مشكلة فى السحب ارجو رد الخبراء

**saint** · 08-07-2009 12:58 PM

اولا السلام عليكم ورحمة الله وبركاته
ندخل فى الموضوع
انا معايا بيجو 205 موديل 93
اربعة غيار امامى
موتورها كويس جدا
المشكلة عندى فى السحب واقصد خصوصا الغيار الرابع (اخر غيار)
يعنى الاول والتانى والثالث تمام فى السحب والتجميع
انما لما انقل على الرابع بحس ان العربية مش بتتحرك
يعنى لما اكون على الثالث على 80 كم /ساعة وانقل على الرابع صعب اوي العربية تسحب ازيد من كده
علما بان العربية بتجمع كويس جدا جدا لو فيه مثلا طريق نازل وبتوصل 140 كم/ ساعة
مع العلم انى عامل طقم شنبر والموتور حالته كويسة جدا
وبستعمل طبعا بنزين 80 (وقود الغلابة )
دلونى اعمل ايه

**samirayad** · 08-07-2009 01:59 PM

أيه أخبار الدبرياش

**aYaBooY** · 08-07-2009 02:47 PM

و فيه سؤال تاني البيجو 205 من بعد موديل 88 ركب عليها موتور ستروين و من بعد موديل 90 ركب عليها فتيس 5 غيار امامي مش 4
يبقي انت محتاج تشيك كويس ان العربية مفيهاش خامس و تشيك على طقم الدبرياج زي كلام الاستاذ الكبير اوي سمير
و غالبا انا شايف ان المشكلة كدة في الفتيس من جوا او في الترس الرابع

**saint** · 08-07-2009 05:54 PM

واللهى انا محتار اشكركم على الرد ولا على سرعة الرد عموما شكرا على الاتنين
استاذنا الكبير سمير .... الدبرياج عند حل الموتور كان تمام والديسك مليان وجديد والاسطوانة تمام
الاستاذ aYaBooY .... بص عصاية الدبرياج الاصلية بتاعتها راكبة عندى ومكتوب عليا خمس سرعات امامية ولكن على الحقيقة مكان السرعة الخامسة موجود المارشدير
اما عن حالة الفتيس عموما فهو كويس ومش بيون مثلا او بيعض
يعنى مافيهوش المشاكل اللى توحى انه بايظ
وبعدين السرعات الاول والتانى والتالت ممتازين
يعنى التانى لحد 60 والثالث ممكن لو قرصت سنة يوصل 100
انما لما انقل على الرابع بحس ان الموتور مش قادر يمشي العربية مع انى بادوس اكسراتير
يعنى مش الموتور بيدور والعربية مش عاوزة تتحرك
مش عارف يا جماعة اعمل ايه
معلش انا طولت فى الكلام
انما ده من عشمى فى المنتدى والناس الخبرا
وشكرا