مشكله في الفرامل ..... ربنا يستر ... عاجل

التيل بقالو كام يوم كده بيصفر معايا و انا مكانش عندي وقت عشان اعمله ... النهارده حصل معايا موقف صعب وانا ماشي و جيت افرمل لقيت الفرامل نزلت لتحت خالص و مش بتفرمل

ربنا ستر و قدرت اوصل و اركنها علي جنب عند الميكانيكي اللي بعتني ليه استاذ ايمن قبل كده ... و كتبتلي علي الشاشه stop و لما طفيتها و دورتها اختفت

المهم انا قلقان جدا و عايز اعرف ايه المشكله دي ممكن تكون ايه و يا تري هي مجرد تيل و لا حاجه كبيره و تنصحوني اعمل ايه

التيل عامل كام ألف كم ؟

ممكن كذا سبب للموضوع ده بس اولهم التيل
المفروض تروح تشوف الميكانيكى ولما تفك هتعرف السبب تيل ولا زيت بيهرب من المساتر

انا مش عارف التيل عامل كام لاني شاري السياره مستعمله ... بس هي لما اشتريتها كانت عامله 43 و دلوقتي عامله بتاع 47

بص على التيل بنفسك من بين الجنوط لو العربية مجنطة وهتقدر تشوفه بنفسك اذا كان خلص ولا لاء

كمان هل وانت بتفرمل بتحس بخشونة جدا كان حديد بيقفل على حديد لو كده يبقى في الغالب تيل

وكمان لو لمبة stop لما ظهرت اديتك صفارة وكانت لمبة الهاند بريك بتنور معاها يبقى في الغالب تيل

وطمنا عليك المهم

انا الحمد لله بخير ربنا سترها معايا ... ربنا يكرمكم ....هي الفكره زي مبقول لحضرتك ان الفرامل نزلت علي الارض يعني لما بتدوس بتلاقيها بتنزل معاك مش زي الاول

بص على التيل بنفسك من بين الجنوط لو العربية مجنطة وهتقدر تشوفه بنفسك اذا كان خلص ولا لاء

هل ادرت توصل لسبب المشكلة ؟ متكسلش

الف شكر يا جماعه الحمد لله رحت و صلحت المشكله عند الميكانيكي

التيل الشمال بوظ الماستر للاسف و الزيت اتسرب فاضطرينا ان نغير الماستر الشمال و غيرنا التيل طبعا اللي كان خلاص جيه علي الحديده و التيل اليمين قدام كمان غيرناه و الدنيا بقت جميله

وده درس ليا اني بعد كده مكسلش عن اني اصلح العيوب اللي انا شايفها بس قدر الله و ما شاء فعل و الماستر كان سعره كويس

التكاليف

100 جنيه ماستر شمال قدام
275 التيل الامامي يمين و شمال
50 جنيه مصنعيه

و متشكر جدا يا جماعه لاهتمامكم وانا عارف ان دايما ورايا ناس جدعان

حضرتك نوعه ايه التيل اللي انت اشتريته؟

ثانيا نصيحة لوجه الله حاول تصلح عربيتك في واحد من مراكز الصيانة المعتمدة واهتم اوي بالكشف الدوري عشان تنبسط اكتر بالعربية

اقتباس:

---

المشاركة الأصلية كتبت بواسطة mohammed moustafa

حضرتك نوعه ايه التيل اللي انت اشتريته؟

ثانيا نصيحة لوجه الله حاول تصلح عربيتك في واحد من مراكز الصيانة المعتمدة واهتم اوي بالكشف الدوري عشان تنبسط اكتر بالعربية

---

حضرتك عندك حق طبعا
هو الفكره ان الميكانيكي ده كان شغال في التوكيل و كويس بس انا حاسس ان سعر قطع الغيار زايد شويه و ان شاء الله بعد ابقي اخد بالي من الحاجات انا اصلي جديد في موضوع الصيانات دي طول عمري بروح لميكانيكيه اي كلام و جديد علي موضوع مراكز الصيانه ده

تيل الفرامل نسيت اسأله علي نوعه .... بس اظن بعد كه هبقي اشتري قطع الغيار بنفسي

مبروك الإصلاح ، هو دة سعر الماستر جديد ؟ إنت بتصلح عند مين ؟

اقتباس:

---

المشاركة الأصلية كتبت بواسطة Amr_Moh

مبروك الإصلاح ، هو دة سعر الماستر جديد ؟ إنت بتصلح عند مين ؟

---

انا صلحت عند احمد سعيد اللي في الرمايه ... اللي عرفني عليه استاذ ايمن momo و انا الفرامل باظت مني و انا قريب منه عشان كده رحت له هو علطول .. غير انه كويس علي ما اظن لانه كان شغال في التوكيل و بيتعامل كويس عشان يعمل سمعه

بس انا حاسس انه في قطع الغيار بيغلي عليا شويه

عنوانه فين بالضبط ياأستاذ triton أصل أنا ساكن فى الهرم

اقتباس:

---

المشاركة الأصلية كتبت بواسطة abasse

عنوانه فين بالضبط ياأستاذ triton أصل أنا ساكن فى الهرم

---

وانت رايح علي الصحراوي كده الشارع اليمين اللي بعد ملاهي كوكي بارك اللي جنب ميدان الرمايه

اقتباس:

---

المشاركة الأصلية كتبت بواسطة Mohammed Moustafa

حضرتك نوعه ايه التيل اللي انت اشتريته؟

ثانيا نصيحة لوجه الله حاول تصلح عربيتك في واحد من مراكز الصيانة المعتمدة واهتم اوي بالكشف الدوري عشان تنبسط اكتر بالعربية

---

استمر يا محمد متخافش انا بشجعك :F_eyeb1[1]::F_eyeb1[1]::F_eyeb1[1]:

اقتباس:

---

المشاركة الأصلية كتبت بواسطة akmal_hamdi

استمر يا محمد متخافش انا بشجعك :f_eyeb1[1]::f_eyeb1[1]::f_eyeb1[1]:

---

طيب الحمد لله اتمنى اني اكون عجبت سيادتك