:w6266dيعنى ايه جنوط سبور
عرض للطباعة
:w6266dيعنى ايه جنوط سبور
يعنى جنوط بتركب مكان الجنوط بتاعت العربية العادية باشكال وانواع مختلفة
ِAlloy Wheel جنوط الومنيوم لا يركب عليها غطاء من بره
شكرا على السؤال
و
شكرا على الاجابة
يعني جنوط شكلها رياضي و مالهاش طاسات من برة و بتكون عريضة و اتقل من العادية
وهى غاليه للأنواع الاصلية منها , ممكن يوصل تمن الجنط الواحد الى 1000 جنيه وعشان ما تتسرقش يوجد مسامير خاصة ذات رأس له مفتاح خاص لا يمكن ان تفك الا بالمفتاح الخاص بها عشان الجنوط ما تتسرقش
وعلى حد علمي انها بتكون مبينة اللي وراها كله لو تصميمها فاضي... يعني بتبقى شايف الفرامل وكل الحاجات دي... أنا مش بافهم في الحاجات دي...
يعني لوضاع المفتاح شكرا كده العمليه برمت
ولا ليه حل
في حالة لو المفتاح ضاع ليها حل و بتتفور الصموله دي بس مش بسهوله
وطبعا كده بيبوظ الطقم وبتحتاج طقم جديد
A.Yakout
سؤال جميل وردود اجمل
لكن ايه الفايدة اللي بتعود ع العربية من الجنوط الاسبور
يعني انا دايما باقرأ ان الجنوط بتزيد ثبات السيارة على السرعات .... طيب ليه ؟؟؟؟
لو سمح زملاءنا الاكثر خبرة مننا يوضحولنا ايه في الجنوط الاسبور اللي بيؤدي الى زيادة ثبات السيارة
وهل فيه فوائد اخري للجنوط الالومنيوم الاسبور غير الثبات والشكل العام ؟؟؟
شكرا لصاحب السؤال ... لأني كان نفسي اعرف الموضوع ده من زمان
ليا الشرف طبعا اني ارد عليك يا احاج احمد
مميزات الجنوط الاسبور تتلخص في الاتي:
1-بتزود ثبات العربيه نظرا لعرض الجنط الاسبور عن العادي يعني العرض بتاع الكاوتش الملامس لسطح الارض بيكون اكبر وبالتالي قوة تماسك اعلي ضد قوة الطرد المركزي (في المنحنيات)
2-نظرا لان بيبقي شكلها فيه فراغات كتير ده بيدي تبريد اسرع للفرامل
3- انها بتكون اخف وزنا وده نظرا لانها بتتصنع من مواد زي الالمونيوم واوقات بتكون مصنوعه من الماغنسيوم (بس دي مش موجوده هنا في مصر )
وده طبعا بيبقي ليه تأثير كبير علي الهاندلينج والاستابليتي بتاعة العربيه بمعني:
لما نحط جنوط وزنها قليل مع طنابير وسوست ومساعدين وكاوتش اسبور (خفيفه ) كده بنبقي قللنا الوزن الغير منبوض non sprung weight
طيب ايه معني الكلام الملعبك الي مش مفهوم الي فوق ده؟
الوزن الغير منبوض معناه الوزن الغير متحمل علي سوست العربيه الاجزاء دي لما بتكون اخف بيسهل من حركتها وبالتالي بتتعامل مع المطبات والنقر الي في الطريق بسهوله (متغيرات الطريق)
وده بسبب قصورها الذاتي الي بيبقي اقل من الحاجات الاستوك
تقبل تحياتي
A.Yakout
ملحوظه جزء من الرد منقول بتصرف من رد للباشمهندس MMamdouh
معلومات مفيدة جدا اشكركم عليها
تغيير مقاس الكاوتش له أضرار زى ما له مزايا
من ضمن أضراره زيادة استهلاك البنزين لأن المقاومة بقت أعلى وارتفاع صوت حركة السيارة وتقصير عمر البلى لزيادة العبء عليه
كذلك زيادة الإحساس بالمطبات وتقليل راحة السيارة (وده فى حالة تكبير قطر الجنط )
ارتفاع ثمن الكاوتش الكبير عن العادى