الموضوع: خمسة فرفشة

واحد صعيدى سايق عربيه فعمل حادثه و موت 122 واحد ، الظابط بيساله انت اعمى !! ازاى تعمل الحادثه دى ؟ الصعيدى قال له: انا كنت ماشى بالعربيه فجاة ماتلاقيتش فرامل و كان فيه اتنين واقفين على اليمين و فيه فرح فى الشمال ادخل فى مين يا باشا ؟ قال له فى الاتنين اللى واقفين و تسيب الفرح ..
الصعيدى قال له: انا عملت كدة والله ، واحد مات و التانى جرى على الفرح.. ما سيبتوش يا باشا

اثنان صعايدة بيلعبوا شطرنج ، فقال الأول: قتلتلك الحصان فأستأذنه الثاني شويه و رجع قال له: سممتلك البهايم كلها

مرة واحده بتقول لجوزها بكرة عيد جوازنا تحب نعمل ايه ... قال لها ! بكرة الصبح نقف دقيقتين حداد
طيار بيقول يا جماعة الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه.. قام الصعيدى بعدهم وفتح الباب وقال مصر رمز الفهلوة ....... وراح رامى المضيفه
عملوا مسابقة سباق السيارات فاشترك فيها واحد صعيدى وجه يوم السباق بعربية صغيرة موديل قديم قوى فالمسؤولين عن السباق قالوا له هتخش السبق ازاى بالعربية المهكعة دي؟ قال لهم الحكم بعد السباق المهم الصعيدى كسب السباق فالناس استغربوا قوى قالوله ازى العربية المهكعة دي كسبت السباق ؟! انت لازم حاطط فيها موتور طيارة .. بيفتحوا الكبوت لقو سته صعايدة عمالين ينهجوا

البنت: لما نتجوز أنا عاوزة أشاركك فى كل مشاكلك و متاعبك و أخففها عنك.
الولد : لكن أنا ما عنديش مشاكل. البنت: أيوه لإننا لسه ما اتجوزناش

مرة 3 عيال صعايدة بيلعبوا على الطريق السريع اللى تخبطه العربية مرتين يطلع بره

الزوجة : إنت دايما شايل صورتى معاك و رايح بيها المكتب ...ليه؟
الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.
الزوجة: شايف أنا أد إيه مهمة بالنسبة لك. الزوج: أيوه...ببص فى صورتك و أقول لنفسى " إيه المشكلة اللى ممكن تكون أكبر من دى؟"

مرة واحد صعيدي ماشي حافي فدخل مسمار في رجله .. الصعيدي قال للمسمار دخلت طب و حياة امك ما انت خارج

واحد مراته كل ما تسمع صوت وهما نايميين تحسب ان فيه حرامي و تصحيه فقال لها الحراميه مابيعملوش صوت .. بقت كل ما ماتسمعش صوت تصحيه

مرة واحد صعيدي حب يحتفل بعيد الطفولة عملها على نفسه

صعيدي تاجر في الموز خسر علشان بيرمى الموز المعوج

واحده حامل راحت تولد الدكتور طلع اول طفل ضربه على ظهره وحطه على جنب جه وطلع التانى وحطه على جنب بيطلع التالت ما رضيش يطلع قال للممرضه تعالى كملى انتى انا تعبت قام بص الطفل التالت وقال لها: الراجل اللى بيضرب العيال مشى ولا لسه

مرة واحد ندل بيموت فبيوصى عياله يكونوا اندل منه .... قطعوا عنه خرطوم الأكسجين

مرة واحد بيحلم كل يوم بماتشات كتاكيت... راح للدكتور... فقال له : هديلك حقنة دلوقتي ومش هاتحلم بيهم تاني خالص... قال له خليها بكرة يا دكتور علشان النهاردة ماتش النهائي

واحد خلف ولد و لما كان عمره خمس سنوات ولسه مش بيتكلم ... في يوم الولد تكلم وقال :خالو .. ثاني يوم مات خالو .. وبعد اسبوع قال الولد: عمو ... وثاني يوم مات عمو .. وبعد اسبوع قال الولد : بابا ... وثاني يوم مات جارهم

واحد صعيدى إشترى مصفة لقاها مخرمة رجعها

واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ...المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات زد العفريت:انا بعمل شاى بس

كان فية اتنين متجوزين جديد فقعد العريس ماسك قسيمة الجواز فى ايدة حوالى ساعة فسالتة مراتة انت لية
ماسك عقد الجواز فى ايدك؟ قالها بدور على تاريخ الصلاحية

صعيدى فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة
القائد : أول الضيف ما يدخل تضربوا 21 طلقة تحية للضيف .
الصعيدى : و لو الضيف مات من أول طلقة نكمل برضه ؟؟

واحد شرب المر رجعه.
واحد خًُُلقه ضاق إداه لأخوه الصغير.
واحد عداه العيب إستنى العيب اللي بعده.
واحد أكل جوز هند راحت هند لأكلت مراته.
واحدغلبه النعاس صمم يلاعبه تاني.
إتنين بيشوطوا الكورة واحد شاط والثاني إتحرق.
إثنين راحوا يصيدوا واحد صاد والثاني ضاد
مرة واحد بيعدي الشارع مع صحابه خبطته عربية مات نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."

منقوووووول

باين عليك صعيدي و النكت دي حكايات حصلت في عائلتك بس مكسوف تقول
هههههههههههههههههههههههه