انا قدامي عربيه 128 موديل 1975 اشتري ولا لأ ....... أفيدونا

السلام عليكم ورحمه الله وبركاته،،،،،
انا عضو جديد معاكو يا جماعه ومحتاج مشورتكوا ضروري جدا جدا جدا
انا عايز اشتري عربيه وكل اللي معاي 11 الف جنيه ومش هايزيدوا قبل سنه من دلوقتي
المهم انا قدامي عربيه 128 موديل 1975
1100 سي سي
رشه دواخل
والكاوتش عايز يتغير
الثمن 10 الاف جنيه

انا لسه ماكشفتش على العربيه يعني انا كلمت سمكري ولو فعلا ناويت هانروح نفحصها يوم الجمعه بإذن الله.
فى ملاحظه مهمه ، انا لسه بتعلم السواقه يعني العربيه هاتتعذب معايا

اللي انا محتاج فعلا اعرفه يتمثل فى الاتي :
1- اانا اعرف ان العربيه اللي رشه دواخل يعني عامله حادثه .... هل ده ليه تأثير خطير على العربيه فى حاجه.
2- ايه المشاكل اللي ممكن اقابلها من الموتور 1100 سي سي مع العلم اني ساكن فى ااشيخ زايد وشغلي فى مدينه نصر.
3- ثمن الكاوتش الجديد كام ؟؟؟؟؟
4- هل لو انا توكلت على الله قررت اني اشتريها ده هايكون قرار صح ولا لأ؟؟؟؟؟

مستني مساعدتكوا ليه لاني فعلا محتاجها جدا .

يا ريت محدش يقولي المواصلات احسن لان اللي يقول كده اكييييد اكييييد ما بيركبش مواصلات .:36_7_4[1]:

كل ده وجع دمااااغ انت فى غنى عنه ..

11 الف يجيبوا لك موديل 87/88 فابريكة يعنى لا حادثة ولا يحزنون .

و ال 128 سعر قطع غيارها رخيصة , اى نعم كل شوية هتغير حاجة فيها بس مش هتغرم كتير و كمان هتستفيد خبرة فى مجال العربيات .

نصيحة ابعد عن العربية دى خصوصا انك لسه جديد فى السواقة .

اقتباس:

---

1- اانا اعرف ان العربيه اللي رشه دواخل يعني عامله حادثه .... هل ده ليه تأثير خطير على العربيه فى حاجه.

---

طالما هى موديل قديم يبقى مشرط تكون عامله حادثه بالعكس ده لازم تكون رشه دواخل علشان الباروما

اقتباس:

---

2- ايه المشاكل اللي ممكن اقابلها من الموتور 1100 سي سي مع العلم اني ساكن فى ااشيخ زايد وشغلي فى مدينه نصر.

---

المشوار كبير اوى لو هايتعمل كل يوم على بالعربيه وهاتصرف عليها كتير وانت هاتتعب

اقتباس:

---

3- ثمن الكاوتش الجديد كام ؟؟؟؟؟

---

لو مقاس 13 بتاعها مش غالى حوالى 175 ج للفرده

اقتباس:

---

4- هل لو انا توكلت على الله قررت اني اشتريها ده هايكون قرار صح ولا لأ؟؟؟؟؟

---

لو عايزه علشان تروح وتيجى بيها من شغلك يبقى قرار خطأ مع العلم انك ممكن تسافر بيها بس مش كل يوم طبعا

:satelite:تحياتى

أهلا يا أخ ميرو

128 و موديل 1975 و كمان رشة دواخل ؟؟؟؟؟؟؟؟؟؟؟؟

عزيزي بلاش منها لان السكة دي كلها مشاكل , أولا مشوار كبير من الشيخ زايد لمدينة نصر و الموتور ال 1100 سي سي مش هيستحمله , ثانيا رشة دواخل يعني أحتمال كبير عاملة حادثة جامدة و لاحمة شاسيه أو قوائم و ده بيأثر على سلامة السيارة .

ثالثا : موديل 1975 دي غالبا واكلاها البارومة لانها داخلة على 35 سنة و كل موديلات فيات القديمة كانت صاج عادي و ليس مجلفن كموديلات فيات من التسعينيات و حتى الآن .

أنا كان عندي 125 مو1977 ورثتها عن والدي و بعتها من ثلاثة اشهر و كانت البارومة واكلة الدواخل لكني لم أرش دواخل علشان اعرف أبيعها , يمكن علشان كده صاحبها رشها و يمكن زي ما قلت لك عاملة حادثة .

رابعا : في تصريحات من وزير التجارة بتتقال على تخريد الملاكي القديم زي التاكسي و غالبا و الكلام ليس مؤكد هيكون للعربيات من قبل سنة 1980 أو 1975 يعني ممكن سيادتك تشتريها و بعد 3 أو أربعة سنوات تفاجأ بهذا القرار .

عشرة آلاف كثير عليها لو لا بد زود الفين كمان و خد 127 مو 1983 و ما تكونش رشة دواخل .

سعر الفردة النسر حوالي 190 جنيه بدون شنبر و الشنبر حوالي 30 و لو جبت بيريللي بيكون سعر الفردة حوالي 350 جنيه تيوبلس

ربنا معاك

لأ ماتشتريهاش و اللي هاتصرفه علي تصليحها و أعطالها كل شوية أصرفه مواصلات أو قسط عربية جديدة أحسن

العربية 75 يعنى لازم تكون رشة برة وجوةبس الفرق رشة نضافةولا حادث لوحادث العربية عمرها متكون مظبوطة مهما صرفت عليها .
لازم تاخد معاك سمكرى يون معرفة جامدة مش واحد يبيعك علشان العمولة واعمل استخارة واعقلها وتوكل

والله نصيحه لوجه الله
ابعد كل البعد عنها هتتبهدل معاها دي موديل 75
ولو معملتش حادثه هتبهدلك برده كل يوم مصاريف ومش هتعرف توفر منها فلوس خالص
وبعدين هتصرف عليها علشان تظبطها بتاع 5 الاف جنيه علشان تظبطها صح وتعرف تركب وبعد سنه واحده هتفتح بقها وهتحتاج مصاريف تاني
ولو قررت تبعها هتخسر كل الي صرفته عليها
الله الغني عنها
المواصلات علي الاقل حيرتها في انتظارها انما تصور لو ماشي وفجئه عطلت واتصل بقي بالميكانيكي واسحب يامعلم واقعد بالساعات في الورشه وحر وقرف
انا بكلمك من واقع تجربه سابقه مع نفس العربيه موديل 76
ياراجل انفد بروحك واوعي الشيطان يضحك عليك هتندم اشد الندم
اللهم بالغت اللهم فشهد

11 الف ايه دول اللى يجيبوا 128 موديل 88 ؟
ممكن تلاقى بس متبصش لحالتها لانها هاتكون 100% متهالكة و تعبانة و كلها قرف
11 الف زود الف ولا اتنين و هات 127 حالة نضيفة احسن
و خليك فى موديلات من 1980 ونتا طالع عشان تبقى مطمن من حوار الاحلال دة لو تم تنفيذه

اقتباس:

---

المشاركة الأصلية كتبت بواسطة hacker5

11 الف ايه دول اللى يجيبوا 128 موديل 88 ؟

---

هههههههههههه تصدق مخدتش بالى , كان قصدى اكتب 79 / 80 .

11 الف يجيبوا موديل 79 او 80 بالظبط .

فوق كده هتعمل 12 و شوية .

1- العربيه غاليه
2- الـ128 قليل لما تلاقيها عامله حادثه بس كتتتيير لما تلاقيها البارومه واكله ابوها وخصوصا دى 75 بعيد قوى
3- مشوارك سفر انت اقل من الـ100 بشويه العربيه دى ماتسافرش كل يوم وانا اقصد بالعربيه دى (128 - 1100 سى سى - 1975) كل المواصفات دى ماتنفعش تروح المشوار دا كل يوم

-الحلول
- لو تقدر على القسط قسط
- لو تقدر تزود شويه يبقى حاجه تستحمل اعتقد ان اللادا هى الاقرب
- او تشترى فى حدود السعر دا وماتروحش بيها الشغل كل يوم

والله أعلى وأعلم

ودمتم زى الفل

والله يا جماعه انا مش عارف اقول ايه ، انت فعلا ناس كويسه جدا وانا استفدت من ارائكم كتير.
طبعا انا خلاص صرفت نظر عن العربيه بس كان فيه سؤال صغير لو اناى عرفت اوصل المبلغ اللي معايا الى 15 الف جنيه ( ربنا يخلي الحاج والحاجه بقي ) دول ممكن يجيبه حاجه تستخمل المشوار الفظيع بتاعي لان السبب الاساسي اني عايز اجيب عربيه ومستعجل عليها اني بيطلع عيني كل يوم من ساعتين لساعتين ونصف علشان اروح الشغل وزيهم علشان ارجع .

معلش يا جماعه سؤال تاني مهم جدا .....
الناس اجمعت ان الـ 128 اللي موتورها 1100 سي سي ماينفعش تروح مشوار زي ده وبرضه الاغلبيه نصحتني اشتري 127 ( موتورها 900 سي سي ) فهل الـ 127 هاتستحمل مشوار كل يوم من زايد لمدينه نصر ؟؟؟؟؟؟؟؟

اقتباس:

---

المشاركة الأصلية كتبت بواسطة miroooo1977

معلش يا جماعه سؤال تاني مهم جدا .....
الناس اجمعت ان الـ 128 اللي موتورها 1100 سي سي ماينفعش تروح مشوار زي ده وبرضه الاغلبيه نصحتني اشتري 127 ( موتورها 900 سي سي ) فهل الـ 127 هاتستحمل مشوار كل يوم من زايد لمدينه نصر ؟؟؟؟؟؟؟؟

---

طيب أزاي ؟؟؟؟؟؟

اقتباس:

---

المشاركة الأصلية كتبت بواسطة miroooo1977

معلش يا جماعه سؤال تاني مهم جدا .....
الناس اجمعت ان الـ 128 اللي موتورها 1100 سي سي ماينفعش تروح مشوار زي ده وبرضه الاغلبيه نصحتني اشتري 127 ( موتورها 900 سي سي ) فهل الـ 127 هاتستحمل مشوار كل يوم من زايد لمدينه نصر ؟؟؟؟؟؟؟؟

---

لا طبعا

15000 ممكن تفكر فى لادا

نصيحة لا تعذب نفسك و تخسر فلوسك و فلوس الحج و الحجة كمان المبلغ معاك + المشوارك اليومي = خسارة فلوسك و عذاب عند المكانيكية غير الأعطال المفاجئة في طريق صعب حاول تنتظر حتي يكون مبلغ أكبر أو أدفع مقدم و قسط لو تقدر , أو حاول لادا مويل 1999 او 2000

كلام الإخوة اللي فات كله مظبوط جدا وده من واقع تجربة مريرة مشابهة لتجربتك
وياريت تصبر شوية وما تستعجلش
لأن أنا في الأول استعجلت كده وجبت ١٢٨ موديل ٧٩ وورتني الويل وضيعن علي فلوس كتير قوي وقدر الله وما شاء فعل
بال١٥ ألف ممكن تدور على لادا تمانيات حالتها كويسة وبرضه ممكن تحط ال ١٢٤ وال ١٢٥ في اختياراتك وده طبعا لو العربية ضرورية قوي قوي قوي دلوقتي وممكن تاخد الريسك بتاع مصاريفها
لكن نصيحتي استنى شوية واستحمل وحتلاقي الدنيا نورت قدام إن شاء الله بس بشرط تحافظ على الفلوس وتزودها عشان تعرف تجيب اللي انت عاوزه
ربنا يباركلك ويوفقك لكل خير

هو اذا كان على المشوار هاتستحمل
بس لازم تصرف كتير
طبعا قصدي على موديلات تمنينات
لكن سبعينات المشاور جامد مش على الموتور على العربية المتهالكة
ما تبديش بازيرو واقساط وانت بتتعلم
بس ما تبدتيش باجة هلكانة وانت مشوارك مميت
لانك مش هاتقعد ساعتين في الطريق
انت هاتنام في الطريق
موفق ان شاء الرحمن

اقتباس:

---

المشاركة الأصلية كتبت بواسطة miroooo1977

معلش يا جماعه سؤال تاني مهم جدا .....
الناس اجمعت ان الـ 128 اللي موتورها 1100 سي سي ماينفعش تروح مشوار زي ده وبرضه الاغلبيه نصحتني اشتري 127 ( موتورها 900 سي سي ) فهل الـ 127 هاتستحمل مشوار كل يوم من زايد لمدينه نصر ؟؟؟؟؟؟؟؟

---

طبعا مش هتستحمل حتى و لو كانت موديل أحدث , ال 127 تروح بيها المشاوير العائلية في أيام الاجازات مع الوالد و الوالدة أو الزوجة و الاولاد لو كنت متزوج و ممكن تروح بيها مشوار الشغل اليومي ( لو كان قريب ) يعني لا يتعدى من 20 الى 25 كيلو يوميا رايح جاي .

لو 15 الف ممكن تجيب لادا أو 125 أو بولونيز و كلها عربيات زلطة و تستحمل البهدلة لكن أبعد عن موديلات السبعينيات
حاول تخليك في الثمانينيات علشان موضوع الاحلال و التجديد اللي بيتردد بقوة اليومين دول .

ممكن لادا مو 82 أو 83 و ممكن 125 مو 83 أو 82 بولندي .

اقتباس:

---

المشاركة الأصلية كتبت بواسطة abdelmessih67

طبعا مش هتستحمل حتى و لو كانت موديل أحدث , ال 127 تروح بيها المشاوير العائلية في أيام الاجازات مع الوالد و الوالدة أو الزوجة و الاولاد لو كنت متزوج و ممكن تروح بيها مشوار الشغل اليومي ( لو كان قريب ) يعني لا يتعدى من 20 الى 25 كيلو يوميا رايح جاي .

لو 15 الف ممكن تجيب لادا أو 125 أو بولونيز و كلها عربيات زلطة و تستحمل البهدلة لكن أبعد عن موديلات السبعينيات
حاول تخليك في الثمانينيات علشان موضوع الاحلال و التجديد اللي بيتردد بقوة اليومين دول .

ممكن لادا مو 82 أو 83 و ممكن 125 مو 83 أو 82 بولندي .

---

مفيش بعد كده كلام

الأخ ميرو بعد التحية ممكن أنصحك زى ما الاخوان نصحوك واقولك اصرف نظر عن العربية دى لأنها موديل قديم ومشوارك بعيد جدا عليها يومياً وزى ما اتفضلوا الإخوان وقالوا لو تقدر تقسط وتجيب حاجة جديدة يكون أحسن لك واريح لك لأنها أكيد كلها مشاكل وكل يوم عند ميكانيكي شكل والله يسهلك الأمور ويرزقك بأحسن منها

يا جماعه انا فعلا عاجز عن الشكر .............
انا حاسس اني كنت هاتدبس تدبيسه وحشه اوي لكن الحمد الله ربنا ستر والبركه فيكو :satelite:

المهم انا كنت راكب عربيه ةاحد صاحبي امبارح ( بيتلز موديل 73 او 74 ) ما شاء الله العربيه حلوه جدا وصاحبي قعد يشكر فيها كتير ويحكي لي هي اد ايه حماله اسيه ، على فكرة انا صاحبي شغال SALES وبيعمل بالعربيه فى حدود 4000 كيلو فى الشهر وهومش عايز يبيعها خالص ومقتنع بيها جدا
وقالي كمان ان تمنها دلوقتي فى حدود 15 الف جنيه ..... :36_1_1[1]:

فا ياريت تقولولي رايكو وهل هي فعلا حلوه كدة ورخيصه كده علشان لو كدة انا ما هصدق :3mla:

بص بقى يا معلم ......انا جيتلك........


انت قدامك اختيارين مالهمش تالت............


127 ايطالى ....(انا بروح بيها من شبرا للعبور........) رايح جاى .......وبتجرى لحد 110 عادى ........(موتورى 900 سى سى )..........


يا اما بقى تخليك فى الوحش ........البيتلز طبعا.......


عربية منها للسما.......ولا بتسخن ولا ليها دعوة بالشارع .........

والله الموفق.........

ولو عزت اى حاجة انا معاكككككككككككككككككككككك ككككككك........................

لو مش همك الشكل القبيحححححححححححححححححححح حححححححححححححح وكل همك المشوار يبقا البتلز وباقل من 15 كمان

بلاش لان دواخل دى يعنى العربية متبهدله

انا كا عندنا عربية عملت حادثتين ومترشتش دواخل

وبلاش تجيب قديم عشان لو نزل القانون بتاع 20 -30 سنة

دى قديمة اوى وزمانها اتهلكت

حتتعبك
مشوارك طويل
والعربية قديمة
والمستعمل بيفتح
زود مبلغك
وقرب شوية في العمر
أو ادفعه مقدم لعربية زيرو
انشالله ماروتي
حترتاح

اقتباس:

---

المشاركة الأصلية كتبت بواسطة miroooo1977

السلام عليكم ورحمه الله وبركاته،،،،،
انا عضو جديد معاكو يا جماعه ومحتاج مشورتكوا ضروري جدا جدا جدا
انا عايز اشتري عربيه وكل اللي معاي 11 الف جنيه ومش هايزيدوا قبل سنه من دلوقتي
المهم انا قدامي عربيه 128 موديل 1975
1100 سي سي
رشه دواخل
والكاوتش عايز يتغير
الثمن 10 الاف جنيه

انا لسه ماكشفتش على العربيه يعني انا كلمت سمكري ولو فعلا ناويت هانروح نفحصها يوم الجمعه بإذن الله.
فى ملاحظه مهمه ، انا لسه بتعلم السواقه يعني العربيه هاتتعذب معايا

اللي انا محتاج فعلا اعرفه يتمثل فى الاتي :
1- اانا اعرف ان العربيه اللي رشه دواخل يعني عامله حادثه .... هل ده ليه تأثير خطير على العربيه فى حاجه.
2- ايه المشاكل اللي ممكن اقابلها من الموتور 1100 سي سي مع العلم اني ساكن فى ااشيخ زايد وشغلي فى مدينه نصر.
3- ثمن الكاوتش الجديد كام ؟؟؟؟؟
4- هل لو انا توكلت على الله قررت اني اشتريها ده هايكون قرار صح ولا لأ؟؟؟؟؟

مستني مساعدتكوا ليه لاني فعلا محتاجها جدا .

يا ريت محدش يقولي المواصلات احسن لان اللي يقول كده اكييييد اكييييد ما بيركبش مواصلات .:36_7_4[1]:

---

مدام صرفت نظر مش حعلق خصوصا وات الاعضاء اوفوا

اقتباس:

---

المشاركة الأصلية كتبت بواسطة miroooo1977

والله يا جماعه انا مش عارف اقول ايه ، انت فعلا ناس كويسه جدا وانا استفدت من ارائكم كتير.
طبعا انا خلاص صرفت نظر عن العربيه بس كان فيه سؤال صغير لو اناى عرفت اوصل المبلغ اللي معايا الى 15 الف جنيه ( ربنا يخلي الحاج والحاجه بقي ) دول ممكن يجيبه حاجه تستخمل المشوار الفظيع بتاعي لان السبب الاساسي اني عايز اجيب عربيه ومستعجل عليها اني بيطلع عيني كل يوم من ساعتين لساعتين ونصف علشان اروح الشغل وزيهم علشان ارجع .

---

لازم تعرف انها حاجة صعبة جدا انك نلاقس عربية اقطع المشوار ده بالسعر ده
اقرب حاجة اللادا واقل من موديل 82 حبكون مش مضمون

اقتباس:

---

المشاركة الأصلية كتبت بواسطة miroooo1977

معلش يا جماعه سؤال تاني مهم جدا .....
الناس اجمعت ان الـ 128 اللي موتورها 1100 سي سي ماينفعش تروح مشوار زي ده وبرضه الاغلبيه نصحتني اشتري 127 ( موتورها 900 سي سي ) فهل الـ 127 هاتستحمل مشوار كل يوم من زايد لمدينه نصر ؟؟؟؟؟؟؟؟

---

900 سي سي بس العربية اخف في الوزن والمونور احدث واقوي