اقتباس:
المشاركة الأصلية كتبت بواسطة mmahermf
ألف شكر يا بشمهندس/ سمير .. أنا الحمد لله معنديش مشكله خالص في الفتيس بس أنا من شهر واكتر نفسي اغير زيت الفتيس بس الميكانيكي خوفني لأنه الكتروني وخوفني من احتمال مالاقيش الفلتر ولا الجوان لأن الموجود ده للفتيس النوبيرا المصري علشان كده عايز اروح لمجدي ده اسمع منه وأوريله صورة الفلتر والجوان جبتهم من على النت يمكن يدلني على مكان بيبعهم قبل ما أفك وملاقيش لا قدر الله.
وجزاك الله خيرا..
انا كان عندي نفس المشكلة بتاعة حضرتك..لان عربيتي نوبيرا2 كوري من بورسعيد وعرفت بعد كده ان الفتيس ده الكتروني ومختلف عن المصري فرحت دخت عشان اغير زيت الفتيس ورحت الكويت والبلاد العربية ،قالي مبنشتغلش في الكوري ولو عايز نغيرلك الزيت روح هاتلي جوان للفتيس عشان الجوان بيتقطع مع التغيير.وطبعا سالت على الجوان ملقيتش..وسالت في التوكيل(ابو الفتوح) قالي مبنشتغلش في الكوري نهائي..الدنيا ظلمت في وشي..المهم روحت فيصل وسالت عن بتاع فتيس اوتوماتيك كويس ودلوني على واحد اسمه علي السمان..لما شفته عرفته وعرفني وطلع انه كان الميكانيكي بتاعي في السكن القديم وكان شغال معايا في العربية اللي قبل ديه(10/10) ثم انتقل الى فيصل واشتغل شراكه مع اخوه في فيصل....فسالته فقالي متقلقش الجوان موجود وقطع الغيار موجوده والاسكنر بتاع العربية موجود...وغير زيت الفتيس وطلع الجوان سليم وكمان غير جلب المقصات ..لان كان عنده الاسطمبة اللي بتشيل الجلب القديمة وتحط الجديدة..وريحني جدا...وكمان جنبه كل حاجة(هو عامل زي مركز خدمة صغير) وكمان انا لاقيت العربيات ديه كتير جدا في فيصل وفيه ناس بتبيع منها قطع غيار استيراد...فمفيش قلق نهائي ...
هو اسمه لو تحب : علي السمان 32 ش المساكن-العشرين-فيصل
ت: 0101455376-0106333504