الموضوع: الواجا الجديدة قلبت كل الموازين

اهلا وسهــلا بحضـــرتك

واسف بجد لو اتاخرت عليك فى الرد ... اصلى كنت نازل وقولت ارد عليك براحتى لما ارجع

المهـــــم

حضرتك عاجبك الواجا والجين .... وعاوز مقارنه بينهم

-----

العفشة : الاتنين ناشفينن ودا عشان الثبات اللى بتتميز بيه سيارات بروتون

الاعتمادية : هى الواجا اقدم بحاجه بسيطه ... بس الاتنين فى كتير معديين بيهم الــ100 الف كيلو ومبسوطين ... بس اقولك ...

باردوا الواجا مشاكلها اقل

السحب : اظن ان الجين افضل ... ودا عشان الفلتر الجديد المحطوط فى مو 2009 وماشفتوش فى الواجا الجديده

الوسع الداخلي بنسبة كام لكام : اكيد الواجا اوسع .. ممكن تقول بــ20 % حلو

التكييف : تكييف الجين جيد جدا ... ماجربتش الواجا

----

وهقول لحضرتك على كام فرق كمان

الواجا :-

شكل كلاسيك .... خاماتها الداخليه وتقفليها افضل .... مش منتشره .... قطع غيارها مش منتشره وغاليه مقارنه بالجين .... اوسع من الجين..... السحب اظن ان الجين افضل وخصوصا لان مافيهاش الفلتر الــiafm اللى موجود فى الجين .... بيعها هيكون اتقل شويا من الجين .... شنطه اوسع

الجين2:-

شكل شبابى ومميز ... خاماتها الداخليه وتقفيلها اقل بشويه من الواجا .... منتشر جدا عن الواجا ... قطع غيارها بقيت منتشره جدا برا التوكيل وبقيت انواع واشكال زى ماتحب ... اضيق من الواجا ... الجين اظن ان سحبها افضل ودا عشان الفلتر الجديد ... بيعها هيكون اسهل عن الواجا لانها مطلوبه اكتر ... سهل تعدل فيها


لو حضرتك عيلتك صغيره واغلب استخدامك للعربيه بتكون لعدد افراد مش كبير ... خليك فى الجين

----

وبخصوص الاسعـــار :-

الواجا الكامله
اوتو 90 .... مانيوال 84

واجا هاف اوبشن
اوتو83 ... مانيوال77

الجين

اوتو 91 ... مانيوال 85

-----

ملحوظه :-

ممكن تلاقى واجا دلوقتى فى التوكيل ... انما الجين اظن ان الدفعه اللى نازله كلها محجوزه

يارب اكون قدرت افيدك

وانا تحت امرك فى اى استفســــــــــــار

تحيـــــــــــــــــاتـــ ى

استاذ أيمن الله ينور عليك فعلاً مقارنة حيادية وواقعية جداُ
احب اضيف حاجة صغيرة ان تكييف الواجا جيد جداً في درجة السقوعية وكمان قوة المروحة..

ومن وجهة نظري انا شايف ان الواجا عربية شبابة وممكن اقول (عائلية سبور)
بالذات مع وجود الفوانيس الامامية والخلفية رائعة التصميم .
بالنسبة للخامات والتقفيل انا شايف الفرق كبير مش بسيط
من ناحية المساحة فالصالون والسنطة في صالح الواجا وعلى فكرة اكبر من البيرسونا ( تم قياسهم بالسنتيمتر )

تقبل تحياتي