ايه اللى تاعبك فى شغلك!!!

**megaman** · 07-07-2009 04:04 PM

ايه اكتر حاجات بتضايقك من شغلك ؟؟؟ انا مثلا بخرج من البيت 11 او 11.30 وبرجع تانى 11.30 !! عدم التخصص فى الشغل يعنى يتطلب منك اى حاجه فى اى وقت من اى شخص وفى النهايه كله مقصر وكله ملام حتى لو انجزت !! مفيش تقدير معنوى حاجه كمان عندى 3 مديرين !! تخيلوا بقى الحصار ومحدش يسال ازاى الاجازه يوم واحد ممكن ادخل البيت 12.30 او1 مفيش وقت لنفسك او بيتك او اولادك حنعمل ايه اكل عيش وكله عشان الاولاد يلا كل واحد يحكى ايه اللى تاعبه فى شغله

**Morieno** · 07-07-2009 04:10 PM

1- أجازة يوم واحد
2- العائد المادى
3- ضياع الهيكل المنتظم للشركة
4- ضبابية الحدود بين الوظائف والمهام
5- اكترحاجه تعبانى انى بحبها والا كنت ضربتها 100 صرمه ومشيت وتولع على اصحابها

بس لو فى حد عنده اوفر بعائد مجزى حبتين انا جاهز

ودمتم زى الفل

**elassar2010** · 07-07-2009 04:15 PM

انا الى قارفنى
1-بتعامل مع موظفين الحكومة يوميا واجارك الله من معاملتهم
2-الاكراميات الى بتدفع يوميا علشان الشغل يخلص
3-العائد المادى

**نور القمر** · 07-07-2009 05:12 PM

انا في شغلي مع ان العائد المادي كان كويس لانه معتمد على توفيق ربنا اولا ثم على المهارة والنشاط
لكن بجد كرهته بسبب نوعية الناس اللي بتعامل معاهم معظمهم شباب خليجي صغير السن منتهى التفاهة
بجد انا مش فاكرة غير 3مواقع بس اللي اصحابها يستحقوا الاحترام

**abzoabzo** · 07-07-2009 05:31 PM

هما يتهرو مكفات
واحنا نضحى بعمرنا ومش عاجب
اتفوووووووووووا على ده نظام

**KHALED AYMAN** · 07-07-2009 05:42 PM

انا تاعبنى من شغلى :
1-قله العماله بدرجه كبيره بالرغم من ارتفاع العائد المادى عندنا و توفير وسائل مواصلات و راحه و معامله و كل حاجه حتى العلاج بيكون على حسابنا و كل ده و مفيش عمال و الى موجود ملوش مزاج يشتغل..
2-كميه الاتاوات الى بتدفع لموظفى الحكومه و تناحتهم و طلباتهم ...
3-مش عارف احدد وقت لاى حاجه لانى بروح الشغل فى اى وقت ممكن الفجر اضطر اروح بس الطبيعى من 9 الصبح ل 9 بالليل ..

ملحوظه :
الشغل ده بتاع والدى و انا معاه فيه ... وحاليا انا 18 سنه يعنى مهما كان مش هكون حاسس بقيمه المشاكل زى والدى ..فتخيلو انتو بقى كم الحاجات الى مضايقاه ...

ربنا يعونا على نفسنا....

**MRBEBO** · 07-07-2009 06:15 PM

انا ايه تعبني في الشغل

عدم وجود التقدير الكافي حتى لو الواحد اشتغل بايديه وسنانه زي ما بيقولوا

في بعض الاحيان بتلاحظ ان المديرين ليهم ناس ناس يعني حد من وجهة نظري شغله نص نص وميستهلش التقدير بيقدروه

غير الزملاء اللي في نفس القسم بتاعك ممكن تلقيهم بيضربوا فيك زونب علشان يبينوا انك حمار ومبتفهمش وهما اللي شايلين الشغل ومن غيرهم العملية تبوظ

غير ان الزيادة في المرتب على مزاج صاحب الشغل وملهاش ضوابط وساعات كتير بتحس ان حقك ضايع

**A.Saad** · 07-07-2009 06:34 PM

قلة العائد المادى
التمييز الشديد للادارة العليا
عدم وجود مواصلات او اى امتيازات
البارشوتات : البهوات اللى قريب طنط وبتاع ييجى من برة وتلاقيه خد منصب اعلى منك وكمان سنه اصغر يعنى انسى الترقية
المدير ين الجبناء

**ASKAFRAWY** · 07-07-2009 07:03 PM

هو ممكن الموضوع يبقى ايه البيعجبك فى شغلك؟
اصل تقريبا كل شغل و له عيوب
انا مشكلتى مع شغلى (مهندس بحري)
- عدم استقرار بالشهور و البعد عن الاهل و الاصدقاء
- تجبرك انك تتعامل مع ناس اقل منك فى المستوى العلمى و الادبى لانك غصب عنك شغلك هو مكان نومك(على السفينة)
- فرص التعرض للامراض اكتر لانك بتتعامل مع غازات سامة احيانا وطبعا غازات العادم دة عادى
- عدم التقدير و دة التعبنى بجد فى شغلى
-اجهاد بدنى و ذهنى بصفة مستمرة وتتعرض لضغوط عصبية يوميا نتيجة الاعطال المفاجئة او لسوء الاحوال الجوية التى قد تعرضك للغرق.