شركة خاصة تفتتح خمس محطات بنزين تحت اسم "طاقة"

عرض للطباعة

08-07-2009, 05:30 AM
blazer

شركة خاصة تفتتح خمس محطات بنزين تحت اسم "طاقة"

شركة خاصة تفتتح خمس محطات بنزين تحت اسم "طاقة"

7 يوليو 2009 - 13:8
http://contactcars.com/Images/News/L...-station_1.jpg
محطات البنزين بحاجة للتطوير
أعلنت شركة "طاقة لتسويق المنتجات البترولية عن افتتاح 5 محطات جديدة لتموين وخدمة السيارات تحت اسم "طاقة".

كما أعلنت الشركة خلال المؤتمر الصحفي الذي عقد ظهر يوم الاثنين، عن عقد اتفاق استراتيجي مع شركة "كاسترول" العالمية الرائدة في صناعة الزيوت المختلفة والتابعة لشركة "بريتيش بتروليوم BP" البريطانية.

وبموجب الاتفاق أصبحت "طاقة" هي الموزع الوحيد لمنتجات "كاسترول" بمصر مع الترخيص لها بإنتاج وخلط زيوت كاسترول محلياً.وذلك حسبما ذكرت صحيفة "اليوم السابع" المستقلة.

وقال تامر أبو بكر رئيس شركة "طاقة" لتسويق المنتجات البترولية، إن الاتفاق سيمكن الشركة من خدمة سوق متنوع ومتنامي يضم قطاع السيارات والقطاع الصناعي والبحري والطيران ، مؤكدا أن أولويات الشركة في تلبية احتياجات المستهلكين في مجال صناعة السيارات.

كما نجحت شركة "كاسترول" –والكلام مازال لأبوبكر- في إبرام شراكة دولية مع شركات "BMW ، فولكس فاجن ، أودي ، فورد، مرسيدس ، بورش" ، وشركات أخرى لتكون زيوت "كاسترول" هي التوصية الأولى لهذه السيارات سواء في مصانع الإنتاج أو مراكز الصيانة.

وتُعد شركة "كاسترول" من كبرى الشركات المتخصصة علي مستوى العالم في إنتاج وتسويق الزيوت لمدة تربو على 110سنوات في أكثر من 200 دولة.

يذكر أن شركة "طاقة" للتسويق أول شركة مصرية خاصة تقوم بتوزيع المنتجات البترولية من الوقود بأنواعه والزيوت والشحومات من خلال إنشاء شبكة جديدة من محطات تموين وخدمة السيارات على مستوى الجمهورية.

وأكد أبوبكر أن استراتيجية الشركة تركيز على المواقع خارج المراكز الحضرية الكبرى من خلال مبادرات تمت مع الحكومة مؤخراً لتشجيع الاستثمار الصناعي ورفع مستوى الخدمات في الأقاليم، حتى تتوافق مع خطة وزارة البترول لزيادة عدد المحطات على مستوى الجمهورية.

منقول من موقع كونتاكت كارز

هل تعتقدوا انها هتبقى احسن من الموجودين وهتنافس امارات مصر ووطنيه فى نضافه محطاتهم ؟
ولا هتبقى زى مصر للبترول والتعاون كدا :36_7_4[1]:
08-07-2009, 07:58 AM
Lord_Fouad

إن شاء الله هتبقى كويسة
08-07-2009, 08:41 AM
PRO-DRIVE

اخيرا كاسترول :|
08-07-2009, 10:48 AM
AHMEDCAR

اقتباس:

المشاركة الأصلية كتبت بواسطة pro-drive

اخيرا كاسترول :|

كويس الزيت ده يابرو

باين عليك عندك اخبار كويسه عنه
08-07-2009, 11:05 AM
عمرو عمارة

أخيراً كاسترول هينزل مصر :Ta_clap[1]:.....الزيت ده أوربا وأمريكا بيقوله فيه أشعار
إن شاء الله المحطات تكون كويسة
08-07-2009, 11:10 AM
Ashraf_Ashraf

والله اتمنى تكون فعلا محطات خدمه لينا مش محطات تحس وانت بتدخلها انك بتقول لله
والتنافس شئ جميل ( لو كان بطريقه صحيحه ) وبيخدم الجميع
بس ربنا يستر وماتخدتش الطابع المصراوى ( كله يبفتح مخه ومشى حالك )
08-07-2009, 11:10 AM
abo_hosni

توجد محطة taqa منذ عدة شهور و عندها بنزين 92، 80، سولار و دايماً فاضية.
في منيا القمح طريق بنها، مش الزقازيق
08-07-2009, 12:15 PM
abzoabzo

انا سمعت انها جامدة جدا بس لسه مظهرتش فى القاهرة الكبرى
08-07-2009, 03:00 PM
blazer

و ياسلام لو المحطات بتاعتها تكون كبيره وواسعه
انا بحب محطات البنزين الواسع والنضيفه كدا مش زى المحطات اللى باللى باللك
و ياريت يكون فيها من اول السولار و بنزين 80 لحد بنزين 90-92-95
08-07-2009, 03:40 PM
ahmedsamir79

يا مسهل يا رب
يا رب تكون حاجه نضيفه
08-07-2009, 04:49 PM
A.Elsheikh.01

اقتباس:

المشاركة الأصلية كتبت بواسطة abo_hosni

توجد محطة taqa منذ عدة شهور و عندها بنزين 92، 80، سولار و دايماً فاضية.
في منيا القمح طريق بنها، مش الزقازيق

علشان البنزين بتاعها نضيف العربيات اتعودت على الوسخ الى فى جرباش والكوبنيات والكالتكس الزقازيق ابو ميه :ma:
08-07-2009, 04:57 PM
ابو حسين

إن شاء الله هتبقى كويسة
08-07-2009, 05:36 PM
Mzeid

يا رب تكون جيدة وتستمر على حالها ..
08-07-2009, 09:40 PM
jisso82

ربنا يستر و ما تبتديش جامدة و بعدين تبقى زى الباقيين لأن المشكلة أساسا إن أغلب محطات البنزين مش بتبقى تابعة بشكل مباشر للشركة الأم بتتاخد زى مطاعم التيك أواى بطريقة الفرانشايز يعنى مستثمر بيمتلك الأرض أو بيأجرها هو اللى بيدير البنزينة ده المتعارف عليه طبعا و ما يعنيش إن مافيش استثناءات عشان الناس ما تهاجمنيش بس.
المهم ياريت تكون يا إما تابعة للشركة مباشرة أو اللى ماسكها حد محترم عشان مايضربلهاش اسمها فى السوق قبل ما تعمل اسم أصلا
11-07-2009, 06:08 PM
Samah AbdAllah

نتمنى يكونوا احسن من غيرهم
14-07-2009, 03:35 AM
nasr-eldeen

يا هادي يا رب
14-07-2009, 05:23 AM
ashouhdy

يعنى احنا حنعرف منين حتجيب بنزين بعنى غير اللى بنحطة !!!!!
ما هو كلة بنزين و خلاص
طب بتدوروا ع اية ؟ الزيت
ما فى زيوت نضيفة عندنا ذى امارات مصر و توتال و شيل
على الخدمات مفيش ذى محطات موبيل فى خدماتها و on th run
معتقدش انها حضيف اى جديد زيها ذى غيرها
خصوصا ان البنزين و السولار واحد فى كل المحطات
الفرق بس ان فية اللى بيخم و فية اللى عندو ضمير
هى حتبقى حلوة بس لو عملت ماركت نضيف و سمته on the go
ههههههههههههه

طبعا كلامى لا ينطبق كليا ع بنزينات (مصر للغسول-التعاون لتدمير سيارتك)

من اجمل المحطات اللى شفتها
موبيل 6 اكتوبر
موبيل الصحراوى (سفارى)
موبيل مارينا
14-07-2009, 08:54 AM
Ahmed Selim

طاقة أصلاً شركة أماراتية زى أمارات مصر كده

واحد صاحبى شغال هناك من حوالى سنة ونصف

إن شاء الله تكون زى أمارات مصر كده

أمبارح لسه شايف محطة بنزين جديدة تحت الأنشاء.....أسمها أويليبيا
Oilibya يعنى Oil Libya
17-07-2009, 11:32 PM
blazer

بيعملوها فين المحطه دى ؟؟
18-07-2009, 12:51 AM
Ahmed Selim

أويليبيا ؟؟؟

فى أول الطريق اللى مدخل من طريق العين السخنة على مدينة نصر......جنب توكيل محمد ذكى بتاع العربيات.
18-07-2009, 02:00 AM
homme49

كما أن أويل ليبيا محطة موجودة فى شارع بن الحكم أمام تجنيد جسر السويس (فى شارع مترو المطرية- ألماظه )
19-07-2009, 06:24 AM
mazagngi2010

اقتباس:

المشاركة الأصلية كتبت بواسطة Ahmed A.Maksoud

طاقة أصلاً شركة أماراتية زى أمارات مصر كده

واحد صاحبى شغال هناك من حوالى سنة ونصف

إن شاء الله تكون زى أمارات مصر كده

أمبارح لسه شايف محطة بنزين جديدة تحت الأنشاء.....أسمها أويليبيا
Oilibya يعنى Oil Libya

فيه واحده فى طريق شبرامنت بس كانت تام اويل واتقلبت دلوقتى Oilibya
وهتلاقى البرج بتاع اتصالات 2248 وراها على طول وممكن تشوفنى هناك فى عطل:T_thum1[1]:
19-07-2009, 10:01 AM
Hegazio

بس للأسف أكيد كاسترول اللي تحت المتين جنيه حيبقي تصنيع مصري برضه بإشراف كاسترول
19-07-2009, 02:57 PM
abo_hosni

اقتباس:

المشاركة الأصلية كتبت بواسطة A.Elsheikh.01

علشان البنزين بتاعها نضيف العربيات اتعودت على الوسخ الى فى جرباش والكوبنيات والكالتكس الزقازيق ابو ميه :ma:

منور يابوحميد :)

في ناس ما تتكيفش إلا إذا وقفت في طوابير:4:
زي المريض اللي لا يقتنع بالحقنة إلا إذا كانت بتحرق

بمناسبة Oilibya ، المحطة دي هي كمان عندنا في منيا القمح من سنة أو أكتر
22-07-2009, 05:57 PM
blazer

انا ملاحظ ان فىه كذا محطه بنزين جديده بتفتح دلوقتى
وانا راجع من الساحل امباره لاقيت محطه تام اويلtamoil
بتعمل محطه جديده فى طريق القاهره -اسكندريه عند الكيلو 90 تقريبا
22-07-2009, 06:25 PM
asbeats

اقتباس:

المشاركة الأصلية كتبت بواسطة Hegazio

بس للأسف أكيد كاسترول اللي تحت المتين جنيه حيبقي تصنيع مصري برضه بإشراف كاسترول

انا اشتريت كاسترول gtx ب 105 جنيه وهو تصنيع اماراتي بترخيص انجليزي
22-07-2009, 09:36 PM
zocor742

نتمنى تكون منتجاتها بنفس جودة برة وتكون خدمة كويسة
فية بردة بنزينة فاتحة جديد اسمها اويليبياشكلها نظيف بس مجربتهاش
23-07-2009, 03:42 AM
shrifelmasry

اقتباس:

المشاركة الأصلية كتبت بواسطة abo_hosni

توجد محطة taqa منذ عدة شهور و عندها بنزين 92، 80، سولار و دايماً فاضية.
في منيا القمح طريق بنها، مش الزقازيق

عشان طقم الناس اللى واقفين على طرمبة البنزين فكرينها طرمبة مياة :11:
و بيطلب البقشيش بكل صور صباح الخير يا باشــا إلي عنينا و رجلينا يا بية:10_1_102v[2]:
بيفكرونى ببنزينة توتل اللى على الطريق الزراعي قبل طوخ اللى هما اقرب لشيخ المنصر

اعتقد ان افضل بنزينة على الطريق دة اللى عند مدخل الزقازيق ( كالتكس )
23-07-2009, 06:32 AM
A.Elsheikh.01

هى لو على طاقه هنقول ان لحد دلوقت بنزينها نضيف
بالمقارنه ببقيه البنزينات الى اتعاملت معاها

كفايه ان فيها بنزين على طول مش زي الباقى الى يبقى مخبي شويه للزمن وللزبون الى بيبقشش كويس
دا غير ان خزانتها لسه نضيفه مش طلعان تيت اهلها :ma:
23-07-2009, 01:32 PM
ahmed el-sawy

الله اعلم هتكون احسن ولا لا
بس شكل الصورة الى انته رافعها كانها زى مصر للبترول
ومن غير زعل مش اعتقد انها هتكون زى الامارات