صحيح هو اللمباط دي تركب فى الفوجات وتزود الاضائه
طيب نوعها ايه اللى تركب فى فوجات لانوس1
صحيح هو اللمباط دي تركب فى الفوجات وتزود الاضائه
طيب نوعها ايه اللى تركب فى فوجات لانوس1
اولا مبروك ليك يا باشا ع الاضائة الجديدة مع انها متأخرة
ثانيا انا كنت عايز اعرف بعد ما قريت الموضوع كلة فهمت ان الرالي اللي حضرتك جبتها هي الاحسن
طيب هل ممكن اركبها ع 128 و لا اية النظام و تبقي h كام ؟؟؟
و لو ينفع هل محتاج اغير الفوانيس مثلا و لا اية ؟؟؟؟؟
معلش هتعبك معايا
و جزاك الله خيرا ع منفعة اخوانك
الله يبارك فيك والف شكر
شوف يل باشا دى لمبة يعنى تركب ع اى عربية و اعتقد عندك حتكون h4 برضة
و طالما الفوانيس عندك كويسة و مش مشبرة و العاكس اللى جوة اللى عامل ذى المراية دة بيلمع و نضيف يبقى مش محتاج تغير حاجة
ركب انت بس كتاوت تعلية اضاءة و ظبط الرجلاش بتاع النور !
شكرا يا باشا ربنا يخليك ع ردك و اهتماك
و معلش بس هسألك سؤال كدة هو اية رجلاش النور دة و يتظبط ازاي معلش بقي اخوك معلوماتة محدودة شوية
تقريبا يااستاذ مايكل الشبورة بتعتك يااااة h3 او h1
بالنسبة للمقارنة بين ال Rally و ال Crystal vision
بيتهيالي كدة بقيت متأكد ان ال Rally افضل طبعا عشان اراء الناس اللي رديت هنا ع الموضوع
و كمان بعد البحث في المنتديات الاجنبية ( بس ملقيتش صور مجرد اراء )
الفيشن الضوء فيها مش بيفرش كويس و بيكون متركز للامام يعني الجناب ضايعة ( و الله اعلم )
كتير اووووي نصحوا بالرالي خصوصا مع الوات الكبير بتاعها و اللي اعلي من الفيشن
و اللي يحب يقرا بنفسة
يطلب ابعتلة الروابط في رسالة خاصة ( مش عارف الصراحة هل ينفع احطهم هنا و لا لا ؟؟؟)
يا جماعة كان العضو justs عامل موضوع عن عرض لمحل بيبيع اللمض دية كان لسة موجود النهاردة بس اتحذف المحل اسمة Tuning garage و اسم اللي شغال فية احمديا ريت لو اي حد يقدر يديني العنوان بالتفصيل او رقم التليفون اكون شاكر جدا
هوة فى شارع اسمه حسنى متولى
لو جاى من الجيزة
هتعدى الطالبية
هوة تانى شارع يمين
اللى على ناصيته فندق اوربا بس هوة قبله على طول
مواعيده
الجمعة والسبت من 12 الى 12
باقى الايام
من 6.5 مساء الى 12
الاحد اجازة
اما تدخل الشارع هوة على الششمال فى الاول
حوالى 150 او 100 متلر يعنى قبل اى تقاطع
وازاي اعرف انها اصلي ومش اصلي بيكون مكتوب عليها ايه مثلا
صور العلبة الاصلى موجودة عندك
شكرا يا سعد باشا ع المعلومات دي
بجد مش عارف اقولك اية
و سؤال بالنسبة ashouhdy
هيا الفوانيس الكريستال دي تعمل كام
انا عربيتي 128 فهركبها بس هعمل شوية تعديلات
بس سالت عليها في محل قطع غيار عادي قالي الواحد ب 25 جنية
و سالت في محل متخصص في الفوانيس و تعديلاتها عندنا في المعادي قالي الاتنين ب 150
اية رائيك؟؟
الفوانيس الكريستال بتفرق من ماركة لماركة و اعتقد ان 150 سعر حلو جدا عشان للفيرنا عندى ملقيتش غير ب 350 او 400 كمان فصرفت نظر عن الموضوع لأنة غالى كدة اوى الصراح بس ميزاتها انها يتعكس النور حلو اوى اوى
يا جماعة بالنسبة لمكان بيع اللمض دي
انا لسة شاريها من محل Tuning Garage
العنوان : 4 شارع حسني متولي ( بجانب فندق اوروبا ) متفرع من شارع الهرم
بكام بقا يا نجم
واخبارهم معاك ايه في فرق في الاضاءه ولا لا
مبروك يا باشا بس انا عايز اعرف اي لمض احسن ؟؟
philips crystal vision or philips rally
انا كده بقيت محتار
بس شكلى كده حشترى الراللى
و شكرا للافاده يا جماعه
الله ينور يا باشا
الكريستال عندى مركبها....نورها مش جامد للدرجه....بس الميزة انها من غير كتاوت ولا اى حاجة اعتقد دى هتبقى اقوى وبكتير كمان
هى أة الراللى اقوى من باقى الانواع و بكتييير كمان
بس يا جماعة دى مش زينون يعنى انا حاسس ان الناس فاكراها زينون !!
هى قوية جدا ماشاء الله و حلوة و بتقضى الغرض حلو جدا و تخليك سايق مبسوط بس يرضة مش زينون
انا روحت للقبارى اللى ورا مؤمن محمد نجيب
وقالى الرالى نورها اصفر عادى زى الفابريككه بس على اقوى
وجربت الدايموند فيجن على فانوسى ( جيتز )
لونه ابيض ابيض صريح وشيك بس برده مش شبه لون الزينون
شبه نور البى ام مثلا والمرسيدس الفابريكه
والرالى نورها قوى بس اصفر
انا عايز اجرب ال blue vision لانى عايز نور يكون قريب من اللبنى شويه
ابيض مزرق ... بدل ماجيب اللمبات المعفنه امو 40 جنيه اللى مش بشوف منها كويس
لو حد عارف ومجرب يفيدنى
الكريستال ب 190 ومش عارف نورها ايه نظامه فى اللون
لو انت دايس يا شهدى فى الحوار ده فيدنى وقولى الكلام ماشى ازاى
وانا يهمنى اللون المزرق شويه اكتر من القوه نفسها
سلااااااااااااام وارجو الرد
شفتها امبارح فى التوفيقية ب 25 جنيه اللمبة.. وبصراحة خفت منها.. بس هية هية اللى فة الصورة فياترى سعرها نزل ولا اللى انا شفتها مضروبة
شكرا عالرد يا شهدى
انا شكلى كده هجيب الدايموند عشان كمان لا كتاوت ولا اقص فى الضفاير ولا الهوا
وانشاء الله اول ماجيبها هعمل تقرير عنها جامد ويارب تطلع حلوه عندى
كنت عايزاسالك سؤال بره عن اللمبات
ان الباور فى الجيتز تيل شويه وكنت عايز احد نتيروجين فى العجل قدام
بس مش عارف اظبط الضغط على كام
عايز اخلهي 32 عشان الدريكسيون يبقى اخف
وخايف اعمله 32 ا ياثر فى مشوار الفرامل والعربيه تتزحلق مع الفرمله
لو انت عامل او حد عامل نيتروجين يقولى اظبطه كام
شكرا ليك يا مان
العفو يا باشا شوف ضغط النيتروجين 30 فى الاربع عجلات و انا حطة عندى من زمان و هو مش حيخفف الباور ولا حاجة هو بس مش حيحسسك بلمطبات و الحاجات دى يخلى العفشة انعم
متزودش الضغط عن 32 عشان حيأثر على ثبات العربية عشان انت كدة بتقلل الجزء الملامس للارض فى الكاوتش عشان كدة بيخف الدركسيون
و عموما هو الباور الزيت بيكون كدة تقيل حبة غير الباور الكهربا
زي الفل يا باشا
اكيد بريدجستون نضاف بس ساعات بيهجصوا رصصت كذا مرة و معجبنيش
النيتروجين لازم تشفط الهوا من الكاوتش بعدين تملاة تانى
و حتلاقى صوت المطبات مكتوم معاة بالذات عيون القط !!! مش عارف اشمعنا هى !!
[QUOTE=Michael_Lanos;996964]طيب واعرف المقاس ازاى[/QUOTE
فوجات الانوس على ما اعتقد h3
السلام عليكم
والله ياجماعه نقاس روعه من ناس زي الفل ومحترمه زيكم سؤاء شباب القاهرة او اليكس ((:
بس معلش اخوكم لسه بيتعامل مع عالم السيارة ومكيانيكا بتعتها ومعرفش اي حاجه فى اي حاجه ... ((:
بخصوص اللى تناقشتم فيه ايه اللى يناسب عربيتى فى الليله دي
عربيتى ماروتى 2007 ياريت يا شباب حد يفدنى لانى عايز اركب نور قوى ويغنينيى عن فوانيس الشبورة الاماميه
وتسلمو ورمضان مبارك عليكم وعلينا
((:
تسلم يا احمد باشااا الله يخليك
طب عامتاا بردو معرفش ايه هيا ال h4 او 3 اومشابه للاسف
بس اللى اعرفه انى غيرت اللمبه اللى جايه الفابريقه بتعات العربيه كانت تقريباا45/50 يعنى حاجه ضعيفه مهم
ورحت لوحد بتاع قطع غيار فيات واعتقد انه ادانى لمنه شاهين ع ما اظن وكان الاتنين ب60 جينه واكانت 90/100 اعتقد
ومغيرتش كتاوت او فيوز فا ايه حياة بقا ((:
وبعدين برضو معلش ايه انسب نوع لي من الانواع اللى شفتها لانى شفت كتير صراحه واجبهم منين وبكام
وسوري ع الاطاله يا احمد...((:
شكرا يا مان بس الزينون لا يعلى علية
بجد نورة اقوى بكتير