عرض للطباعة
جاري اللي ساكن جنبي بياخد خصم من الصيدليات 10% على الادوية ... وبعض الصيدليات بيصل الخصم الي 12 % و الادوية المستوردة 8% انا باحاول برضه مع الصيدليات المجاورة علشان احصل على خصم مشابه
يا تري حد هنا بياخد خصم ؟؟؟؟ و كام %
ويا ريت لو الصيادلة الزملاء يوضحولنا الموضوع ده ...
كتم عالموضوع لان الصيدلية اللي هيتعرف انها بتعمل كده النقابة هتخرب بيته
علشان نرفع الحرج والضرر ..... من غير ذكر اسماء الصيدلياتاقتباس:
المشاركة الأصلية كتبت بواسطة ak1981
بس علشان نفيد بعض ونعرف الدنيا ماشية ازاي
..
وبعدين كبري الصيدليات في مصر بتعمل خصم وساعات من غير ما تطلب .... يعني اعتقد انه مش مخالف لأي قوانين
انا اقصد اكبر 3 صيدليات في مصر .... طبعا معروفين جدا
انا بتعامل مع صيدلية بتعمل خصم مش فاكرة كام بس اعتقد في حدود 10%
و نا اتعاملت مع صدلية برضه قبل كدة 10% ..
مش فاهم ...هي الصيدليات ليه بتدي خصم؟
معلش اصلي اول مره اسمع عن الموضوع ده
اصل بعيد عنك الناس بطلت تعيا والصيدليات جالها ركود فبيلموا زباين
ههههههههه
بس بيتهيالي انهم بيعملوا خصومات علي الادويه الي بيكونوا واخدينها بخصومات كبيره
او ممكن تكون الصيدليه سحبها عالي من شركات الادويه وبتاخد خصمات عاليه وبوانص وفي الحاله دي بيحاول يشغل نفسه علشان تفضل كفائته في السحب عند الشركه عاليه
وفي نفس الوقت يزود كميه الزباين اللي بتروحله
انا الحمد لله من كتر ادوية الضغط والسكر والمفاصل والمسكنات وادوية القلب وما ادراكوا اسعار ادوية القلب باخد خصم 10 % من تقريبا تانى مرة اتعاملت فيها مع الصيدلية.
تانى مرة اشترت فيها ادوية اول ما الصيدلية فتحت من سنيتين اشتريت ادوية بالف جنيه لما الدكتور كانت صعبان عليه.
احنا عندنا عمارتنا تحتيها مجموعة محلات من ضمنهم صيدلية وبتعمل خصم 10% لسكان العمارة بس لان الدكتور عامل اجندة مسجل فيها ارقام الشقق سواء طلبت دواء بالتليفون او نزلت انت تشتريه وكمان عارفنا وعارف السكان طبعا انما اى واحد من بره بيشترى الدواء من غير خصم يعنى نوع من الخدمة للسكان لاننا جيران
فعلا بناخد 10 فى الميه
لاكن مش كل الناس بتاخد الخصم ده
الا لما يكون حد زبو ن للصيدليه
عايز اقول لكم ان فيه ادويه الصيدليه بتاخد عليها اوفر 50 فى الميه
يعنى لو باع 100 علبه من دواء ما
ياخد 100 علبه مجانا
ده غير ان الصيدليات بتبالغ فى اسعار الاكسسورارت و مستلزمات التجميل
يعنى لو عملو خصم 10 فى الميه مش هتفرق معاهم
انا بتعامل مع صيدليه كنت الاول باخد خصم 8 % بس لما اتعرفت على الدكتور صاحب الصيدليه بئى بيديني 10 %
ليا واحد صاحبي فاتح صيدليه باسم اخته دكتوره وعمره ما فكر يعملي خصم ربع جنيه ههههههههههههههههههههههههه ههههههه
انا اعرف صيدليه عندنا بتدينا خصم 10 % على ادويه انت بتاخدها
انا فعلا والدي ووالدتي ربنا يديهم العمر و الصحة بيتعاملوا مع صيدلية بصفة مستمرة بس بياخدوا بصراحة منه كميات من الادوية كتيرة نوعا و بانتظام فعلشان كده بيديهم خصم 10% فعلا
الوالد والوالده بيتعاملوا مع صيديلتين وبياخدوا خصم من 10-15 % وده لان الادويه بتعدي ال500 جنيه ومعظمها ادويه للضغط والسكر والقلب ...وربنا يشفي الجميع
%10
ايه
الصيدليات يتراوح مكسيها علي اي دواء من 30 الي 50 % من سعر الدواء ده غير البونص ده غير العروض ده غير لو واخد استوك
ف 10% ده كلام فاضي
معلش انا دكتور وفاهم المواضيع دي صحيح انا مش صيدلي بس برده في المجال
وانا بسحب دواء بكميات كل شهر
فلو اي صيدليه ادتني دواء بالسعر المكتوب بظبطه علي الاقل خصم 25% من قيمه الدواء
علي فكره الموضوع ده فيه كمان بزنس
علي سبيل المثال وليس الحصر
ياتي مندوب شركة الادويه لاي دكتور ويعرض عليه دواء معين ويتفق معه علي نسبه معينه علي كل عبوه يتم صرفها من خلاله يعني بمجرد كتابته للدواء للمريض له عموله
وياتي الطبيب ويتفق ان هذا الدواء لايتم توفيره الا في ثلاث صيدليات مثلا ويتفق مع اصحاب تلك الصيدليات علي عموله اخري من ثمن الدواء
يعني الدكتور يأخذ الفيزيتا ويأخذ نسبه من ثمن الدواء من شركه الادويه ونسبه اخري من الصيدلي وكله علي قفا المريض
ولا حول ولا قوه الا بالله
علي فكره انا مبعملش الاسلوب ده لاني اعتقد انه حرام
بس بصراحه الي بعمله لو رايح اشتري دواء من صيدليه ومدنيش الخصم المناسب مبكتبلوش الادويه الي عنده وبكتب بدائل اخري والبدائل الاخري لكل دواء كثيره لغايه ميجيلي ويتحايل عليه ويقولي والنبي الدواء الفلاني اكتبهولي اصل خلاص فتره صلاحيه هتخلص وفي الحاله دي مبعبروش والبادي اظلم
أحصل على خصم 8 % بمجرد إظهار كارنيه عضوية نادى الشمس
و لكن فى إحدى المرات كان المتواجد فى الصيدلية صيدلى حديث و رفض إعطاعى الخصم و من ثم رفضت شراء الدواء
و ذهبت فى يوم آخر كان يتواجد فيه الصيادلة الأصليين للصيدلية و حصلت على الخصم
و من يومها إذا دخلت الصيدلية و وجدت نفس الصيدلى الحديث - أخبره بأننى سأعود فى وقت آخر .
بصو يا جدعان اجيبلكو من الاخر نظرآ لان ملقتش حد من الصيادلة اتكلم انا صيدلى عندى صيدلية الحمد لله وموضوع الخصم دا ابتدعتو بعض الصيدليات التعبانة الى كانت مش شغالة او فى شوارع جانبية مفيش عليهااا رجل ولما كترت الصيدليات زادت المنافسة وبقيت الصيدليات الجديدة عايزة تسحب زباين الصيدليات القديمة والعريقة فبتدت لعبة الخصومات تزييد وتوزيع الهدايا وممكن تكسب شكلاتة وهبل من دا كتيير وللاسف الناس كلهااا جرييت وراء الخصومات دى مع غفلة عن ما يحدث فى كواليس ذلك الامر وللعلم من النادر جدآ تلاقى صيدلية محترمة بتعمل الخصومات دى الا على بعض الامور البسيطة جدآ وبنسبة خصم بسيطة برضو لعدت اسباب اولأ ميثاق العمل الصيدلى بيشترط على الصيدلى الالتزام بلسعر المحدد من وزارة الصحة وليست الشركة المنتجة للدواء نفسهااا وتلزم الصيدلى بعدم الزيادة او النقصان فى السعر ومعارضة ذلك الاتفاق يعتبر مخالفة قانونية من حيث القانون اما من حيث مشروعية ذلك فى الاسلام فذلك غيير شرعى لان فى الاسلام فى مبدء يقول ان المسلمون عند شروطهم ولايجب الاتفاق على شرط لممارسة مهنة وبعد ذلك يتم الاتواء علية ومخالفتة دا من الناحية القانونية والتشريعية الجزء الثانى والمتعلق بجانب الحسابات الاقتصادية للصيدلى 1-هامش ربح الصيدلى الملتزم بلتعامل مع المصادر الموثوق بيهااا والمعتمدة معروف مسبقآ للضرائب ولوزارة الصحة وباقى الجهات المختصة وبيتم محاسبة الصيدلى على هامش هذا الربح وفقآ للانظمة المتفق عليهااا والتى تحدد متوسط هذا الربح وان زاد او قل نتيجة بعض العروض التجارية { البونص } على حجم التعاملات فعمليآ انا مثلآ لو ببيع ب2000 ج فمتوسط مكسبى 20% 400 ج بعد الضرايب والمصاريف والتوالف وغيرة ممكن تصفى حوالى 13% يعنى 260ج تذييد شوية او تقل حسب الظروف فبأنهى عقل يقول انى اضحى ب10% او5 %يعنى حوالى 140 ج متوسط من صافى 260 الا انا كسبتهم انا عندى اضحى بنص الزباين الى عندى يعنى 1000 مبيعات يعنى هكون كسبان اكتر برضو وهوفر ضرايب وعمالة وغيرة كتيير مثل نسبة التوالف وهبقى كسبان احسن اد كلو لو انا ماشى قانونى راجل محترم وبشتغل مع الشركات النضيفة وماليش فالعك ذائد ان فى كتيير من ذباين الى بتدور على الخصم مقرفيين فى التعامل وعايز ياخد خصم حتى على شريط الريفو مش كلهم طبعآ بس شخصيات كتيير ومبتكلمش على الحالات الى الخصم بيبقى فيهااا عامل انسانى او اقتصادى نتجة كثرة العلاج ومشقة الحياة ودى بيبقى ليهم معاملات خاصة طبعآ ومش محور كلامى اصلآ لان لا خلاف على ذلك لان دا جزء هام ورئيسى فى طبيعة عملنا انا كلامى على الى بيتبعوا السياسة دى لكل من هب ودب وبيعمموهاااا
السلام عليكم
انا اخويا صيدلي و مش عارف بيشترك في ايه في نقابه الصيادله و بيطلعله كارنيه يقدر يشتري بيه اي دواء بخصم من اي صيدليه
ده اللي اعرفه
انا باخد 10% يا حاج احمد علي المصري
و المستورد باخد عليه خصم بحسب الظروف ..ساعات 5 و ساعات 4%
و كان ليا صديق قبل كده كان بيشتغل في احد الصيدليات الثلاث الكبيرة ..كان بيجيبلي ب 15% .. بس ده كان مرات قليلة
أنا بتعامل مع صيدلية بجيب منها أدوية الوالدة (ربنا يشفيها) بخصم 15%.
الصيدلية عليها ضغط كبير رغم انها صيدلية صغيرة في شارع جانبي.
احدى الصيدليات الكبيرة (واحدة من الثلاث صيدليات الكبرى) كانت لا تعطي أي خصم رغم غلاء الأدوية.
نفس كلام دكتور dode2002 قالته لي واحدة قريبتي كانت شغالة مندوبة تسويق ادوية
10% ايه يا حاج حسناقتباس:
المشاركة الأصلية كتبت بواسطة hassan khalil
انا ممكن اجيبلك 500% خصم .... بس ما تبقاش تغيب عننا كدة
نورتنا يا ابو علي :b4_007:
اكملكم الحكاية الفات طبعآ عن الصيدليات المحترمة والمتزمة والتى لا تتلاعب نيجى للشق الخطيير فى الموضوع والى بيتمثل فى الصيدليات الى بتدى خصومات ذى ما الاساتذة قالوا الصيدليات دى لو مشيت بلشكل دا وهما محترميين لازم فى يوم من الايام هيخسرو ا ويفلسو واكييد سمعتوا عن صيدليات كدا كتيير لاكن الى بيقدر يستمر لازم يكون عندوا مصدر يزود بية هامش الربح وهنا تبدء المصيبة والتى يجهلهااا كثيير من الناس اولآ : اللجوء الى الادوية المغشوشة والى مؤخرآ انتبهت ليهااا وزارة الصحة واجهزة الاعلام كانت مركزة عليهااا الفترة الى فاتت واكييد كتير منكم سمع عنهاااا والجزئية دى تحتهاااا تفاصيل كتييير لان الادوية دى درجات وانواع على سبيل المثال فى دوا قلب اسمو بلافكس ثمنة 340 ج الاصلى طبعآ كتيير من مرضى القلب والشرايين يعرفوة دا موجود فى السوق بكذا شكل يبتدى من 90 العلبة وتصل الى 150 جنية ودا بيكون مطابق للاصل وفى بعض الصيادلة مبتعرفش تفرق بينو وبين الصلى من درجة اتقان الغش فى الوقت الى اعلى خصم ممكن الصيدلى يخدو فية 16% فى الاصلى يعنى حوالى 270 ج والدواء الشهيير الى مغشوش بردو وكتيير من الناس تعرفو هو الزنكال بتاع التخسيس ثمنو 420 ج واعلى خصم لية 12% يعنى العلبة تقف ب370 ج ممكن تجيب العلبة دى مضروبة من اول 70 ج وانتا طالع حسب الدرجة الجودة بتاعت الغش وفى بعض الدرجات يستحيل الصيدلى يتعرف عليهاا لانهااا مطابقة للاصل والفاصل الوحيد فى الموضوع دا انك تجبهااا من مصادرهااا الرسمية وتنطبق هذة القاعدة على شريحة كبيرة من الادوية تصل احيانآ للبريزولين ودى قطرة ثمنهااا 3ج تكلفت تصنعهااا مغشوشة حوالى 40 قرش فلو بعهااا 1.5 ج يعنى الصيدلى يخدهااا ب50% هيكونوا الاتنين كسبانيين وطبعآ مبيبقاش فيهااا ضرر للعميل لان اللى فيهااا مية مقطرة لاتنفع ولاتضر علشان هما عندهم زمة مبيحبوش يضروا المرضى ويشمل ذلك كثيير من ادوات التجميل والكريمات والشمبوهاات ودا اكييد ناس كتيير شافتوا لانهم ساعات بيعدو على البيوت بيهااا ويستحيل تفرق بينهااا وبين الاصلى بلعيين المجردة فى بعض الاحيان ويصل الامر للفوط الصحية وغيرو كتيييييييييييير ممكن ابقى اعملكم موضوع عن الادوية دى واسمأها وازاى ممكن تفرق بينهااا وبين الاصلى وبيصل احيانن الامر لادوية الغسيل الكلوى ومضاضات فيرس c والفشل الكلوى واى صيدلى قليل الخبرة يقدر يأكد لكم كلامى النوع الثانى من الصيادلة الغيير مضبوتيين والى بيدورو على زيادة هامش الربح ودول اقل ضرر من المافيا الاولى والى نسييت اقلكم ان نسبتهم مش قليلة فى السوق واحيانآ بيقع معاهم صيادلة محترميين قليلى الخبرة او بيحاولوا يزودو هامش الربح بلبحث عن خصومات اعلى على حساب البعد عن المصادر الرسمية الى بتدى هامش ربح ثابت النوع الثانى بيعمل تعاقدات مع الشركات خاصة وعامة او نقابات وبيقوم بأحد الامريين اما انو يلجآ للبدائل فى صرف الرشتات فيطلع فرق فى الحساب او يصرف العلاج للعميل من ادوية تأمين صحى مدعومة وتكون ممسوحة الاختام او يقوم بتبديل الادوية بمستحضرات تجميل بناء على طلب العميل نفسو ودا بيحصل كتيير جدآ جدآ فبذلك يبتدى الصيدلى يعلى هامش ربحو ا ودا صبعأ حرام شرعأ على الاتنيين لان لايجوز تبديل الادوية الا بادوية ودا اصل شرط التعاقد بين العميل والصيدلية والشركة المؤمنة علية ودا كلام دار الافتى مش كلامى
:original:اقتباس:
المشاركة الأصلية كتبت بواسطة aif
أعزك الله و أكرمك يا حاج أحمد
المكان منور باصحابه و حبايبنا
:)
اقتباس:
المشاركة الأصلية كتبت بواسطة ashrafsadany
هو ده الكلام الصح + 1111111111111111111111111111 :Ta_clap[1]:
انا باخد خصم 50 % .
ازاي يا درش ؟؟؟اقتباس:
المشاركة الأصلية كتبت بواسطة Terrible_DaRsH
:majd(4):
ده ديفيد شارل سمحون نفسه مش بياخد الخصم ده من شركة طيران العال
انت بتتكلم جد ؟
ايوه يا حاج احمد . ده كارنيه بطلعه باخد خصم 50 % .اقتباس:
المشاركة الأصلية كتبت بواسطة aif
بس ده تبع الوزارة اللى بتشتغل فيها والدتى , و بيتم سداد المبلغ المخصوم عن طريق حسابات غريبة شوية .
ياجماعة لازم تعرفوا الاول اصل الحكاية و منين جالكم الخصم دة لان اللعبة كلها سببها شركات الادوية و ال Dirty business بتاعهم
دلوقتى دكتور صيدلى او بيطرى او علوم حتى لسة متخرج و اشتغل فى الدعايا لشركة ادوية ما , الشركة بتطلب منة تحقيق تارجت عالى من مبيعات الدواء فى المنطقة الى بيشتغل عليها وفى الغالب لو محققهوش الشركة بترفدة فى النهاية لان كل الى يهمها مكسبها و بس
يجى مندوب الدعايا يشتغل طول الشهر على امل انة يحقق التارجت دة لكن لان التارجت عالى جدا على منطقتة ميقدرش يحققة و يبقى الحل الوحيد قدامة هو حرق الدواء
افهمكم يعنى اية حرق الدواء ,
ينزل مندوب الدعايا لمخزن ادوية ما و يبعلة الدواء بالخصم العادى بتاع الشركة مثلا 25% و يدفعلة فلوس من جيبة الخاص عشان يزود الخصم الى على الدواء الى 50% مثلا
وهو طبعا مضطر يعمل كدة عشان المخزن يوافق يشترى الكميات الكبيرة من الدواء الى الشركة فرضاها علية و الا الرفد و يبقى فى الشارع
ودة باالضبط هو مصدر الخصم الى بتاخدوة من الصيدليات , جيب مندوبين الدعايا
نيجى لجزئية تانية
دلوقتى صيدلية عايزة تدى خصم على الادوية لسبب ما طبعا متقدرش تشترى الدواء من شركات الادوية و لا من شركات التوزيع المعتمدة زى المصرية و المتحدة و غيرهم لان خصم الدواء الطبيعى عندهم ( الى هو مصدرة شركات الادوية ) فى حدود 25% , و تيجى سيادتك عايز كمان خصم علية 10% يعنى مكسب الصيدلية هيكون 15% فقط و دة ميكفيش مصرايف اى صيدلية زى الكهرباء و الماية و الضرايب و اجور الناس الى شغالة ....
يبقى الحل هو ان الصيدلية تشترى الدواء من مخزن ادوية بيتعامل فى الادوية المحروقة عشان خصمها عالى بيوصل ل 50% فلما تدى خصم 10 ولا 15 % للمريض يبقى برضة كسبان
لكن خلى بالكم مخازن الادوية دى زى ماهى مصدر للادوية المحروقة , هى كمان مصدر للادوية المغشوشة و منتهية الصلاحية لانها معليهاش رقابة من وزارة الصحة تقدروا تقولوا مخازن تحت بير السلم بيدرها تجار ملهمش علاقة بالدواء الى يهمهم المكسب وبس , النهاردة بيتاجر فى الدوا بكرة يتاجر فى الادوات الصحية
يعنى فى الاخر حضارتكم بتشتروا ادوية جزء من تمنها دافعهلكم شاب لسة متخرج و خايف يترفد من شغلة , و كمان مصدر الادوية دى هو بير السلم و الله اعلم اذا كانت مغشوشة و لا منتهية الصلاحية و متعبية فى علب جديدة
انا زبون عند صيدلية وباخد الخصم ده بس لما ادفع كاش
اقتباس:
المشاركة الأصلية كتبت بواسطة أحمد سالم
هههههههههههههه
مين اللى قالك كده ياباشا انتوا والله فاكرين ان الصيدلى ده بياخد العلاج ببلاش ويبيعه بفلوس
ياراجل حرام عليك اوفر 50 فى الميه دى جامدة اوى
وعلى فكرة فقط لا غير فكرة ان الصيدلية تعمل خصم 10 % ان هى بتجيب كميات كبيرة من الادوية من الشركات فبدل ما يعمل ليه خصم 10% بتعمل ليه الشركة خصم 17 ولا حاجة يبقى اهو عمل حوار على الزبون وحسسه انه عمل معاه واجب
وعلى فكرة انا اخويا عنده صيدلية وانا شغال فيها معاه
أيون كدة نورت المحكمة ..... يبقي مش خصم .... يبقى الشغل بتاع والدتك بيدعم الدواء لصالح العاملين لكن الصيدلي بيسترد القيمة المخصومة او جزء كبير منها .... بس برضه حتى لو دعم من جهة العمل ..... 50 % نسبة كبيرةاقتباس:
المشاركة الأصلية كتبت بواسطة terrible_darsh
لكن ازاي المندوب الشاب ح يدفع من جيبه عشرات الآلاف علشان يحتفظ بوظيفة ب 2 او 3 آلاف بالكتير ... هو يعني ح يكون اعنى من الشركة ...... فيه حلقة مفقودةاقتباس:
المشاركة الأصلية كتبت بواسطة memohamada
....
اعتقد ان الصيدلي اللي بيعمل خصم بيتنازل عن جزء من مكسبه علشان يزود مبيعاته وبالتالي يزود ارباحة بزيادة مبيعاته .... ده المنطقي ... الا لو فيه حاجات خفية احنا مش عارفينها
برضه ليا الشرف ارد عليك يا حاج احمد وعلي فكره انا مأخدش بالي من الموضوع ده الا دلوقتاقتباس:
المشاركة الأصلية كتبت بواسطة aif
الراجل ده يقصد يا باشا حاجه اسمها حرق الدوا مبعني؟؟؟اقتباس:
أرسل أصلا بواسطة memohamada
يعنى فى الاخر حضارتكم بتشتروا ادوية جزء من تمنها دافعهلكم شاب لسة متخرج و خايف يترفد من شغلة , و كمان مصدر الادوية دى هو بير السلم و الله اعلم اذا كانت مغشوشة و لا منتهية الصلاحية و متعبية فى علب جديدة
انا دلوقت مثلا من القاهره وانا بشتغل في احد شركات الادويه كمندوب دعايه اجي اروح ابلغ الشركه ان الصيداليه الفلانيه طالبه 5 علب من دواء معين في حين انها في الاصل طالبه علبتين بس
هتقولي طيب هيودي التلات علب فيييييين؟؟
الي بيحصل هينزل صيداليه بعيد عن المنطقه بتاعته ولنفرض انها في البحر الاحمر وينزل فيها التلات علب دول بتلت تمنهم ويدفع التلت الباقي من مرتبه
بحسبه بسيطه ومن المجمل لو مرتب مندوب الدعايه ممكن يبقي في حدود 2500 لـ 3000 بيعمل حسابه في 1000 جنيه مصاريف حرق الدوا علشان يوصل للتارجت بتاعه ويحقق الارقام المطلوبه منه ومينطردش من الشركه
اتمني اكون افادتك
A.Yakout
ربنا يخليك وترد عليا دايمااقتباس:
المشاركة الأصلية كتبت بواسطة nabaster
شكرا للمعلومة
بس من الآخر ...... نسبة هامش الربح بتاعت الصيدليات كام ....
لو 25% فعلا يبقي لو عمل خصم 10% و 10% مقابل المصروفات يعني ممكن يكون صافي ربحه بعد الخصم والمصروفات 5%
اعتقد لو مبيعاته زادت نتيجة الخصم يبقى النسبة مجزية برضه
...
تحليل تاني ممكن يكون اقتصادي شوية
لو فرضنا ان مصروفات الصيدلية الثابتة 5000 جنية في الشهر
كهربا ومرتبات وايجار وخلافه ...
لو مبيعات الصيدلية ضعيفة ... ممكن ما تكفيش لتغطية المصروفات
يبقى لازم يعمل خصم لجذب الزبائن وبالتالي مبيعاته ترتفع بالقدر اللي يجعل تغطية نفقاته الثابتة ممكنة .... وبعد كدة ممكن يبحث عن الربح .... وبعدين هما مش بيعملو خصم للجميع .... ده بيكون للعملاء الدائمين كثيري الشراء فقط
....
موضوع الحرق ده ممكن يكون جزء من القصة
لكن لما صيدليات العزبي تعمل خصم .... مش معقول العزبي بيعتمد على حرق الدوا في جميع الاصناف ....
على فكرة يا استاذ ابو النجا ...اقتباس:
المشاركة الأصلية كتبت بواسطة aboelnagah
انا عرفت مين صاحب الصورة اللي ف توقيعك ..... نجاح الموجي ..... صح
أنا بأخذ دعم تبع النقابة 10% للمصري و5% للمستورد .
وكمان بأخذ دعم حتى 70% للمستشفيات الخاصة درجة أولى .
وحتى 90% لأفل من ذلك .
وطبعاً الأماكن دي بستلم دليل بها من النقابة .
نقابة المحامين .
( مشروع علاج المحامين وأسرهم )
لما تتعامل مع صيدلية علي طول ويعرفوك حا يعملوك خصم
بالظبط كدة :b4_388:اقتباس:
المشاركة الأصلية كتبت بواسطة nabaster