نصب عينى عينك
انا حصلت مع والدى فى محطه على الدائرى برضه
عرض للطباعة
نصب عينى عينك
انا حصلت مع والدى فى محطه على الدائرى برضه
1-الراجل ده نصاب و هوا اللى عمل ال8 اخرام دول
2- معظم محلات الكاوتش نصابين انا شفتهم بنفسى و هما بيجيب شرائح الكاوتش و يحطها فى الغراء و يرصها فى ورقه مكتوب عليها صنع فى امريكا
3- اى حد فى البنزينه او فى محلات الكاوتش يقولك الكاوتش مريح و عايز يكشف عليه قله ملكش دعوه انا عايزه كده
4- ابقى اشترى كمبريسور صغير و خليه فى الشنطه للحالات اللى زى دى وهوا بيشتغل على ولاعه العربيه
اكيد مليون المية الراجل نصاب
مش عارف أزاى الضمير أتعدم بالشكل دة و أزاى الناس بقى أسهل حاجة عندها أكل الحرام
ربنا يعوض عليك فى فردة الكاوتش
الموقف ده فعلا حصل معايا اهم حاجة متصلحش عند بتوع الكاوتش الي في محطات البنزين, الحاجة التانية متسالش في اي حد يقولك العجلة عايزة تتزود لانه بمنتهي البساطة عايز يصطادك واخيرا لو عايزيين تعرفوا هما بيعملوا ايه الحوض اللي فية المية اللي بيكشفوا فيه هو نفسه االي بيحطوا فيه المسامير :) . والحل هو حد ثقة بعيد عن الحرامية دول.
بالمناسبة ابعدوا عن البنزينات اللي في شارع رمسيس 2 موبيل اللع عند نزلة رمسيس واللي عند الكنيسة وكمان التعاون اللي عند تقاطع رمسيس واحمد سعيد دول بقي نصابين في البنزيت والكاوتش والغسيل كمان
عملها معايا بتاع الكاوتش اللي قبل كليه تربيه رياضيه الي في فيصل من الجيزه على نفس الصف بتاع الكليه بوظلي فردتين كاوتش و عمل في واحده 6 و واحده 8 و كان عايز يبص على الباقي
و فيه واحد اخر الشيشيني من ناحيه المريوطيه فيصل عملها مع واحد صاحبي
نفس الموضوع حصل معايه فى 6 خرام ودفعت 60 جنيه فى بنزينه مصر للبترول ال فى اول عباس
بس الحمد لله الفرده لسة شغالة معايا بقالها سنة .