تفتكروا اللوحه دى من حق المصريين برضوا ولا لا

http://img38.imageshack.us/img38/695...adsc02663x.jpg

ياجماعه انا لما بشوف العربيات الخليجيه وحرص الوكلاء والمسئولين على دخول السيارات المطابقه للمواصفات الخليجيه
بحس قد ايه ان احنا مالناش ثمن وان احنا اتخلقنا علشان ندفع فلوس لجشع الوكلاء ونشبعهم
تفتكروا دى من حقنا يبان على العربيات اللى هنا لوح زى دى وتبقى فعلا مطابق لمواصفاتنا ( دا اذا كان فى مواصفات اصلا لشوارعنا ) مش زى وكلائنا مابيقولوا انها مطابقا علشان نرفض الخليجى الارخص من عربيتهم
ولا احنا اتكتب علينا نبقى اقل الناس فى كل شئ

اتكتب علينا نبقى اقل الناس فى كل شئ

سياده العضو الفاضل
لقد تكررت كثيرا كتابتك للغه العربيه باحرف انجليزيه
برجاء التركيز في المشاركات القادمه
حتي لا تتعرض لتنفيذ عقوبات
برجاء مراجعه قواعد وقوانين المنتدي
مشرف عام 1

يادوب هنا كتيرهم يحطوا لزقه مكتوب عليا ok وشكرا للتحيه

احنا معندناش مواصفات خاصة بنا لأن احنا سوق مش مؤثر بالمرة يعني مثلا التوكيل الواحد بيبيع 5 الآف عربية في السنة ازاي يطلب أنه يكون مواصفات خاصة بالسوق بتاعنا ..

دة غيرأن اللوحة بتقول هذه السيارة تطابق جميع المواصفات القياسية الخاصة بسيارات الخليج / السعودية يعني بتطابق المواصفات الموضوعة من الصانع طبقا لظروف المناخ و غيره في الخليج ..

في حاجة إسمها م.ق.م يعني المواصفات القياسية المصرية

بس ياترى في حد سمع عنها أو بيطبقها ؟؟؟؟؟؟؟؟؟؟؟؟؟

معلوماتي ان المواصفات القياسية المصرية مش معترف بيها في اغلب دول العالم في شتى المجالات

احنا بناخد فرز تالت فى كل حاجة

ياريت يعملوها عندنا أخرهم فعلا اللزقة ألى مكتوب عليها okومش بعيد المرور يقولك أية دى هات 50 جنية مخالفة ملصقات

بما انك مصرى فى مصر او خارج مصر فحضرتك مالكش اى حق فى اى حاجة

تفتكروا اللوحه دى من حق المصريين برضوا ولا لا

اللوحة دي من حق اي مواطن دولته بتحترمه

أولا مش التوكيل اللي بيضع المواصفات .
دي ادارة المرور في البلد المختص هي اللي بتضع المواصفات .....
ده كان أولا علشان ما نظلمش الوكلاء في النقطة دي .
التوكيل آخره يغير في الكماليات فقط لا غير .

ثانيا السوق المصري سوق صغير لا يسمح لنا وضعنا الحالي بأن نطالب الشركات المصنعة بأن تصنع لنا مواصفات خاصة .

دي خلاصة الموضوع و الموضوع ملوش دعوة لا بالوكلاء و لا بالدولة
الموضوع راجع ........ لحجم السوق المصري .

يا جماعة مين قال ان ملناش مواصفات خاصة بينا .. لأ طبعا

أحنا بيجيلنا المنتجات اللي بتتمتع بأقل مواصفات للجودة .. والحمد لله كل الوكلاء حريصين على تطبيق هذه المواصفات

انا عندي الكلام ده مكتوي جمب باب السواق من جوه في الكرولا 2007

لا يوجد مواصفه مصريه لاى منتج من الاساس

اقتباس:

---

المشاركة الأصلية كتبت بواسطة tutankhamoun

أولا مش التوكيل اللي بيضع المواصفات .
دي ادارة المرور في البلد المختص هي اللي بتضع المواصفات .....
ده كان أولا علشان ما نظلمش الوكلاء في النقطة دي .
التوكيل آخره يغير في الكماليات فقط لا غير .

ثانيا السوق المصري سوق صغير لا يسمح لنا وضعنا الحالي بأن نطالب الشركات المصنعة بأن تصنع لنا مواصفات خاصة .

دي خلاصة الموضوع و الموضوع ملوش دعوة لا بالوكلاء و لا بالدولة
الموضوع راجع ........ لحجم السوق المصري .

---

الأخ العزيز

لقد سافرت الي بوركينافسو في رحلة عمل وكان معي سيارة لاندروفر وكانت هذه البطاقة موجودة في شاسية السيارة بالغة الفرنسية!!!!!!

فأرجو من سيادتكم ذكر حجم سوق اللاندروفر في بوركينافسو؟؟؟؟؟؟؟؟؟؟؟؟ :majd(4)::majd(4)::majd(4)::majd(4)::majd(4):

على فكرة احنا بالفعل مالناش مواصفات خاصة بينا و ده مش استهزاء أو استهتار بالشعب المصرى أو السوق المصرى عموما و لكن عشان السوق المصرى فى السيارات تحديدا ضعيف جدا مقارنة بالسوق الخليجى
كام واحد عندنا فى السنة بيجيب عربية زيرو
و هل عندنا تركيز جامد فى نوع أو أنواع معينة باسثناء الحاجات الشعبية اللى يدوب بيبقى معانا تمنها ما لناش تحديد يعنى اللى معاه فلوس بيجيب أى حاجة على قد فلوسه باستثناء اللانسر طبعا
و برده حتى الناس اللى بيبقى معاها تمن عربية صغيرة جديدة ساعات بيتلعب فى دماغهاو تجيب كسر زيرو أو مستعمل عربية أحسن أو أكبر.
ففعلا احنا مالناش مواصفات لأننا ما بنمثلش نسبة من السوق تستحق إن يكون لها مواصفات خاصة بها

اقتباس:

---

المشاركة الأصلية كتبت بواسطة toty froty

الأخ العزيز

لقد سافرت الي بوركينافسو في رحلة عمل وكان معي سيارة لاندروفر وكانت هذه البطاقة موجودة في شاسية السيارة بالغة الفرنسية!!!!!!

فأرجو من سيادتكم ذكر حجم سوق اللاندروفر في بوركينافسو؟؟؟؟؟؟؟؟؟؟؟؟ :majd(4)::majd(4)::majd(4)::majd(4)::majd(4):

---

مكتوب على اللوحة أيه ؟؟؟؟؟؟؟

:H_angry[1]:

اقتباس:

---

المشاركة الأصلية كتبت بواسطة toty froty

الأخ العزيز

لقد سافرت الي بوركينافسو في رحلة عمل وكان معي سيارة لاندروفر وكانت هذه البطاقة موجودة في شاسية السيارة بالغة الفرنسية!!!!!!

فأرجو من سيادتكم ذكر حجم سوق اللاندروفر في بوركينافسو؟؟؟؟؟؟؟؟؟؟؟؟ :majd(4)::majd(4)::majd(4)::majd(4)::majd(4):

---

ممكن تكون من مستوردة من فرنسا أو اي دولة لغتها فرنساوي. تمام زي ماعندنا الكورولا مكتوب عليها بالعربي علشان جاية من السعودية مثلا.

ليه باحس ان المصريين دلوقتي بيحاولوا جاهدين انهم يفكروا ايه الوحش بس و ان ما كانش وحش نخلي شكله وحش او على الأقل نقول انه وحش ؟

اقتباس:

---

المشاركة الأصلية كتبت بواسطة م.احمد زكريا

في حاجة إسمها م.ق.م يعني المواصفات القياسية المصرية

بس ياترى في حد سمع عنها أو بيطبقها ؟؟؟؟؟؟؟؟؟؟؟؟؟

---

انا سمعت عنها طبعا و بأماره بتبقى مكتوبة على الصابون واكياس وعلب المناديل الى بتتباع فى الاشارات.

اقتباس:

---

لا يوجد مواصفه مصريه لاى منتج من الاساس

---

ماحنا قولنالك اهو ليه مش مقتنع بقى.
اوعى تزعل انا بهزر معاك(تقبل منى) يا باشا.

طالما في مواصفات قياسية خليجية (واضحة) انا شايف انه مش عيب اننا نندمج معاهم في تطبيق المواصفات دي على الأقل هم قريبين مننا مناخيا في ظروف الحرارة، فيبقى ليه بعد كدا مانقولش ان مصر هاتستورد عربيات مطابقة للمواصفات الخليجية المصرية او ممكن يبقى حلم ونقول مطابقة للمواصفات العربية واهو نتوحد في اي حاجة
(انا مالي لبست وش سيد ابو حفيظة كدا ليه؟)

فكرتني بقصيدة "علشان انت مصري" للفاجومي

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

احمد فؤاد نجم

اللوحة دي من حق اي مواطن دولته بتحترمه

[frame="9 50"]

ورغم كل هذا أنا بعشق ترابك يا مصر

[/frame]

اقتباس:

---

المشاركة الأصلية كتبت بواسطة evoo90

يادوب هنا كتيرهم يحطوا لزقه مكتوب عليا ok وشكرا للتحيه

---

والانأح اللزقة بتاعة pdi الى فرحانيين بيهااا الى هاين عليهم يلزقوهااا فى نصف الزجاج الامامى كانهم بقولولناااا احنا بنعملكم pdi ولا اسواق اورباااا

اقتباس:

---

المشاركة الأصلية كتبت بواسطة nasr-eldeen

[frame="9 50"]

ورغم كل هذا أنا بعشق ترابك يا مصر

[/frame]

---

الخوف يا فندم انهم يكونوا حاطيين لنا حاجة فى التراب علشان لما نسفة منقدرش نستغنااااا عنوا وممكن تكون اصفرة :fun_36_3_4[1]:

اقتباس:

---

المشاركة الأصلية كتبت بواسطة ahah

اللوحة دي من حق اي مواطن دولته بتحترمه

---

والله يا اخى انا اعدت اضحك لما قرييت كلامك دا وخصوصآ بالخط الى انتا كاتبو حسييت انك بتقولهااا بزعييق زى ميكون اصدك حاجة كدا ولا كدا
:b4_611:

اقتباس:

---

المشاركة الأصلية كتبت بواسطة amrico

طالما في مواصفات قياسية خليجية (واضحة) انا شايف انه مش عيب اننا نندمج معاهم في تطبيق المواصفات دي على الأقل هم قريبين مننا مناخيا في ظروف الحرارة، فيبقى ليه بعد كدا مانقولش ان مصر هاتستورد عربيات مطابقة للمواصفات الخليجية المصرية او ممكن يبقى حلم ونقول مطابقة للمواصفات العربية واهو نتوحد في اي حاجة
(انا مالي لبست وش سيد ابو حفيظة كدا ليه؟)

---

جامدا جدآ حكاية الخليجية المصرية دى بتفكرنى بالرئس القزافى وفكرة اسراطين تحياتى لحضرتك وللافكار الجديدة

اقتباس:

---

المشاركة الأصلية كتبت بواسطة ashrafsadany

الخوف يا فندم انهم يكونوا حاطيين لنا حاجة فى التراب علشان لما نسفة منقدرش نستغنااااا عنوا وممكن تكون اصفرة :fun_36_3_4[1]:

---

ماهو ده سبب عشقي لتربها

اقتباس:

---

المشاركة الأصلية كتبت بواسطة amrico

طالما في مواصفات قياسية خليجية (واضحة) انا شايف انه مش عيب اننا نندمج معاهم في تطبيق المواصفات دي على الأقل هم قريبين مننا مناخيا في ظروف الحرارة، فيبقى ليه بعد كدا مانقولش ان مصر هاتستورد عربيات مطابقة للمواصفات الخليجية المصرية او ممكن يبقى حلم ونقول مطابقة للمواصفات العربية واهو نتوحد في اي حاجة
(انا مالي لبست وش سيد ابو حفيظة كدا ليه؟)

---

+1000000000000000000000000000

كلام مظبوط ........... أهي تبقى حاجة و واحة واحدة نحس أننا كيان واحد علشان نتوحد بقى علشان أنا زهقت من أنانية الشعوب و الحكام العرب أجمعين ........................

الولايات المتحدة العربية ......... أو الأتحاد الفيدرالي العربي ......... أو أتحاد العالم العربي .......... :3_3_102[1]:

أي أسم يجمعنا كلنا تحت سقف واحد و نبدأ ندور على حقوقنا و نرجعها واحدة واحدة و من غير حرب .......

لما العدوا يخاف مننا ........ هايخاف يحارب أصلا ......... :B4_611:

أيه ده ..... أنا خرجت برة موضوع المواصفات و دخلت في السياسة ........ :mahf(5):