سؤال الى كل سيده او انسه

**أبو_يوسف** · 09-07-2009 02:28 PM

المشاركة الأصلية كتبت بواسطة tutankhamoun

خد بالك من الحتة دي من الآية :

يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ

واخد بالي ان نساء النبي لسن كأحد من النساء في الفضيلة والشرف وهذه الفضيلة تتم بشرط التقوى { إِنِ اتَّقَيْتُنَّ }
وخد بالك انت ان الاوامر في الآية مثل لا تخضعن بالقول وغيرها هي أوامر لأطهر النساء-أمهات المؤمنين- اللائي عشن في وقت كان فيه أفضل الرجال -الصحابة-
فما بالك بزماننا

عندي سؤال انا لو قلت لك "إن شربت هذا الماء اصابك تسمم" هل ستشرب؟؟
طبعا لأ ... مع أني لم أأمرك بعدم الشرب..

ولما النبي يقول "المرأة عورة فإذا خرجت استشرفها الشيطان" (صححه الألباني)
بنقول لأ دا النبي لم يأمر المرأة بعدم الخروج!
------------------------------
رجاء أخير ليتك تدلنا على هذه الدراسة الطويلة التي أوصلتك لعدم تصديق الحديث وانك لا تأخذ إلا ما اقتنع به عقلك فقط...
لأن أكيد من يدرس في هذا الموضوع ولو شيء يسير يتوصل بلا ريب للاقتناع بصحة الاحاديث الصحيحة وان تدقيق صحتها لم يأت من فراغ..

**نور القمر** · 09-07-2009 02:50 PM

المشاركة الأصلية كتبت بواسطة ecybrarian

رأيك سليم بس فيه تعميم.. مش كل الحالات والتجارب زي بعض. انا اتجوزت مراتي وهي في تانية تجارة..وكنت بذاكر لها..مش بس، انا شجعتها تقدم ورقة بحث في مؤتمر طلابي على مستوى الجامعة..والحقيقة مش انا السبب..هي إللي كانت مصرة على النجاح لدرجة انها كانت بتذاكر وهي حامل وهي معاه بيبي (نورا) صغيرة..ونجحت وخدت الشهادة بعون الله.
ده مش معناه اني راجل مثالي..على العكس انا راجل في عيوب الرجالة في مصر..وكنت باشعر بشدة الضيق لما كنت باروح دفع المصارييف واصور لها الورق..لدرجة اني قلتها اني مش هاعمل كده لو لا قدر الله سقطت في السنة..وده انا مش قادر اسامح نفسي عليه..بس هي كانت اكثر اصرارا على النجاح..

من الاخر...إرادة المرأة واصرارها على النجاح هو العامل الاساسي للنجاح مش صعوبة الظروف ولا الجواز ولا العيال

اشكرك دكتور هشام على ردك
انا كمان كنت مصرة اني اكمل تعليمي ويمكن بالنسبة لي كانت ظروفي اصعب من مدام حضرتك لاننا كنا مقيمين خارج مصر وكنت معتمدة على نفسي كليا في المذاكرة
للعلم انا كمان خريجة تجارة والكل هيقول تجارة سهلة وهي فعلا سهلة لكن احيانا كنت بحتاج شرح لجزئيات وكنت بنزل قبل الامتحان بشهر واحد والم المنهج فيه واجلت الكلية كذا سنة وغيبت كذا سنة
وجبت ابني الثاني وانا لسه متخرجتش
اكيد كل ده كان مسبب لي ضغط عصبي ونفسي كبير وكانت بتصيبني حالات يأس كتير اني مش هقدر اكمل لكن قلقي كان بيزدني اصرار ومكنتش بلاقي مساعدة من حد في دفع مصاريف او الوقوف في طوابير تصوير المذكرات وكنت مضطرة اعتمد على نفسي في اشد ظروفي الصحية سوءا بسبب الحمل اوالولادة
ومهما قولت الموضوع ده كان مسبب قلق اد ايه مش هتتخيل لدرجة اني مازلت بحلم اني طالبة في الجامعة واني بمتحن واني خايفه من الامتحان
واكيد مدام حضرتك كمان كانت مصابة بضغط نفسي وعصبي بسبب تحمل مسئولية بيت وزوج وطفلين وتحمل مسئوليه مذاكرة وامتحانات علشان كدة انا بنصح البنات يعيشوا حياتهم بتسلسل مراحلها بدون قلق او توتروفي الاخر كل شيء نصيب والتوفيق من عند ربنا سبحانه وتعالى
لكن في نفس الوقت انا منكرش ان في ميزة للزواج المبكرة وهي ميزة انجاب الاطفال في سن صغيرة بعدها الواحد بيحس انه خلص من جزء من المسئولية في سن اصغر واقدر اعيش حياتي واشتغل بعد ما الاطفال كبروا وبقوا عندهم قدرة على الاعتماد على نفسهم
ولما بقارن نفسي بزميلاتي اللي كملوا تعليمهم الاول وتزوجوا بعد التخرج على 25 سنه وطالع لسه عايشين هَم الحمل والولادة والبامبرز والببرونة في حين اللي يشوفني انا واولادي الكبار مش بيصدقوا انهم ولادي ومعتقدين انهم اخواتي ودي اهم ميزة

**tutankhamoun** · 09-07-2009 03:46 PM

المشاركة الأصلية كتبت بواسطة timtim

المشكلة اننا ننظر للصورة النهائية أو اللقطة الأخيرة فقط .. وكأنك جعلت النصر بسبب المدفع..
اخي.. انظر لنشأة محمد الفاتح منذ طفولته..
انظر لإيمان أمه بحديث النبي قبل أن تلده ..«لتفتحن القسطنطينية، فلنعم الأمير أميرها، ولنعم الجيش ذلك الجيش»
وماكانت تغرزه في ابنها وهو صغير من ايمان وعقيدة..بأنه هذا الأمير
اما التمكين فيأتي من الله نتيجة للتمسك بالدين والإيمان والأخذ بالاسباب

حضرتك كررت ما أنا قلته و بتقولي بتأخد باللقطة الأخيرة ؟؟؟؟؟؟؟؟؟؟؟؟
ياريت لما ترد و تتهم الناس بحاجة ترد على كل الكلام مش تأخد كلمتين ....... و تسيب بقية الكلام و ترجع تقولي أني ببص على اللقطة الأخيرة و كأني لم أقول أن النصر من عند الله و ليس بالعدد و لا بالعتاد .......... ده الأساس .
أما العتاد فهو شئ مُكمل أمرنا الله بتجهيزه ............
أرجع لردي السابق هاتلاقيني قايل الكلام ده .

المشاركة الأصلية كتبت بواسطة timtim

واخد بالي ان نساء النبي لسن كأحد من النساء في الفضيلة والشرف وهذه الفضيلة تتم بشرط التقوى { إِنِ اتَّقَيْتُنَّ }
وخد بالك انت ان الاوامر في الآية مثل لا تخضعن بالقول وغيرها هي أوامر لأطهر النساء-أمهات المؤمنين- اللائي عشن في وقت كان فيه أفضل الرجال -الصحابة-
فما بالك بزماننا

عندي سؤال انا لو قلت لك "إن شربت هذا الماء اصابك تسمم" هل ستشرب؟؟
طبعا لأ ... مع أني لم أأمرك بعدم الشرب..

ولما النبي يقول "المرأة عورة فإذا خرجت استشرفها الشيطان" (صححه الألباني)
بنقول لأ دا النبي لم يأمر المرأة بعدم الخروج!
------------------------------
رجاء أخير ليتك تدلنا على هذه الدراسة الطويلة التي أوصلتك لعدم تصديق الحديث وانك لا تأخذ إلا ما اقتنع به عقلك فقط...
لأن أكيد من يدرس في هذا الموضوع ولو شيء يسير يتوصل بلا ريب للاقتناع بصحة الاحاديث الصحيحة وان تدقيق صحتها لم يأت من فراغ..

الجدال و النقاش كان واضح جدا من الأول ......
حضرتك أستشهدت بآية و قلت أنها بتأكد كلامك بعدم خروج النساء من المنزل ....
مع أن الآية بتتكلم في حاجة تانية خالص ......
و خصوصا زمن الفتن من كفار قريش ....................... مش من الصحابة .........

و كل الأوامر صريحة صراحة تامة و بينة بيان تام وواضح جدا .
و الآية بتخاطب نساء النبي ....... و أهل البيت و ليس نساء المسلمين .

يبقى كل حاجة تكون في مكانها مظبوط علشان لا نضع تفسيرات لأشياء هي في غير محلها .

طيب حتى الحديث اللي أنت بتستشهد به
المرآة عورة ؟؟؟؟؟؟
طيب أمال اللبس المحتشم ده لزمته أيه ؟؟؟؟؟؟؟؟؟؟؟؟؟؟
و بعدين مش الشيطان موجود في كل مكان و له القدرة على دخول المنازل و رؤيتنا و نحن عرايا على سبيل المثال ؟؟؟ ......... أو ليس الشيطان له اليد الطولى فيالوصول إلى أي بني آدم في أي مكان طالما هذا البني آدم بعيد عن الله و لا تحميه الملائكة .......
يبقى الشيطان في البيت زيه زي الشارع ............
يبقى المرآة عورة لما تلبس لبس غير إسلامي و غير محتشم يُظهر عورتها ..........

لا تنسى أن السيدة أسماء بنت أبي بكر ....... ذات النطاقين ....... كانت تخرج لتهريب الطعام إلى الرسول صلى الله عليه و سلم و لأبيها في عز الليل ........... لماذا لم يناهاها الرسول عن الخروج ؟؟؟؟؟؟؟ أو يناهاها أبيها عن الخروج ؟؟

برضه بنحمل كل شئ أكتر من تفسيره و توضيحه .......
أما بخصوص الدراسة .... و طريقة تحدثك عنها ..........
هي ليست دراسة أو شهادة أو دكتوراه فالدين لا يحتمل كل هذا ..........
أي شخص يستطيع أن يفهم معاني القرآن البسيطة اللي مش محتاجة عبقري أو يعمل دكتوراه في الموضوع مثلا علشان يثبت حاجة ........
عقلي و تفهمي لمعاني القرآن و أختلاف بعض الأحاديث الصحيحة مع القرآن أو مع بعضها البعض هما ما أوصلاني إلى التمسك أكثر بالقرآن و ما فيه .......... و قراءة الحديث الشريف لعلي أجد شيئا يتفق مع العقل و مع القرآن و لا مانع من الأخذ به ........... و لا أحب أن تكون الحياة كما قالي أخي سبعاوي أبيض و أسود كما يفعلها الكثير .

نرجع تاني لبداية الكلام اللي حضرتك غيرته ...........

أنت قلت أنت مش مع خروج النساء من المنازل و أستئهدت بآية بتتحدث بكل صراحة ووضوح عن نساء النبي عليه الصلاة و السلام ......... و بتنتهي بكلمة أهل البيت ..........
اللي هو أهل بيت الرسول صلى الله عليه و سلم و المقصد بها زوجاته و بناته .

.................................................. .................................................. ........
أختي مسلمة دينتست .
أولا شاكر لحضرتك الأسلوب الأكثر من محترم في عرض أنتقادك لطريقة عرضي للموضوع و طريقة فهمي له .

و برضه أحب أوضح على نقطة مهمة جدا ......
العرض بتاع حضرتك ممتاز و له وجهة نظر .......
بس تعالي نفكر في الموضوع بطريقة تانية .......
طيب ما أنا لو روحت بلد معينة و بدأت أنشر خبر و قلت :

فلان الفلاني طلع القمر ..........
أول ناس هاتسمعني مش هاتصدق .......... و لكن ممكن ينقلوا الخبر بطريقة تانية ..

بيقولوا أن فيه ناس طلعت القمر ........
و هكذا تبدأ الأشاعة تنتشر ........... و ثالث سامع للإشاعة مش عارف مصدرها ........ و لكنه سمعها من اللي قبله و هكذا و تنتشر ...... أكثر و أكثر .................
و بعد عدة سنوات تُصبح حقيقة لأن الناس كلها بترددها ..........................

و لما ييجي باحث مُعين ........ يقول يا جماعة أيه رأيكوا في الكلام ده
تقوم الناس ترد عليه و تقول .:
أيوة سمعنا الكلام ده و الناس كلها و القرية و المدينة كلها بتقوله .........

الحديث هو الملعب اللي لعب عليه كارهوا الدين و اليهود و الحاقدون ....
لأن القرآن تم حفظه من البداية و تجميعه في كتاب واحد و لم يتغير منذ ذلك الحين ........
أما الأحاديث فكانت لهؤلاء الحاقدون المنفذ الوحيد لهم لتوجيهنا اتجاهات معينة .......... منها ما هو لا يُصدق كلياُ ومنها ما هو محبوك و برضه إذا أمعنتي التفكير فيه ممكن يساورك الشك .........

لذلك أنا مؤمن بالأحاديث ........ و لكن ليس كلها ..........
و لا حول و لا قوة إلا بالله العلي العظيم ........ و لا إله إلا الله محمداً عبده و رسوله ....

قبل ما حد يعلن علي أقامة الحد

**أحمد كمال** · 09-07-2009 04:34 PM

المشاركة الأصلية كتبت بواسطة muslimah_dentist

أستاذ توت

أنا واحدة من الناس اللى دايما بتحب تقرأ أرائك و اتجاهك الفكرى فى عرض وجهة نظى مما ينم عن عقلية مستنيرة واعية.

بالرغم أن الموضوع الأصلى قد نسيناه تقريبا و اتجه الكلام الى موضوع آخر و لكننى أردت أن أُعلق على كلامك فى نقاط محددة و أرجو أن يتسع صدرك لها.

بالنسبة لقول سيادتكم "أنا اللى بيتفق مكع القرآن و العقل أخذ به"

قال تعالى فى كتابه العزيز

قل ان كنتم تحبون الله فاتبعونى يحببكم الله و يغفر لكم ذنوبكم و الله غفور رحيم(آل عمران)

و قال أيضا : و ما آتاكم الرسول فخذوه و ما نهاكم عنه فانتهوا

و قال أيضا: يا أيها الذين آمنوا أطيعوا الله و أطيعوا الرسول و أولى الأمر منكم فان تنازعتم فى شئ فردوه الى و الى الرسول ان كنتم تؤمنون بالله و اليوم الآخر ذلك خير و أحسن تأويلا(النساء)

اذن فى هذه الآيات هناك تصريح لفظى واضح فى القرآن باتباع الرسول صلى الله عليه و سلم

السنة لغويا هى الطريقة

و اصطلاحا هى كل قول أو فعل فعله أو قاله الرسول صلى الله عليه و سلم

و توجد هناك سنة اقرارية: أى أقرها الرسول صلى الله عليه و سلم

و هناك سنة قولية: أى قالها و تحدث بها

و هناك سنة فعلية:أى فعلها النبى صلى الله عليه و سلم

سنأتى لما تقول سيادتكم كيف أعرف الحديث الصحيح من عدمه بعد مائة و خمسين عاما

هناك علم متخصص فى هذا الفن و هو علم مصطلح الحديث و هو الخاص بتتبع الحديث و من هنا جاء الحديث الصحيح و الحسن و الصحيح لغيره و الحسن لغيره و الضعيف و الموضوع و المنكر و المتروك............و أسماء اصطلاحية أخرى كثيرة جدا

و لكننك ستسألنى مثلا ، كيف نُجزم بصحة الحديث؟؟؟؟؟؟؟؟؟؟

الحديث الصحيح هو الحديث المتصل السند الذى نقله عدل تام الضبط عن مثله الى منتهاه و لا يكون شاذا و لا مُعللا

و يكون متواتر و التواتر معناه: هو نقل خبر عن جمع كثير تستحيل العادة تواطؤهم على الكذب

يعنى نُعطى مثالا من أرض الواقع

اذا كنت فى جزيرة نائية و ليس عندى أى وسيلة اتصال و أتانى زائر و أخبرنى بما حدث فى 11 سبتمبر فى أمريكا و ما حدث لبرجى التجارة العالمى فلن أصدقه لأننى ليست عندى قرينة تؤيد ما يقول

و لكننى اذا رحل هذا الزائر و أتتنى وفود متفرقة أخرى من بلدان مختلفة تُخبرنى بما قاله لى هل سأصدقه أم لا......

هذا تبسيط شديد لمعنى التواتر و هو رواية جمع كثير تستحيل العادة تواطؤهم على الكذب

و شرط للحديث الصحيح هو التواتر

و فى علم مصطلح الحديث توجد هناك طبقات السند و التواتر شرطه الاتصال بين كل طبقة من طبقات السند و طبقات السند مثل الصحابة هذه طبقة و التابعين طبقة أخرى و تابعى التابعين طبقة ثالثة

و وجوب اتصال السند هو شرط للحديث الصحيح فممكن أن يُجمع الحديث بعد مائة و خمسين عامل و لكنه مُتصل السند و فيه التواتر و شروط الصحة

أرجو أن أكون أوضحت لسيادتك نذر قليل جدااااااااااااااا من هذا البحر الواسع لعلم مصطلح الحديث

و معذرة عن الخروج عن الموضوع الأصلى

و تقبلوا منى جزيل الشكر

جزاك الله خيرا

**أحمد كمال** · 09-07-2009 04:35 PM

المشاركة الأصلية كتبت بواسطة tutankhamoun

لذلك أنا مؤمن بالأحاديث ........ و لكن ليس كلها ..........
و لا حول و لا قوة إلا بالله العلي العظيم ........ و لا إله إلا الله محمداً عبده و رسوله ....

سيدي الفاضل انت حر في معتقدك و لكن الحديث الصحيح لا يجوز عدم الايمان به

**elassar2010** · 09-07-2009 06:58 PM

المشاركة الأصلية كتبت بواسطة نور العمر

مع احترامي لكلام الشيخين وبصراحة انا مسمعتش عهم ( قد يكون جهل مني )

حيتجوزو الاثنين قبل الدراسة
حضرتك
حيشتغلو ويصرفوا منين

أو بالاخص
الشاب حيشتغل ويصرف منين

والجواز حيعرقل التعليم والتقدم والنجاح
ونخلف ونمشي على نفس النهج
ونجوز عيالنا بدري بدون استكمال تعليم
با كملوا يا لا ..... وهكذا

في النهاية مجتمع مبني على فكرة الزواج والتكاثر
لا فكرة العمل والانتاج والنجاح

ده انهي فكر
وانهي راي

يا جماعة

وحديث الرسول عليه الصلاة والسلام
مفيهوش أي اشارة لعدم جواز التأجيل للتعليم
ويؤخذ الحديث على محمل عندما يقتح باب الزواج
فلكم ان تقبلوا من ترضون خلقه ودينه

وقال عليه الصلاة والسلام
من استطاع منكم الباءة ( وده مش الزواج للزواج فقط ) وإنما
من استطاع فتح بيت وحمل مسئولية فاليتزوج اهلا وسهلا ولو ابن 18 سنة

استفسارات حضرتك ممتازة وانا منتظر الرد
حيتجوزو الاثنين قبل الدراسة
حضرتك
حيشتغلو ويصرفوا منين

أو بالاخص
الشاب حيشتغل ويصرف منين

والجواز حيعرقل التعليم والتقدم والنجاح
ونخلف ونمشي على نفس النهج
ونجوز عيالنا بدري بدون استكمال تعليم
با كملوا يا لا ..... وهكذاولما كل البنات تتجوز ومتكملش تعليمها ازاى هتعلم ابنها لما ربنا يرزقها ؟؟؟

**tutankhamoun** · 09-07-2009 07:04 PM

المشاركة الأصلية كتبت بواسطة ak1981

سيدي الفاضل انت حر في معتقدك و لكن الحديث الصحيح لا يجوز عدم الايمان به

معنى الكلام ده ...... أن أي مسلم غير مؤمن بالحديث يكون كافر ؟؟؟؟؟؟؟؟؟؟؟؟

يعني أيمان المسلم بكتاب الله ......... و تنفيذ أوامر الله ...... و الصلاة و الزكاه و الحج و الصوم و الشهادة مش هي دي أركان الإسلام الأساسية ؟؟؟؟؟؟؟

يعني كل ده ايمان منقوص لو الحديث مش فيهم ؟؟؟؟؟؟؟؟؟

**muslimah_dentist** · 09-07-2009 07:11 PM

المشاركة الأصلية كتبت بواسطة tutankhamoun

.................................................. .................................................. ........
أختي مسلمة دينتست .
أولا شاكر لحضرتك الأسلوب الأكثر من محترم في عرض أنتقادك لطريقة عرضي للموضوع و طريقة فهمي له .

و برضه أحب أوضح على نقطة مهمة جدا ......
العرض بتاع حضرتك ممتاز و له وجهة نظر .......
بس تعالي نفكر في الموضوع بطريقة تانية .......
طيب ما أنا لو روحت بلد معينة و بدأت أنشر خبر و قلت :

فلان الفلاني طلع القمر ..........
أول ناس هاتسمعني مش هاتصدق .......... و لكن ممكن ينقلوا الخبر بطريقة تانية ..

بيقولوا أن فيه ناس طلعت القمر ........
و هكذا تبدأ الأشاعة تنتشر ........... و ثالث سامع للإشاعة مش عارف مصدرها ........ و لكنه سمعها من اللي قبله و هكذا و تنتشر ...... أكثر و أكثر .................
و بعد عدة سنوات تُصبح حقيقة لأن الناس كلها بترددها ..........................

و لما ييجي باحث مُعين ........ يقول يا جماعة أيه رأيكوا في الكلام ده
تقوم الناس ترد عليه و تقول .:
أيوة سمعنا الكلام ده و الناس كلها و القرية و المدينة كلها بتقوله .........

الحديث هو الملعب اللي لعب عليه كارهوا الدين و اليهود و الحاقدون ....
لأن القرآن تم حفظه من البداية و تجميعه في كتاب واحد و لم يتغير منذ ذلك الحين ........
أما الأحاديث فكانت لهؤلاء الحاقدون المنفذ الوحيد لهم لتوجيهنا اتجاهات معينة .......... منها ما هو لا يُصدق كلياُ ومنها ما هو محبوك و برضه إذا أمعنتي التفكير فيه ممكن يساورك الشك .........

لذلك أنا مؤمن بالأحاديث ........ و لكن ليس كلها ..........
و لا حول و لا قوة إلا بالله العلي العظيم ........ و لا إله إلا الله محمداً عبده و رسوله ....

قبل ما حد يعلن علي أقامة الحد

سيدى الفاضل

أنا أحترم وجهة نظرك و أقدرها

و فى معرض حديثى قلت لسيادتكم أن هذا نذر بسيط لبحر من بحور العلم الواسعة

و هناك سيدى حقا من كذب على الرسول صلى الله عليه و سلم فجاء الحديث الموضوع و هو الكذب المختلق عن رسول الله صلى الله عليه و سلم و هو لا يجوز الأخذ به على الاطلاق

و من أجل ما تتخوفه سيدى الفاضل من انتقال الاشاعات و كما قلت كما أن الخبر الصحيح يجوز أن ينتقل و الاشاعة ممكن أن تنتقل هى الأخرى

من أجل هذه التخوفات نُشئ علم الرجال و هو الجرح و التعديل

و هو الخاص برواة الحديث

فهناك الحديث المقبول و المردود

و من أسباب رد الحديث الطعن فى السند و الطعن فى عدالة الراوى أو ضبطه

لهذا الحديث الصحيح بمنأى عن كل ما تتخوف منه لأن رجاله عدول يتسموا بالضبط التام

ممكن أن يكون الكلام به الكثير من الاصطلاحات الحديثية و لكننى أردت أن أبين لسيادتكم مدى صحة الحديث الصحيح و أن علم المصطلح علم حمله رجال تكفلوا بحفظ السنة النبوية

و أنا سعيدة بالحوار الهادئ الهادف مع سيادتكم

و لن يُقام عليك الحد أو شئ و لكننى أحببت أن أُريك نذر يسير من هذا البحر الواسع من بحور العلم و هو علم مصطلح الحديث

و تقبل منى جزيل الشكر

-

الموضوع: سؤال الى كل سيده او انسه

LinkBack

أدوات الموضوع

عرض

-

-

-

-

-

المواضيع المتشابهه

ايه احساسك لما واحده ست او انسه تسوق قدامك بسرعه السلحفه وتكسر عليك

سيده تاخذ حكما ضد وكيل سيات بسبب سيارتها " ليون "

سواق ونش قلب سيارة سيده و بناتــها فى النفق !!!

سؤال الى المهندس طارق -مصراوى ::سؤال فنى فى المارش بتاع الشكل القديم 2006

الكلمات الدلالية لهذا الموضوع

المفضلات

المفضلات

ضوابط المشاركة