارات الحوادث اللى بيعلنوا عنها تلقي كتير منها هيونداى بأنوعها (وأكثرها الأكسيل والفيرنا والنيو ألنترا) أو لانسر أو حتى الكورولا لأنها عربيات خفيفه وكمان الأبعاد ممتازه فى النوبيرا وأنت قاعد فيها شايف أخر الكبوت وأبعادها واضحه جدا بعكس اللانسر والكورولا والهيونداى (ماعدا الفيرنا) والكلام ده عن تجربه شخصيه.وعموما أى جزء ميكانيكى فى السياره لو أهملت صيانته يتلف سواء كان جزء فى الموتور فتيس أتوماتيك أو حتى فتيس عادى بالعكس أنا شايف أن الأتوماتيك بيريح وبيحافظ على الموتور أكتر من الفتيس العادى.

بالعكس أنا شايف أن الأتوماتيك بيريح وبيحافظ على الموتور أكتر من الفتيس العادى.

هو الأوتوماتيك حلو داخل المدن المذدحمه .......بس مش مسلى على الطرق السريعه ....أنما المانيوال بيحسسك بالأنتعاش أثناء النقل .....وكمان متعة القياده بتكون مع المانيوال ..............على فكره دى وجهة نظرى يابشمهندس : سمير ...........لأن أكيد حتلاقى آراء تانيه ...........ناهيك عن عدم توا فر الخبره المدربه لصيانة الأوتوماتيك مقارنه بالمانيوال ..........

النوبيرا الأوتوماتيك فى مصر الجيربوكس ماركته ZDF 14 وهو مافيهوش السولونيدات ولا سبيد سينسور على العجل يعنى مش الكترونى . عوضا عن ذلك فيه الجفرنر هو اللى بيحس بالسرعه وكلما تزيد السرعه يزداد ضغط الزيت ...حتى يشغل الغيار التالى وهكذا.وعلشان كده بتحس بنتشه فى الغيارات وده طبيعى فى النوبيرا.
أما الدايو الخارجى فيه الجيربوكس ماركته 40t تقريبا وده الكترونى يعمل بالسولونيدات والسبيد سينسور وبتكون النقلات سموس وسهله. لا تقلق!

شكرا Alex cdx ، نصيحه لكل اللى عنده نوبرا أتوماتيك علشان تغير زيت أعمل التالى3 كيلو زيت فتيس أتوماتبك العلبه بـ 24 جنيهفلتر فتيس أتوماتيك نوبيرا بـ 65 جنيه ، جوان كارتيرة أتوماتيك 15 جنيه ، أنبوبة سليكون حرارى صغيره 15 جنيه ، 3 لتر بنزين 80 لتنظيف الكرتيره بعد الفك ، مصنعية ميكانيكى 30 جنيه يبقى المجموع الكلى يساوى 200 جنيه أعمل الموضوع ده كل 10 أللاف كيلو متر وريح دماغك والفتيس بإذن الله هيعيش معاك نص مليون كيلو جربوا وهتتعدولى ضحوا بـ 200 جنيه كل 10 الالف كم يعنى كل 9 شهور بس متنسوش تتعدولى

عنوان مجدى أتوماتيك لو جاى من صالح سالم أو الـأوتوستراد لحد ما توصل العباسيه وأدخل أحمد سعيد أمش فيه هتلاقى المستشفى الجوى على اليمين عديه وهتقطع شارع العباسيه كمل على طول فى أحمد سعيد هتلاقى واحد بتاع جنوط مستعمله على اليمين وبعدين هتلاقى السنترال على اليمين وبعديها هتلاقى على الشمال كنيسه المحل موجود جنب سور الكنيسه وعليه بفطه مكتوب عليها مجدى جابر أتوماتيك سعر العمره عنده 700-800 فتيس نوبيرا - 1200 جنيه فتيس أكسيل + تغير البلوف بص أنا شخصياً متعملتش معاه انا غيرت الزيت والفلتر عند الميكانيكى بتاعى والدنيا بقت ميه ميه عندى بس ياجماعه تغير الزيت للازم لازم كل 10 الاف كم مع الفلتر - 200 جنيه + نص يوم أجازه من الشغل كل 9 شهور وهيبقى معاك جوهره . أبن عمى أتعامل مع مجدى أتوماتيك فى هوندا سيفيك 92 وكمان زميلى فى الشغل فى أكسيل 98 أتوماتيك بس المشكله أن العربيه هتتركن عنده يومين على بال ما يحل الفتيس ويسلك البلوف المسدوده من قلة تغير الزيت والفلتر أو يغير التالف منها وينضف كل التروس ببنزين نضيف.معاً نصل للأسلوب الأمثل لصيانة النوبيرا.تحياتى،م/سمير رياض

المشاركة الأصلية كتبت بواسطة mmahermf

ألف شكر يا بشمهندس/ سمير .. أنا الحمد لله معنديش مشكله خالص في الفتيس بس أنا من شهر واكتر نفسي اغير زيت الفتيس بس الميكانيكي خوفني لأنه الكتروني وخوفني من احتمال مالاقيش الفلتر ولا الجوان لأن الموجود ده للفتيس النوبيرا المصري علشان كده عايز اروح لمجدي ده اسمع منه وأوريله صورة الفلتر والجوان جبتهم من على النت يمكن يدلني على مكان بيبعهم قبل ما أفك وملاقيش لا قدر الله.

وجزاك الله خيرا..

بص يا باشمهندس الجوان متجبوش لانه بيتفصل تمنه لو جبته بدون تفصيل 65 جنيه اما لو فصلته هيبقى 15 جنيه ونفس الكفاءه ، الفلتر بقى مش عارف انا معايا 2006 وجبت الفلتر gm الأصلى بـ 65 جنيه لأنا أعتقد عندك هيبقى نفس حاجات فتيس اللانوس أتوماتيك 99 ممكن تتصل بواحد بتاع قطع غيار دايو فى شبرا أسمه الصاوى بس للأسف معيش تليفونه بس هحاول أجيبه ليك أن أشتريت من عنده وبصراحه القطع بتاعته أصليه.