انا متعاملتش مع التوكيل قبل كدة ومفيش حد نصحنى اتعامل معاة وكل الناس تقول ابعد عن التوكيل ياريت لو حد بيتعامل معاة من غير ضمان طبعا يقولنا اسعارة واسعار الكشف وميزاتة وعيوبة
عرض للطباعة
انا متعاملتش مع التوكيل قبل كدة ومفيش حد نصحنى اتعامل معاة وكل الناس تقول ابعد عن التوكيل ياريت لو حد بيتعامل معاة من غير ضمان طبعا يقولنا اسعارة واسعار الكشف وميزاتة وعيوبة
اسعارهم فلكية
وقت ضايع
قطع غيار صينى
تلاكيك اى حاجة تعملها فى العربية برة الضمان
تقدر تقول على التوكيلات .....أمتداد لأستنزاف كل واحد شارى سياره جديده...... ( لو ليك حق يماطلك .............ولو روحتله لعمل أى صيانه عاوز يحط أيده فى جيبك وياخد اللى فيه )............
وانت فى التوكيل لا بتشوف قطع الغيار بتاعتك اللى بيقولوا عليها بايظه ولا بتشوف القطعه اللى هتركب ولا بتشوف وهو بيركبها ، تانى حاجه اللاطعه وتضيع الوقت والحجز ، تالت حاجه الصنايعى هو هو الصنايعى يعنى بأختصار هما مش ملايكه ، رابع حاجه وأهم حاجه هما بيفتكروا اللى راكب عربيه ده باشا سابق ما يعرفوض انه طلع عينه على بال مركبها ده غير الأكراميات لحوالى 5 صنايعيه على الأقل ده غير أماكن التوكيل بعيده جدا بإختصار قضية التوكيل ديه خسرانه خسرانههى حلوه للى معاه فلوس وعاوز يشترى دماغه ومش عاوز يفكر ولا يتعب ولا ينزل يشترى قطعة غيار معندوش خبره فيها
مع ان المفروض العكس فى اى حتة فى العالم التوكيل هوة الاساس ولما اغلب الناس مش بتتعامل معاة هما كدة بيكسبو اية
طيب هو أحنا أى حته فى العالم ......دا أحنا الوحيدين اللى ملناش زى فى العالم ( حداقه - فهلوه - عدم ولاء وجهاد وسناء وووووووووووووو )...ههههههههههههههه
هنفترض إن التوكيل فلان الفلاني عنده أمهر الفنيين و أحدث الأجهزه , برده صيانة عربيتك مش هتبقي 100 % ,أقولك ليه لأن التوكيل ماشي حسب جدول الصيانه و ملوش دعوه بأي حاجه تانيه بره الجدول ,بمعني إنه مثلا المفروض المره دي يغير سيور بس يبقي مس هيبص على التيل و لا على بلي العجل حتي لو فيهم مشاكل , وده لأن الفني من دول مهما كانت مهارته ورديته 8 ساعات بس والسير عليه مش أقل من 10 عربيات يبقى لو قعد في العربيه الواحده ساعتين على أساس الشغل بزمه يبقى مش هيخلص والتوكيل هيمشيه ويجيب غيره ينجز أكبر عدد ممكن من العربيات في اليوم الواحد وده طبعا علشان الربح.
علشان كده التاس بتفضل تروح تعمل صيانتها بره التوكيل و يمكن عند فني التوكيل بس بره في ورشته.
طب ولو حبيت ارش العربية فى التوكيل سمكرة ودوكو واظن دى احسن حاجة هيعملها التوكيل عشان يطلع شكلهل زى الجديدة تتكلف كام وفرق السعر عن برة كام وهل يستاهل لو اغلى بكتير عن برة
ابسط مثال... انا مغير تيل فرامل امامى فى التوكيل عند 15000 كم وكان سعره عندهم 150 جم + 10% ضريبة مبيعات يبقى 165جم بعد دة غيرته برة اشتريته ب 45 جم والمصنعية 10جم يبقى كله 55 جم يعنى التوكيل فارق 100 جم(تلات اضعاف)عرفت بقى الفارق؟؟؟؟؟؟؟؟؟؟
عفوا الفارق 110
أعتقد يا أستاذ : أكرم أن عربيتك مش فى الضمان مثلا ........ولو أنهم حتى لو فى الضمان مبيعملوش حاجه .....هى أساسا حق ليك بصفة الضمان .......أنا أول ما أشتريت عربيتى فى بداية 2007 وقعت فى السست الخلفيه .....وفعلا أنا مقتنع أن السست عندى كانت مصنوعه من المطاط مثلا ......أول ما الأطفال الصغيره تقعد فى الكنبه الخلفيه ......ألاقى العربيه ميلت لورا بشكل مرعب للخلف..........روحتلهم عندنا فى الأسماعيليه حولونى على أبو رواش (طيب ليه ......علشان أنا رايح وحوجع دماغهم .....واللقمه دى مش طريه على أسنانهم .....وبالعربى مفيهاش مصلحه و مش حيقبضوا حاجه فى الحاله دى ) ......روحنا أبو رواش .....وما أدراك ما أبو رواش ..........خرط وبعدها مرحطهاش .....أأقول للبشوات هناك على المشكله .......يقولك دى مفيهاش أى حاجه ........ياعم .....ماالجمل والنخله قدامك .......هو أنا بأحكيلك فيلم هندى .......مالعربيه أهى ......والميه تكدب الغطاس .......ولا الطراوه .......قلت ياواد .....أشترى دماغك .........دول عالم ولاد .................!!!!! ............وعلشان ماطولش عليك .........عاوز أقولك على حاجه مختصره ( لو لقيت التوكيل مقابلك من شارع ........لف من الشارع التانى ) لأنهم بكل صراحه ......عاملين زى أفلام دراكولا بتاعة مصاص الدماء ( عاوزين يمصوا دم الناس وخلاص ........يستفيدوا ......ولا يفيدوا ) عرفت ليه أنا بقولك مفيش زينا فى العالم ....................:majd(4):
هههههههههه فعلا يا استاذ سمير من كلام الاخوة هنا عن التوكيل اقل حاجة تتقال انهم زى دراكولا
امال انا مش حاسس ان التوكيل وحش ليه...انا بتعامل معاه فى الصيانات...وغير كدة مغير الاربع طنابير فى الضمان...واى مشكلة..بيحلوها..بس لازم تشد ودانهم شوية...هما فاهمين فى العربية كويس جدا...بالاضافة ان الميكانيكيا بقى فيهم جشع رهيب وسرقة وقلة امانة....العربية لما بيكون فيها حاجة بايظة بطلع على التوكيل...عملها كويس كان بها...معملهاش ارجعله تانى وافضل وراهم...لحد ما العملية تبقى تمام...