نيو اكسنت 2009

**eljokar8** · 07-07-2009 11:38 AM

السلام عليكم ورحمه الله وبركاته

يا شباب معلش عايز اخد رايكو فى حاجهدلوقتى انا هستلم نيو اكسنت يوم الخميس وكنت بفكر انى بقى مخرجش من الضمان ده خالص واصلح كل حاجه فى التوكيل وكنت فاكر سعر الصيانات هيا شامله كل حاجه والى انا فهمته من الموقع ان اسعار قطع غيار السياره غاليه جدا لما اسمع ان فوانيس الشبوره 1500جنيه وتيل الفرامل ب350جنيه يبقى انا كده مش عارف كده العربيه مصيرها ايه مع الضمان يريت يا جماعه تفدونى

**Samir Elshahawy** · 07-07-2009 02:03 PM

المشاركة الأصلية كتبت بواسطة eljokar8

السلام عليكم ورحمه الله وبركاته

يا شباب معلش عايز اخد رايكو فى حاجه

دلوقتى انا هستلم نيو اكسنت يوم الخميس وكنت بفكر انى بقى مخرجش من الضمان ده خالص واصلح كل حاجه فى التوكيل وكنت فاكر سعر الصيانات هيا شامله كل حاجه والى انا فهمته من الموقع ان اسعار قطع غيار السياره غاليه جدا لما اسمع ان فوانيس الشبوره 1500جنيه وتيل الفرامل ب350جنيه يبقى انا كده مش عارف كده العربيه مصيرها ايه مع الضمان يريت يا جماعه تفدونى

المفروض أن لو حاجة باظت في فترة الضمان و السبب عيب تصنيع و ليس ناتج عن حادث أو سوء أستعمال بتتغير بدون مقابل و شرط أستمرار العربية في الضمان هو متابعة عمل الصيانات الدورية بالتوكيل أو أحد الراكز المعتمدة و أستخدام قطع الغيار الاصلية

**eljokar8** · 08-07-2009 08:24 AM

طب انا عايز اعرف لما بدفع انا مصريف الصيانات بدفع فلوس تانيه معايه لا ى حاجه تانيه زى تيل الفرامل مثلا فلاتر وخلافه ولا ايه معلش انا عايز افهم النقطه ده

**ramy_gamal** · 08-07-2009 09:31 AM

انا ماعايا نيو اكسنت بجد بلاش توديها التوكيل

**hdabawy** · 08-07-2009 10:06 AM

انا ماعايا نيو اكسنت بجد بلاش توديها التوكيل

وليه بلاش التوكيل ايه الأسباب

**basemzaki** · 08-07-2009 03:39 PM

المشاركة الأصلية كتبت بواسطة r_gamal1

انا ماعايا نيو اكسنت بجد بلاش توديها التوكيل

ممكن من فضلك نعرف ايه الاسباب؟؟!!

انا معايا نيواكسنت 2009 اتوماتيك ورحت عملت صيانة الالف كيلو وغيرت الزيت والفلتر وكل حاجة مشيت الحمد لله تمام
ليه حضرتك بتقول كدة لأني رايح اعمل صيانة ال 5000 قريب؟!

لك جزيل الشكر.

**ahmad--ezzat** · 09-07-2009 06:53 AM

المشاركة الأصلية كتبت بواسطة eljokar8

السلام عليكم ورحمه الله وبركاته

يا شباب معلش عايز اخد رايكو فى حاجه

دلوقتى انا هستلم نيو اكسنت يوم الخميس وكنت بفكر انى بقى مخرجش من الضمان ده خالص واصلح كل حاجه فى التوكيل وكنت فاكر سعر الصيانات هيا شامله كل حاجه والى انا فهمته من الموقع ان اسعار قطع غيار السياره غاليه جدا لما اسمع ان فوانيس الشبوره 1500جنيه وتيل الفرامل ب350جنيه يبقى انا كده مش عارف كده العربيه مصيرها ايه مع الضمان يريت يا جماعه تفدونى

ازاى حضرتك تحجز العربية وبعد كدة تسال على قطع الغيار...

على العموم العربية منتشرة واكيد قطع غيارها مش غالية للدرجة

ومبروك

**tutankhamoun** · 09-07-2009 08:26 AM

الصيانات الدورية في التوكيل مش غالية للدرجة اللي أنت فاكرها .
و تغيير فانوس شبورة مش من الحاجات اللي بتتغير في الصيانات الدورية .
يعني لو تم كسر فانوس مثلا ( ربنا ما يجيب كسر إن شاء الله ) مش لازم تشتريه من التوكيل ..
إنما لو حاجة في المحرك محتاجة تغيير ........ لازم التوكيل علشان المحرك ما يقعش من الضمان .
و في النهاية الكلام اللي أنت خايفه منه ده مش هايحصل غير في حالة واحد و هي لا قدر الله الحوادث .

إنما الصيانات الدورية دي لابد منها للحفاظ على العربية في أفضل اداء لأطول فترة ممكنة ....
يعني الصيانات الدورية ثمن طول عُمر المحرك إن شاء الله .

و الصيانات الدورية دي بتبقى تغيير زيت و فلتر زيت ...... و الحاجات اللي بتتغير في كل صيانة ....... بالاضافة للكشف الشامل على العربية من الألف للياء عند كل صيانة لضمان عملها بأفضل حال .

يعني إن شاء الله متخفش و ربنا معاك بإذن الله .
و كل لما تحافظ على العربية و تسوق براحتك و متعاندش مع حد على الطريق و متسوقش بسرعة ملهاش لزمة
عربيتك هاتفضل في أفضل حال لأطول فترة ممكنة .
و إن شاء الله تستلم على خير ......... و ربنا يباركلك فيها و تحافظ عليها .

**eljokar8** · 09-07-2009 01:22 PM

شكرا يا جماعه على الرد بس والله انا بسال دلوقتى على قطع الغيار لانى خلاص كنت مظبط على فرنا ولما اروح خلاص احجز عجبتنى النيو اكسنت اكتر من الفيرنا بصراحه فقررت اجيب نيو اكسنت وعلى العمووم الله يبارك فيكوم يا شباب هيونداى

**mor000** · 09-07-2009 10:45 PM

بوس يا عم قصدى بص يا عم هناك فرق بين الصيانه الدوريه بتاعت التوكيل وقطع الغيار اللى تقدر تسميها كماليات
صيانه التوكيل بتبقى على عيوب تصنيع تظهر فى العربيه بعد ما تشتريها هاديك مثال انا مستلم عربيتى الاكسنت فى شهر مارس 2009 عملت صيانه 1000 او صيانه بتبقى مجانيه مدفععتش مليم غير غيار الزيت 5000 وتمنه 95 جنيه ولا مصنعيات ولا فلاتر ولا اى حاجه بعد كده رحت اعمل صيانه الخمسه لاحظ بقى الفرق هنا بالصدفه الكتاوت بتاعت السنتر ولانذار بازت قبل ما اروح التوكيل بيوم رحت عادى عملت صيانه 5000 دفعت برضه غيار زيت شل هيليكس 95 جنيه فلتر زيت 30 جنيه 25 جنيه مصنعيات طبعا ده كله بعد تزبيط العربيه عموما نيجى باه للكتاوت اللى اتحرقت دى بقا عيب تصنيع خدت بالك معايا جوم ايه غيروها ببلاش من غير ما ادفع مليم حتى الجريده اللى فى الباب الشمال كانت مخلوعه رحت برضه اشترى واحده جديده لاقيتها عامله 166 جنيه قمت شارى تلات تيل للجريده الواحده بتلاته جنيه برضه من التوكيل عرفت باه الفرق مابين الصيانه ومابين الضمان يعنى لو الكاسيت باز لقدر الله برضه تدخله ضمان وعموما النيو اكسنت بجد مش عشان هى معايا جامده موت وطلقه كمان وتحت الامر انا مش طبيب ولا دكتور انا مجرب واسال مجرب ولا تسال طبيب يا صاحبي